حراسة خاصة

هدف مطلوب تأمينه!

مدينة نصر ،الساعة 8 الصبح ، في شقة من الواضح انها ملك لشخص عازب،شقة فوضوية جداً!..بيصحى على صوت المنبه..
:يوووه أنا زهقت بقى،كل يوم هصحى بدري كدا!
الله يسامحك يا حج!
قام من على السرير،شاب في أوائل العشرينات،لابس بنطلون رصاصي فاتح،بينما كان مش لابس حاجة من فوق،قوي البنية إلى حدٍ ما، طويل،وسيم جداً،دي الحاجة اللي كانت كفيلة تخلي أي بنت تتمنى نظرة منه،شخصية فوضوية جدا، عصبي، متهور، منحرف درجة أولى!..مُجرد ما بيشاور على أي واحدة بتجيله و آخرها معاه ليلتين دي لو كانت حلوة اوي بقى..
قام يغسل وشه و ياخد ال shower بتاعه..
هو بنبرة مخنوقة:أنا لازم أنزل النهاردة اروح الشركة لبابا بس بجد مش ناقص وجع رأس..و أكيد زي كل مرة هيكلمني في محاضرة شكل أصلي خلصت من محاضرات الجامعة دخلي بمحضراته!
و فجأة صوت أنثوي جداً من جوا، كالعادة كان بيقضي ليلة من لياليه مع واحدة اتعرف عليها امبارح  في البار اللي بيروحه...مابيضيعش وقت!..و الليلة كانت من نصيب لارا..
لارا بتناديه بأنوثة:هنوون..بييبيي..حبيبي ليه مش بترود!
هو بصوت واطي:ايه اللي صحاها دي كمان!
لارا خرجت ليه و كانت لابسة..(دا لو كانت لابسة اصلا)..قميص نوم لونه أسود قصير جدا..
لارا: ايه يا حبيبي مش بترود ليه؟!
:لا عادي ماسمعتش...عايزة كام على ليلة امبارح؟!
لارا بدلع :اخص عليك يا هنون انت شايفني واحدة جاية من الشارع...
و بعدين راحت قعدت على رجله و محاوطة رقبته بأيديها بنعومة...
كملت لارا:دا أنا أعملك كل اللي انت عايزه من غير مقابل يا بيبي هو انا اطول ابقى معاك
هو بينه و بين نفسه:كلكم شمال!
و بعدين زقها و قال...
:لارا اخلصي عايزة كام و لا عايزة ايه عشان تمشي بقى انا نازل؟
لارا: لا خلاص انا نازلة بس توعديني ليلة امبارح تتكرر!
:لما ابقى عايز يا لارا..او بمعنى اصح عايزك..
لارا اتحملت كلامه القاسي دا بس هي اللي عملت كدا و دخلت غيرت هدومها و مشيت..من غير حتى ما يسأل يوصلها و لا لأ..
جهز بطلنا و خد مفاتيحه و نزل عشان يروح لوالده الشركة..

في شركة WRH أكبر شركة للإيستراد و التصدير..
رئيس الشركة:يعني ايه ماجاش أنا قايله الساعة 7 بالدقيقة يبقى هنا!
السكرتيرة:يا فندم زمانه جاي دلوقتي..حضرتك عارف هو دايماً بيتأخر، بس مسيره يتعدل يا هاني باشا.
هاني الدمرداش والد بطلنا من كبار رجال الأعمال عنده كل حاجة إلا اهم حاجة، الاسرة!
زوجته و أم ابنه متوفية، عنده ابن وحيد..محمد، كان نفسه يعيشه في احسن حال و يخليه راجل و مسؤول و يعوضه عن موت أمه اللي ماتت قبل ما تشوفه، كان عايز يخليه سنده لما يكبر، بس حصل عكس كدا تماماً...
محمد وصل الشركة أخيراً..الناس كلها سلمت عليه، و طبعا كل البنات اللي في الشركة راحوا يظبطوا نفسهم لما عرفوا انه جاي..بس كالعادة هو مجربهم كلهم، آخرهم معاه ليلة..
وصل لمكتب والده..
محمد بسخرية:صباح الفل يا حج يا ترى محاضرة النهاردة عن ايه!
هاني:اتريق اتريق..انت ليك نفس تهزر يا بارد!
محمد:و ليه الغلط بس!
هاني:اما انك حيوان صحيح..انا قايلك تيجي الساعة 7 بالتمام و الساعة داخلة على تسعة اهي و أنت لسة جاي تتمختر!..أكيد كنت مع واحدة من اياهم..
محمد: بابا بقولك ايه انا بجد مصدع للحوارات دي انت مصحيني الصبح و مجرجرني هنا ليه!
هاني بتهكم:مصدع اه..
قلب كلامه بجدية: محمد انت ابني الوحيد و انا خايف عليك..انا كل يوم بيوصلي رسايل تهديد صريحة، منافسيني بيع د دون ي بيك!..عارفين انك اغلى حاجة عندي و انك وريثي الوحيد..
محمد بلا مبالاة: طب و ايه الجديد يعني المطلوب مني اعمل ايه..و حوار ال bodyguard دا تنسااه
هاني بعصبية:ايه برودك دا!..نهايته انا قررت اني هطلبلك حارس شخصي و هيبقى هو دا المكلف بحمايتك
محمد بعصبية: انت شايفني سوسن عشان تجيبلي حد يحرسني!..و بعدين انت عايز شكلي يبقى عامل ازاي وسط صحابي!
هاني بعصبية اكتر:انت ماعندكش دم!!..هو دا كل اللي همك!..صحابك هيقولوا ايه؟!..عمرك ما فكرت انا هبقى عامل ازاي لو حصلك حاجة..كفاية انك عايش لوحدك و مابتفكرش تيجي الڤيلا الا كل فين و فين لما انا اطلب!..حرام عليك بقى..حرام عليك نفسك و نفسي!
محمد بعند و عصبية:بابا الكلام دا كل مرة بتقوله و انا حفظته، انا ماشي..
و هو خارج رجع و قال:
و حوار الحارس دا تنساه انا اعرف اخد بالي من نفسي كويس
هاني: بكرة الصبح تكون عندي هنا و الا والله ما هعرفك تاني يا محمد و انسى اني ابوك
زفر محمد بعصبية و ملامحه بتدل على كدا..فجأة لقى حد وقفه..
منار..سكرتيرة والده، بيثق فيها جداً و صاحبة محمد جدا تعرف عنه كل حاجة، و هو كمان بيعتبرها من اقرب الناس ليه، متربيين سوى، شعرها اسود و عينيها بني غامق بشرتها مائلة للسمار أكتر، طويلة و رفيعة..بتساعد محمد دايماً حتى لو كانت حاجة غلط بس دا بدافع "الحب" ايوة هي بتحبه من زمان بس ماقالتلوش و هو مش عارف..و دي آخر حاجة ممكن يفكر فيها..أكبر منه ب 3 سنين يعني هي 25 سنة..
منار:مالك؟
محمد:مش فايق يا منار انا خليني اغور من هنا
منار:مش هسيبك مش عليا انا تعالى قولي
محمد: يخربيت رخامتك!
منار:عادي ولا يهزني
محمد ابتسم:تعالي
و حكالها...
منار:بصراحة...انكل هاني عنده حق
محمد:تصدقي انا ابن كلب اصلا اني حكيت!
منار:الله!..يعني أكدب!
محمد مستنكر:يعني انتي شايفة اني محتاج حراسة!!
منار:ايوة يا محمد فعلا في رسايل تهديد كتير بتيجي لوالدك بخصوصك، اعمل و لو لمرة واحدة حاجة ترضيه!
محمد بخنقة:ماشي يا منار..ماشي
منار بغمزة:حبيب قلبي... على فين النهاردة
محمد:ع البار هو في غيره
منار:اشطا..اسيبك انا بقى عشان ابوك مايتخانقش معايا انا كمان
محمد بإبتسامة:ماشي خلي بالك من نفسك يا مصيبة
منار:بس يلا دا انا اللي مربياك
محمد:مربياني!..انتي اكبر مني بتلات سنين بس!
منار:غور ياض من هنا

محمد هاني ابن رجل أعمال كبير أوي ، 22 سنة،في الفترة الأخيرة زادت محاولات تهديد والده بيه، عشان كدا أمر والده بأنه يجيبله حارس شخصي، شاب متهور، منحرف، بيعشق البنات، بس مش سهل، بيخليهم هما اللي يجروا وراه، وسيم، عنيد و عصبي و متكبر أحياناً، مايعرفش حاجة عن الأخلاق تقريباً، حياته تافهة و مملة محققش حاجة لحد دلوقتي لدرجة انه أحياناً بيحس بكدا بس بيطنش، عشان هو اتولد لقى كل حاجة قدامه، و مسموحله يعمل اللي نفسه فيه، هو عارف انه غلط بس هو مين يعني اللي هيعلمه الصح، أبوه كان فاكر انه كدا هيخليه سند ليه بس زي ما قولنا حصل العكس
__________________
جزء تشويقي..
:نعم؟!
:عندك اعتراض ولا ايه؟!
..........
:يخربيت كدا😍😈