#نور
بعد ما وصلت البيت و قفلت مع هاني بيه..
نور:يلا
محمد زفر بضيق:أخيراً😏
نور بنفس برودها:لازم تبقى بعيد عن أنظارهم و...
محمد قاطعها:و طبعاً مفيش ابعد من بيتك😑
نور ابتسمت ببرود:براڤو...بدأت تفهم
محمد:😏
#محمد
نزلنا من العربية و بيتها فعلاً كان بعيد عن الانظار و في حتة بعيدة و مع ذلك فهو كبير و شكله حلو جداً..هي ازاي عايشة لوحدها؟!
دخلنا و البيت من جوا كبير و فخم فشخ..وقفت لحظة قدام صورة كبيرة متعلقة لراجل كبير و شكله بيتميز بالهيبة و كانت عينه خضرا..زي نور❤!..
اكيد دا باباها...و في جنب صورته صورة متعلقة لواحدة شبه نور اووي لدرجة اني افتكرتها هي لولا ان الصور شكلها قديم..مامتها❤..
و بعدين لقيت صور لبنت صغيرة ملامحها بريئة اوي
و جمالها سبحان الخالق❤...جميلة لدرجة اني افتكرتها لوحة رسامها ابدع فيها..لغاية اما افتكرت ان اللي بتحرسني عبارة عن لوحة حقيقية ربنا أبدع في خلقها✨💜...
قطع شرودي صوت نور و هي بتتكلم في التليفون و سمعتها و هي بتقول "هاني بيه" فعرفت انها بتكلم ابويا..لحد ما سرحت فيها تاني و هي بتتكلم..ادق تفاصيلها كفيلة تخليني اعيد النظر ليها تاني و تالت و رابع!...كفيلة تخليني مابصش لحد تاني بعدها..لان الواحد لما يبصلها بيستحرم يبص لحاجة تانية بعدها💜✨...و كأنها وردة نادرة و جميلة ماتشبعش من النظر ليها و تبقى عايز تقطفها و تشمها بس هي بشوك هتشوكك لو قربت منها..و ماقدرش اخبي ان رغم اني كنت عايز منها حاجة وحشة في الاول الا اني بتبسط لما بتديني على دماغي!!...مختلفة عنهم💫💜
قطع شرودي صوتها اللي عمري ما سمعت احلى منه..
نور:هاني
محمد:هاا...نعم
نور:مالك؟!
محمد:اا..مفيش..ليه بتسألي؟
نور:لا بس ناديت كتير ماردتش!
محمد بهدوء: نور هو انتي لما تدخلي جنة..مش هتسرحي فيها و في جمالها؟
نور بعدم فهم:ايوة و دا ايه علاقته بإنك ماتردش؟!
محمد بهيام:كنت سرحان في جنة يا "نور"❤!
نور: whatever.. انا كلمت هاني بيه و سأل عليك و بيقولك هو عايزك بكرة في الشركة
محمد بنفاذ صبر:يووه يخربيت الشركة..بس يلا اهو بالمرة اسلم على منار
نور:ماشي بكرة هنصحى بدري عشان اوصلك..تعالى اما اوريك اوضتك
محمد:ماشي
راحت نور توريه اوضته..كانت اوضة كبيرة و جميلة بس باين ان بقالها فترة ماحدش دخلها..
محمد:غريبة!
نور:هي ايه دي اللي غريبة؟!
محمد:شكل مفيش حد دخل هنا من مدة طويلة
نور:لأ هو ماحدش دخل هنا اصلاً!...انت اول شخص تدخلها، و تدخل البيت بشكل عام
محمد:ازاي؟!
نور دخلت و قعدت على كرسي جنب السرير وقالت:انا عايشة هنا لوحدي...و ماحدش يعرف مكان البيت دا غيري..و أنت حتى صحابي...دا بيتي الخاص اللي باجي اقعد فيه لما ابقى في اجازة او لما احب اقعد لوحدي و افصل عن الدنيا شوية من ساعة ماا..والدي ووالدتي أتوفوا
محمد اتصدم من الجملة دي لدرجة انه مابقاش عارف يتكلم..
#محمد
بجد؟!...هي بجد عايشة لوحدها و ماعندهاش حد؟!..دي اكتر انسانة قوية شوفتها في حياتي..دا انا امي ماتت بعد ما ولدتني يعني ماشوفتهاش مع ذلك اتأثرت فترة طويلة لما كبرت و بدأت استوعب...و نور والدها ووالدتها متوفيين و مع ذلك لسة واقفة..فعلاً كان عندي حق لما قولت انها مختلفة!
محمد:انا آسف..الله يرحمهم
نور:امين..المهم دي اوضتك..بعد ربع ساعة العشا هيبقى جاهز تنزل تتعشى..و دا مش بأختيارك لازم تتعشى عشان يبقى عندك طاقة لبكرة.
و خرجت بسرعة..و كانت ماشية بسرعة كأنها بتحاول تهرب مني او تبعد..روحت وراها لحد اما لقيتها واقفة في البلكونة سرحانة..جيت من وراها و تحمحمت عشان تاخد بالها من وجودي..
محمد:احم احم
نور لفت لقته واقف
نور:محتاج حاجة؟
محمد:لأ...بس كنت عايز اقولك ان انا كمان والدتي متوفية..يعني طلعنا زي بعض في حاجة اخيراً!و ابتسم في آخر كلامه..
ابتسمت❤✨!...ايوة لأول مرة نور تبتسم ابتسامة من قلبها!..اول مرة اشوف ابتسامتها اللي كنت متأكد اني فعلاً اول ما هشوفها هدوب فيها و هسعى بعد كدا عشان اشوفها💜!
فوقت من سرحاني على صوتها لما قالت..
نور:الله يرحمها..اكيد هي في مكان احسن❤
محمد:اكيد...انا اسف لو بفكرك او بتدخل..بس هي توفت امتى؟
نور:......
محمد:انا آسف ماكنش قصدي اتدخ..
نور قاطعته بهدوء:لا لا معلش بس سرحت شوية...هي توفت و انا عندي 3 سنين
محمد:انا امي توفت قبل ما اشوفها اصلا..و هي بتولدتي💔
نور طبطبت على كتفي و هي بتبتسم ابتسامة حنونة و قالت:الله يرحمها❤
شالت ايدها و كملت:يلا بقى عشان هروح اغير عقبال ما هدومك توصل و ننزل نتعشى بعدها
محمد باستغراب:هدومي توصل؟!
نور:ايوة انا وصيت عسكري من العساكر يجيبلك هدوم و يبعتها مع عم عبده بواب عمارة قريبة نسبياً من هنا..
محمد:ماشي
نور مشيت..بعدين وقفتها..
محمد:نور
نور لفت و بصتلي
محمد:شكراً❤
نور ابتسمت ابتسامتها الجميلة تاني:العفو يا هاني❤...بعديها مشيت و دخلت اوضتها
أنت تقرأ
حراسة خاصة
Romance-لم أكن أتوقع انه قد يكسر كل تلك الحواجز بداخلي كنت له حارساً..حتى أصبح حارساً لقلبي..!
