#محمد
خلصنا اكل و قومت اشيل الطباق معاها و بعد اما خلصنا...
نور:يلا روح نام دلوقتي عشان بكرة هنصحى بدري تصبح على خير...كانت جاية تمشي لولا اني وقفتها...
محمد بهدوء:نور هو انا ممكن أسألك سؤال؟
نور بإبتسامة هادية و تلقائية:اه طبعا اتفضل!
محمد ابتسم وقال بتوتر:هو انتي ليه بتشتغلي الشغلانة دي!
نور:عشان والدي -الله يرحمه- كان نفسه يجيب ولد و يشتغل في الداخلية بس جاب بنت..اللي هي انا،فقولت لازم اسد مكان اي ولد عشان والدي يكون فخور بيا...بس مالحقش..
محمد:نور انا آسف
نور:لا ولا يهمك...يلا بقى عشان مانتأخرش..تصبح على خير
محمد:و انتي من اهله❤
و كل واحد طلع على اوضته و لأول مرة ابقى مع بنت لوحدينا و تكون بجمالها كدا و مفيش اي شعور شهواني من ناحيتي، و الغريبة اني أول مرة انام مرتاح..لأن صورتها كانت متعلقة في الاوضة...و لاني سمعت صوتها قبل ما انام❤!
#نور
دخلت عشان انام..بس ماعرفتش..حاسة اني مبسوطة بس في نفس الوقت مش عايزة الحاجة اللي تكون سبب انبساطي دي تكون "هاني"..انا عمري ما سمحت لراجل انه يدخل بيتي..حتى لو كان للضرورة!...عمري ما سمحت لحد انا متعرفة عليه في حدود شغلي انه يتدخل في حياتي!...عمري ما كنت متساهلة كدا مع حد!..في حاجات كتير انا متغيرة فيها معاه..لازم اخد بالي دا في الاول و في الاخر مجرد هدف مطلوب مني تأمينه و كلها كام يوم و خلاص هتكون اجازتي جات و حد تاني هيمسكه بدالي..و نامت نور بعد فترة طويلة من التفكير..
#محمد
صحيت الصبح على صوت منبه مزعج اوي...
محمد بعصبية:ايه دا هو في ايه؟!!
ببص كدا لقيت نور جاية عليا ابتسمت فجأة...
نور بجدية:يلا عشان تقوم تفطر و ننزل ع الشركة
محمد بإبتسامة:طب مفيش صباح الخير طيب
نور ببرود:صباح الخير..يلا حصلني
محمد بإستغراب:هي مالها في ايه؟!...بعدين و مسح على شعره و غَيّر هدومه و طلع...
لقيت الفطار جاهز و كل حاجة و نور كانت بتجهز سلاحها...
محمد بهدوء و ابتسامة:ايه مش هتفطري؟
نور ببرود:سبقتك...يلا عشان بعد ما تخلص هنروح الشركة لوالدك هو مستعجلنا
محمد:حاضر
بصراحة انا ماكلتش..او بمعنى اصح اللي ياكل مع نور مرة نفسه تتسد ياكل من غيرها بعدين..و استغليت الفرصة في اني اقعد ابص ليها كأني باكل...بس الحقيقة ان هي اللي كلت عيني من كتر ما ببص ليها..حواسي بقت مسخرة ليها..مابحبش اسمع غير صوتها..مابحبش ابص غير ليها..مابحبش اشم غير ريحتها...مابقتش حابب ادوق غير أكلها..مابحبش انطق غير اسمها...عملتي فيا ايه يا نور!!
قطع شرودي صوتها..
نور:انت كدا خلصت اكلك؟!..انت ماكلتش حاجة!!..بعدين تغيرت نبرة صوتها للجدية
نور:مش مهم مش مهم لو خلصت يلا عشان متأخرين..
محمد:يلا
و خرجنا و ركبنا العربية و طول الطريق مفيش نفس..و بصراحة ماتكلمتش عشان حسيتها متضايقة او متغيرة فقولت بلاش اضايقها..بس بجد هي ليه متغيرة من امبارح!!
وصلنا الشركة و طبعا لازم تنزل هي الاول و بعدين انا عشان تحميني..و فعلاً نزلت و طلعنا فوق لبابا..
منار:اه يا حيوااان وحشتني كدا ماتسألش
محمد وهو بيحضن منار:حبيبتي والله وحشتيني حتى اسألي نور امبارح قولتلها ايه..قولتلها هروح الشركة عشان اشوف منار❤
لفيت ابص على نور و سألتها..
محمد:مش كدا يا نور
نور ابتسمت بمعنى انها بتأيد كلامه
منار بصتلها بطرف عينها و ابتسمت ابتسامة سخيفة لنور و رجعت تكلم محمد..
منار قربت من محمد بتوشوشه:هي مالها مبوزلنا كدا ليه ع الصبح ؟!
محمد:هي دي طبيعتها و مالكيش دعوة انا حاببها كدا..
نزلت آخر جملة على منار كأنها سكاكين بتقطع فيها..
#منار
حاببها؟!..يقصد انه حبها؟!..لا لا اكيد قصده عايزها كدا او عجباه
منار:ااه صح حمد لله على سلامتك يا حبيبي من ولاد الكلب اللي كانوا عايزين يأذوك
محمد:الله يسلمك يا منا...قاطعه خروج حسين من مكتب منار!
محمد بلهفة:ايه دا سحس ايه اللي جابك هنا!
حسين:لا ابدا كنت جاي أسأل منار عليك عشان موبايلك مغلق
محمد:اه ما هو مش معايا اصلا لزوم تأميني و كدا و غمز في آخر كلامه
حسين:اه يا سيدي ما انت بقيت مهم اهو و في ناس بتطاردك و بص على نور و غمز
و كمل:و بقى ليك ناس تأمنك..و مش اي ناس😉😍
محمد مسكه و لفه ليه بحيث مايبصش على نور:لأ اظبط كدا مالكش دعوة بيها
حسين ضحك باستهزاء:من امتى يا روح امك!
محمد بإبتسامة مستفزة:من النهاردة و بقولك ايه تسيبك منها خالص عشان انت مش ناقص فضيحة قدامها هي كمان
حسين تحول من ابتسامته لنظرة غضب و حقد و سابه و مشي..كل دا و نور بتراقب اللي بيحصل..
نور:يلا عشان مانتأخرش على هاني بيه
محمد:يلا
و دخلوا المكتب و لقوا هاني بيه قاعد على مكتبه..
هاني بترحيب:اهلا و سهلا
محمد و نور:اهلا بحضرتك
هاني:مش عايز اطول عليكم في الكلام عشان كدا هخش في الموضوع على طول..
....................
حسين و هو عند المحامي بتاعه..
حمزة:ايه يا حسين مالك؟
حسين:بص انت عارف هاني صاحبي؟
حمزة:اه اعرفه و اعرف ان كان فيه محاولة لاغتياله و ا...
حسين قاطعه:ايييوة...في بنت بتحرسه بقى اسمها نور
حمزة:ماشي و دي ايه علاقتها بإنك جايلي؟...و استنى هي اللي بتحرسه بنت!!
حسين:ايوة يا عم عادي المهم عايز رأيك في الموضوع اللي انا جايلك فيه
حمزة:قول يا سيدي
حسين:بص هو في حاجة بقالها كتير ماحصلتش..او بمعنى اصح عمرها ما حصلت قبل كدا..و حصلت قدام نور...
حمزة:مش فاهمك!؟
حسين:ايه يا حمزة دا انت اللي تعرف كل حاجة عن موضوعي يعني... ااقصد يعني انه بدأت ااا
حمزة بعصبية:نعم ياااااخوياااا😡😡
حسين:ايه مالك؟!
حمزة بزعيق:انت يوم ما تحس انك خفيت و تبقى عايز تنام مع واحدة..تقوم تنام مع البت اللي بتحرس صاحبك!!
حسين:و ايه اللي فيها؟!!
حمزة:اللي فيها انك كدا بقيت وسخ اوي يا حسين!...مش عشان حضرتك تتعالج تبقى تضيع كل اللي حواليك!!
حسين:انت بتتكلم عنها كأنها اختك ليه؟!...و من امتى و انت شريف كدا..لأ فوق انا عارف كل قضايا الظلم و الرشاوي بتاعتك!
حمزة:مش قلتلك بقيت وسخ..لدرجة انك عايز تنام مع واحدة مسؤولة عن صاحبك و اكيد مدياه و مدياك الامان...و كمان جاي تهددني!
حسين:صاحبي اه..صاحبي اللي عايرني من شوية بعجزي مايعرفش ان الامورة اللي معاه دي هتبقى بتاعتي انا و هتبقى اول واحدة تشهد على رجولتي...و بالنسبالك فأنتوا كلكوا زي بعض..سلام يا..يا استاذ حمزة...و خرج و رزع الباب وراه..
حمزة بحسرة:غبي و هيضيع نفسه!
.....................
:المهم زي ما قولتلك انا هعرف هما فين و اكلمك عشان نروح على هناك!
:ماشي بس زي ما اتفقنا..
:انا عند وعدي ليك
:اشطا..سلام
:سلام
....................
Stooop
خمسة مواااه عارفة ان البارت ممل شوية بس دا تكملة البارت اللي فات..و عموما البارتات اللي جاية هتولع في الدرة💃👏🔥😂
أنت تقرأ
حراسة خاصة
Romance-لم أكن أتوقع انه قد يكسر كل تلك الحواجز بداخلي كنت له حارساً..حتى أصبح حارساً لقلبي..!
