حراسة خاصة

صدمة!😪✋

#محمد
و أنا داخل الأوتيل عشان ألحق نور لقيت في عربية سودا نازل منها ناس حطوا غمامة سودا على عيني و مسكوني جامد عشان كدا فشلت محاولاتي عشان اهرب منهم...
بعد ما شالوا البتاعة دي من على عيني..
لقيت نفسي في مكان زي مخزن كدا و في رجالة كتير واقفة زي حراسة كدا..و ست جاية من بعيد..ماشوفتش وشها أوي من أثر البتاعة اللي هما كانو حاطينها على عيني دي..بس كل ما بتقرب بشوفها أوضح..منار!!!!
افتكرت نور و كلامها لحد ما بدأت استوعب ان عندها حق و ان منار هي اللي ورا كل دا بس ازاي؟!
منار بإبتسامة خبيثة:ازيك يا هنون وحشتني والله.. قولت لما اطمن عليك!😈
محمد بصدمة:منار..انتي اللي ورا كل دا!!..ازاي؟!..وليه ؟!
منار قعدت قدامه و بكل برود قالت:ايوة أنا اللي كنت ببعت التهديدات لباباك بما أني السكرتيرة بتاعته و ان انا و انت متربين سوى مستحيل حد يشك فيا..لحد ما جات الحلوة بتاعتك و بدأت تدور ورايا كانت هتهد كل اللي فضلت ابنيه، بس في الآخر أنا اللي كسبت و اللي انا عيزاه هو اللي حصل!
محمد بعصبية و زعيق:لو قربتي منها أو حاولتي بس تمسي شعراية منها هيكون آخر يوم ليكي!😡..انتي ازاي تعملي كدا!.. انا مش مصدق ان الانسانة اللي كنت بثق فيها و بحبها اكتر من أختي تكون هي اللي ورا كل دا!..تكون بتسعى لآذيتي! ليه كدا يا منار؟!
منار:هه..الموضوع ماكنش هيوصل لكدا أبداً..كان هيبقى آخره شوية تهديدات توصلني للي أنا عيزاه، توصلني ليك!
محمد استغرب من اللي هي بتقوله توصله ازاي و هي قريبة منه؟!!
منار كملت:انت كنت قريب مني بجسمك بس..اما قلبك عمره ما كان معايا، تقعد تشكيلي في همك و في مشاكلك و انا اللي عليا أحلهالك و احسسك بالأمان، تيجي تحكيلي عن نزواتك و عن البنات اللي انت تعرفهم و انا اسمع و اموت من جوايا بس بسكت و اجي على نفسي و اقول عادي اهو بيتسلى اهم حاجة انه يبقى مبسوط و اي بنت كنت تبقى عايزها كنت بضبطهالك  عشان تفرح..عشان بحبك!..مع اني عارفة انك مش ليا، بس في نفس الوقت انت مش هتبقى لغيري، انا كنت فاكرة انه آخرك لعب و تسلية بس مش هتوصل لدرجة انك تحب لأ و كمان تخطب!..واحدة كنت فاكرة ان آخرها معاك ليلتين بس الموضوع طول..و لأول مرة الاقي في عينك نظرة حُب، كان نفسي اشوفها من زمان..بس للأسف ماكنتش من حظي..كانت من حظها هي!..فاضطريت اعمل كدا  عشان انت ليا أنا يا هاني!..و مش هتبقى ليها و لا لأي حد غيري، بس افتكر ان انت اللي اضطرتني ابعت التهديدات و بعدها ابعت ناس يخلصوا منها و يقرصوا ودنك بس عشان تبقى عارف اني ملجأك الوحيد..و أنا اللي كنت ورا كل دا عشان تبقى ليا و تبقى عارف ان انت مالكش غيري..و بعت ناس عشان ترشي نور و تسيب المهمة دي فتعرف ان انا حمايتك..بس الظاهر انها بتراعي ضميرها..و انك غالي عندها..بس برضه انت بتاعي انا!..

محمد كل دا مصدوم منها لدرجة ان دموعه كانت خلاص هتنزل..
محمد:ياااه..كل دا يا منار..كل دا حاطهولي في قلبك..و تقولي بتحبيني!..بتحبي واحد بيعاملك على انك اخته الكبيرة!..و بعدين انتي كدابة!..انتي مابتعرفيش تحبي يا منار..لأنك لو كنت بتحبيني فعلاً كنتي هتفرحيلي اني فوقت من اللي كنت فيه و اني لقيت الحب بجد و اني مبسوط..مش تعيشيني في قلق و خوف، عرفتي أنا حبيتها ليه؟!..عشان هي طلعتني من القرف اللي انا كنت فيه مش ساعدتني فيه زيك، عشان هي عارفة اني من غيره هبقى مبسوط عشان هي نضيفة، استحملت رخامتي و تقليلي منها عشان تحميني و تنقذني ماتعرفش ان مع كل موقف بتعمله  كنت بقع في حبها أكتر، هي غيرتني للأحسن بينما انتي كنتي بتساعديني اني ابقى أسوء يا منار..بس الكلام مالوش فايدة سيبيني أروحلها و اقصري الشر
منار اتأثرت بكلامه و حست بعذاب و هو بيقوله بس بعد ما قال آخر جملة ضحكت بخبث و قالتله: للأسف زمان الحلوة دلوقتي بتقضي وقت ممتع مع سحس..اااه أصلي نسيت اقولك اننا اتعاونا سوى بعد ما عايرته بالمشكلة إياها، و كمان هو كان شايل في قلبه منك أوي بسبب انه شاف عندك الحاجة اللي هو مفتقدها، فحس ان كل حاجة ليك، حتى البنت اللي هو حبها بقت ليك!..اه ما أصل هو كمان حب نور و ماتستغربش ان هو معاها دلوقتي عشان خلاص هو حس انه اتعالج و التجربة الأولى من نصيبها..ماعرفش بتحبوها على ايه دي!!
محمد الكلام نزل عليه زي الصاعقة بالضبط بقى مش عارف يصدق او مش عايز يصدق ان صاحبه و الانسانة اللي كانت زي اخته يعملوا فيه كدا في اللحظة دي اتأكد ان نور هي الحاجة الوحيدة النضيفة في حياته..
............................
عند هاني بيه في الڤيلا...
هاني:ايه؟!
حمزة:زي ما بقول لحضرتك..لازم تلحق محمد و خطيبته عشان منار و حسين بيدبرولهم..و انا كلمت حسين ٥٠٠ مرة مابيردش يبقى هما بينفذوا خطتهم دلوقتي..حسين صاحبي اه، بس مش عشان صاحبي اضيع اتنين مالهمش ذنب أرجوك الحقهم..انا طالع دلوقتي ع الغردقة
هاني:ماشي يا حمزة شكرا يابني..سلام
و قفل هو و حمزة و اتصل على واحد من رجالته...
هاني:الو يا علي..عايزك تاخد احسن رجالة عندك و تطلعه على الغردقة دلوقتي حالاً
علي:ليه يا هان..
هاني قاطعه بعصبية:ابني و خطيبته هيموتوا يا علي!!..يلا بسرعة
و قفل معاه و طلع برا عند السواق عشان يسافر هو كمان..
هاني و هو في الطريق..
هاني بدموع:ربنا يستر..يارب احفظ ابني انا ماليش غيره و احمي نور انا ما صدقت ان فيه حد عرف يغيره !!
.....................
في الأوتيل في أوضة نور...
نور قامت لقت نفسها نايمة على السرير و في شخص واقف قدامها ماشفتوش بوضوح، كان الظاهر عليه انه بيقلع ال T-shirt بتاعه..بعدين لما ركزت لقته..حسين!!
قامت فجأة بس لقت حسين بيتهجم عليها و بيقول كلام هي مش مجمعاه زي "انتي بتاعتي...انا اللي بحبك..انا اللي استحقك هو مايسهلكيش..هفضل معاكي على طول هو هيسيبك"   هي ماكنتش في كامل وعيها بسبب المخدر اللي هي تحت تأثيره..فضلت تقاوم بس مش عارفة لأنها مش حاسة باللي حوليها جزئياً لحد ما افتكرت كلمة باباها قالهلها في مرة كان بيدربها
#flash back
اللواء جمال"لما تلاقي ان محاولاتك للمقاومة ضعيفة خلي الطرف التاني يحس انك استسلمتي..تظاهري بالاستسلام بس قبل ما يبدأ هو بالضرب تكوني قضيتي عليه"
#end
فجأة نور لفت بحيث تبقى في إتجاه حسين و لفت ايديها حولين رقبته كأنها خلاص هتطاوعه..و بدأت تقرب منه أكتر و ترجع ليه لورا لحد ما وصلوا عند السرير و زقته و قلعت الچاكيت اللي كانت لابساه و رمته طبعاً حسين اما صدق و قال بفخر..
حسين: هو ماكنش مكفيكي ولا ايه؟!😉
نور ضحكت بدلال و قربت منه أوي بس فجأة ضربته ضربة جامدة في دماغه و بعدين حطت ايدها على رقبته شبه بتخنقه عشان تخلي مفيش قدرة عنده للمقاومة و الاتزان و بعدين ضربته بدراعها في وشه لحد ما فقد الوعي..
حسين فاق لقى نفسه مربوط في كرسي و نور بتحاول تفوقه..
حسين:اااه..نور!
نور:ايوة نور يا زبالة..نور خطيبة صاحبك اللي انت كنت عايز تخونه من شوية!..عمري ما شفت صاحب بالقذارة دي!
بعدين مسكته من شعره و قالتله بزعيق:هاني فين؟!
حسين:هه...😏
نور و بدأت صوتها يعلى أكتر:هاني فين بقولك!!
بعدين كملت بهدوء:حسين..افتكر انه صاحبك!..افتكرله موقف واحد كويس..بلاش صاحبك..كأنسان عادي، إنسان يستحق يعيش، "مفيش إنسان في الدنيا يبقى ليه فرصة انك تنقذه و يبقى مايستحقش الانقاذ"
حسين بكسرة: و أنا مين ينقذني يا نور؟
أنا مين يحس بيا؟..ليه كل حاجة ماليش حق فيها؟..بسبب مشكلة ماليش ايد فيها..ليه هو كل حاجة و انا ولا حاجة!
نور:مش عشان في مشكلة في حياتك يبقى تأذي اللي حواليك..لأن زي ما انت مالكش ذنب في مشكلتك أياً كانت هي..فاللي حواليك مالهمش ذنب فيها كمان!
حسين بدموع:و انتي...ليه انتي تبقي ليه هو؟..ليه لما لقيت انسانة احبها خدها هو!؟
بعدين اتحولت نظراته لنظرات شر
حسين بخبث:بس خلاص زمانه في حضن منار دلوقتي..و انتي هتبقي بتاعتي!😈
نور اتعصبت تاني و قربت منه:فين هاني يا حسين..اعمل حاجة كويسة في حياتك!
ماردش عليها
نور:عرفتوا اننا هنتخانق ازاي؟!
حسين:انتوا متخانقين؟!
نور:ايوة اومال انتوا نفذتوا خطتكوا دي ازاي!؟
حسين:الخطة كانت انكوا قبل ما تدخلوا الأوتيل في ناس هينزلوا ياخدوا هاني و يكتفوكي و يطلعوكي ليا هنا!..بس انا اتفاجئت انك داخلة لوحدك و كنتي بتعيطي!..غبي اللي يخلي واحدة زيك تعيط!
نور طلعت مسدسها و وجهته ناحية حسين و قالت بزعيق:انطق هاني فيين!!
حسين اتوتر: ف-في..مخزن موجود ناحية الشاطئ العمومي..
نور رفعت المسدس من ناحيته و ضربته على دماغه بطرف المسدس بحيث يفقد الوعي و جهزت سلاحها و الزاد بتاعه و قفلت كل الشبابيك عشان مايهربش و قفلت الباب كويس ووصت الريسبشن انهم يخلوا بالهم من الأوضة دي الشخص اللي فيها مايطلعش و نفذوا اوامرها عشان مركزها.. و جريت على برا على المكان اللي هو قال عليه.......
.........................
Stoooop

رأيكوا💜✨
و تفتكروا ايه اللي هيحصل البارت الجاي ؟!