و حصل عكس المتوقع.. وهو ان نور فجأة استجمعت قواها و فاقت و قلبته من فوقها بحيث ان هي اللي تبقى فوقه و حطت ايدها على رقبته عشان تخلي قدرته على الحركة ضعيفة..و فعلاً نجحت و قربت منه..همست في ودنه بعصبية..
نور بعصبية:انا قولت مابحبش اكرر كلامي كتير..يبقى لما اقول اني مش واحدة شمال من اللي بتنام معاهم..يبقى انا فعلاً كدا..و احترم نفسك يا هاني عشان انت اللي هتزعل في الآخر!
و قامت و لفت ضهرها عشان تمشي..بس وقفها صوت هاني بعد ما عدل نفسه من على السرير و بيحرك ايده على رقبته بسبب قبضة نور عليها و قال...
محمد بنبرة فيها خنقة و هادية:نور..ممكن تسمعيني..اقسملك بالله انتي آخر واحدة ممكن افكر فيها كدا..انا بس كنت عايز استفزك و اوريكي اني لو عايز اعمل حاجة هعملها..و على فكرة انا اللي سيبتك تقلبيني كدا عشان اثبتلك اني مستحيل أئذيكي يا نور..نور انا عايزك تعرفي و تتأكدي ان انا عمري ما فكرت في واحدة بنضافة قد ما بفكر فيكي..انا آسف..و شكراً يا نور..شكراً لأنك اثبتيلي حاجة كانت في دماغي...و شكراً انك علمتيني حاجة كان لازم اتعلمها..اني اسيطر على شهواتي..خاصةً قدامك يا نور❤.
بعدين قال في سره:شكراً انك في حياتي..يا حبيبتي❤..
بعدها خد قميصه و طلع برا الاوضة..و نور فضلت لوحدها في الأوضة..
#نور بعد ما محمد خرج من الاوضة..ولسة باصة على باب الاوضة (مكان ما خرج)
و انا بشكرك يا هاني على انك فكرتني بحاجة مهمة..اني لازم اثبت و اسيطر على قلبي..انا ماعرفش ايه اللي حصلي؟!و ليه فرحت لما قالي انه بيفكر فيا كويس مع اني عمري ما حطيت كلام الناس في دماغي؟!..ليه كدا يا نور..ليه كدا يا سيادة الرائد..هه..ما خلاص مابقاش فيها رائد..انا عايزة المهمة دي تخلص بأسرع وقت..انا ازاي بقيت كدا؟!..ليه لما بقرب منه بحس اني فقدت كل قوايا و بنسى كل حاجة الا عينيه!..انا واخدة عهد على نفسي اني ادوس على قلبي..عشان انا لوحدي، و اتعودت ابقى لوحدي دايماً..مش هعرف احافظ على شغلي لما احب..و مش هعرف احافظ على الانسان اللي بحبه لما اكمل في شغلي...اييه..شغلي...يختاااي هاني نزل لوحده..و انا قاعدة هنا!!..احييييه🏃🏃🏃
نزلت نور و هي بتجري و داخت على محمد عقبال ما لقيته بس لما لقته..مكانش لوحده..كان قاعد هو و..ابو شعر كنيش؟!
#محمد
نزلت من عند نور و انا بلبس القميص..قعدت في اللوبي بفكر فيها كالعادة..بس اللي قطع تفكيري صوت مش غريب عليا...ايه دا حسين؟!!
حسين:ايه يا برو ازيك؟
محمد:حسين..انت ايه اللي جابك هنا
حسين:ايه يا معلم مالك انت مش مبسوط انك شفتني ولا ايه؟!
محمد:اكيد لأ بس ماتوقعتش انك موجود هنا يعني فاستغربت!
حسين:لأ ما هو اص...
قطع كلام حسين دخول نور..وقفت ورا محمد و..
حسين:اااه مش تقول كدا..جيت في وقت مش مناسب انا ها؟😉
محمد:لا ما انا ما قلتلكش..و قام وقف و شد نور من وسطها و قال..
محمد بإبتسامة:انا و نور اتخطبنا
حسين و باين على وشه علامات الصدمة و الغضب:اييه؟!..م-مبروك يا صاحبي..بعدين بص لنور بخبث:مبروك يا..يا عروسة😈
و بعدين بص لهاني و كمل..طيب عامةً انا واخد اوضة هنا لو عوزتني في حاجة..سلام يا صاحبي
محمد:سلام😊
نور بصت لحسين بطرف عينها بشك..بعدين بصت لهاني و......
........................
عند حسين في الاوضة..
حسين:الو يا حمزة
حمزة:نعم
حسين:يابني بس بقى فك شوية..قولتلك اسف كنت متعصب يا اخي!
حمزة:ماشي يا حسين..عايز ايه؟!
حسين:برضه زعلان بس اشطا...قابلت هاني من شوية
حمزة:الله انت مش في الغردقة!!؟..ايه اللي وداه هناك ؟!..ماتقولش صدفة!
حسين:مش دا المهم..المهم اني عرفت ان هو و نور..اتخطبوا💔
حمزة: بجد؟!..طب الحمد لله عشان ترجع عن اللي في بالك دا.. اهي بقت تخص صاحبك
حسين بخبث:بالعكس دا خلاني متمسك باللي في بالي اكتر😈
حمزة:حسين انت اتجننت!!..عايز تنام مع خطيبة صاحبك!!
حسين:عشان اعرفه ان مش انا اللي هتفضح قدامها..دا انا اللي هفضحه قدام الناس لما اعمل اللي انا عايزه..دا انا لما صدقت احس اني اتعالجت..و دا بيحصل قدامها..
حمزة:و عرفت منين؟!
حسين:بيقف قدامها!
حمزة:هو ايه دا يلا يا وسخ!
حسين بهزار:قلبي يا عم!😂😌
حمزة ضحك و بعدين كمل
حمزة:نكلم بجد بقى..بص يا حسين الصاحب لازم يستحمل صاحبه مش عشان قال كلمة طلعت منه غلط تعمل كدا!
حسين:ربنا يسهل يا حمزة..سلام دلوقتي عشان عايز انام
حمزة زفر بنفاذ صبر:سلام يا حسين
قفلوا مع بعض..
حسين بص بنظرة خبث و قال:بكرة هيعرفوا مين الراجل اللي بجد!..و نور دي تخصني انا!
.....................
عشان تعرفوا اني بحبكوا بس😂❤❤
ايه توقعاتكوا؟
أنت تقرأ
حراسة خاصة
عاطفية-لم أكن أتوقع انه قد يكسر كل تلك الحواجز بداخلي كنت له حارساً..حتى أصبح حارساً لقلبي..!
