حراسة خاصة

هو في ايه؟!

#محمد
فجأة لقيتها قربت مني اوي..افتكرت اني وقعتها..بس  اللي حصل انها قالتلي...
نور ببرود و هدوء:عيزاك تبقى عارف اني مش بنت من اللي بتنام معاهم دول..لأ اصحى!...عاملني على اني راجل!..زيي زيك كدا..عشان انا شوفت اللي انت ماشوفتوش..و لو واحدة غيري ماكنتش هتستحمل...ففوق لنفسك..بدل ما أخليك ماتعرفش تعمل اي حاجة مع اي واحدة بعد كدا!..هتبقى زي اختهم😊.
ماعرفش هو في كلام ركزت فيه و كلام لأ..ما بين كل كلمة و التانية كنت بسرح شوية في عينيها معرفش ليه..بس اللي انا عارفه و متأكد منه ان دي اجمل عينين شوفتها..لأ دي أحلى حاجة عموماً!💜
مافهمتش هو ايه اللي ممكن تكون شافته و هي في السن الصغير دا..بس ماحدش ضربها على ايدها و خلاها تشتغل الشغلانة دي!..و آخر جملة الصراحة خوفتني😑😕 (😂😂😂)

محمد:بس.....
فجأة نور سابته و مشيت بسرعة و كأنها رايحة تشوف حاجة مهمة..سمعت صوت حد كأنه بيحاول يفتح الباب..راحت ناحيته و قالت..
نور:بص خليك هنا ورا الباب و حتى لو انا طلعت ماتطلعش
محمد:ليه؟!
نور بعصبية:ششش...اللي اقوله يتنفذ!
مسكته شدته ورا بابا المطبخ و هي وقفت قدامه و طلعت مسدسها
و بعدين سمعت الباب بيتفتح جامد، اتعدلت كدا و ثبتت المسدس
بعدين بدأت تتقدم و فجأة طلعت..سمعت برا صوت ضرب نار و تكسير،خوفت..بس الغريب اني ماخفتش من الناس اللي برا دي، أنا خوفت عليها!
أنا أول مرة اخاف على حد!..حتى على نفسي!
فضلت كدا شوية لحد ما الدنيا هديت برا..اتقدمت كام خطوة و انا خايف يكون حصلها حاجة..بعدين ببص لقيتها واقفة بتظبط الزناد في المسدس و في راجلين ضخمين فشخ واقعين على الارض و...!
محمد:نور حاسبي
نور بصتله فجأة لقيته بيجري عليها و مسكها لفها و هي في حضنه و مال بيها على جنب شوية ،دا لأنه شاف راجل من الرجالة دي شبه صاحي و مسك المسدس بتاعه و ضرب نار طلعت منه رصاصة كانت هتيجي في نور ماعرفش ايه الدافع اللي جوايا اللي خلاني اجري عليها و احضنها و الفها بحيث ان الرصاصة تيجي فيا انا!...انا ضحيت عشانها بجد!
بس بعدين حسيت بوجع في دراعي و ماحستش باللي حواليا و دوخت و..
فتحت عيني على وش كأني شوفته قبل كدا..بس بريء اوي..ملائكي..جميل..نفس العينين اللي سرحت فيهم قبل ماا..ايه دا!..هو انا فين؟!..نور!
نور كانت قاعدة جنبه على طرف السرير و ماسكة دراعه و لقى قميصه اللي كان لابسه مش موجود..
محمد:هو ايه اللي حصل؟!
نور و هي بتجيب مطهر من على الكومودينو اللي جنبها:هو انا مش قلت تخليك مكانك!
و بعدين كملت د: ولا انا كلامي مابيتسمعش!
محمد:بس..ا*اااا...آااه
اتألم من المطهر اللي حطته نور على دراعه
نور ببرود:بيوجعك؟
محمد بتألم :ااه شوية
نور بنفس البرود:طيب احسن!
محمد بصدمة و حدة:انتي ماعندكيش دم!..انا كنت هموت دلوقتي عشانك!..و انتي تقولي احسن!
نور ببرود (الباردة بزيادة):والله انا حذرتك و قولتلك ماتطلعش..و كمان ما انا طلبتش منك مساعدة و كمان ماكنتش هتموت ولا حاجة عشان الشاظية بتاعة الطلقة هي اللي صابتك
محمد:طب و بالنسبة ان الطلقة كانت هتيجي فيكي و انا اللي خليتك تيجي على جنب عشان كان زمانك ميتة دلوقتي!
نور ابتسمت ببرود و بصتله باستهزاء و قامت و جاية تقلع القميص اللي هي لابساه
محمد بغمزة:ايه دا هو للدرجة دي عجبك السكس باكس 😉
نور بصتله باحتقار و قلعت القميص عشان توريه انها لابسة واقي ضد الرصاص عشان لو حصل محاولات للاغتيال تكون جاهزة و في نفس الوقت لاحظ ان فيه آثار جرح على كتفها
محمد بينه و بين نفسه:غالبا عرفت حاجة من اللي هي شافته😟...ايه دا ما عادي انا مالي خايف عليها كدا ليه!...(اسد يا ابو هاني في ايه😂😌)
بعدين لبست القميص تاني و قالتله: يلا عشان ماينفعش تقعد هنا بعد اللي حصل دا انت معرض للخطر في اي وقت
محمد:ماشي بس هنروح فين..و صحيح عملتي ايه في العيال اللي برا دول؟
نور:هتيجي و هتشوف..و بالنسبة للعيال دي مربوطين برا و يلا عش...هو انت هتصاحبني يلا ولا ايه؟!! قوم البس حاجة و حصلني!
و سابته و مشيت..
محمد قام عشان يلبس حاجة و هو مصدوم من ان القمر دي قدرت على العجول دول!..و بعدين ثانية هي قالتلي "يلا" كدا عادي و انا مشيتها!..شايفاني ابن اختها !!