حراسة خاصة

•المواجهة•

#محمد
بعد ما حسين مشي لقيت نور قعدت قدامي و بتسألني عنه..
نور:هو حسين دا صاحبك من زمان؟
محمد:اه..بس بتسألي ليه؟!
نور: لا أبداً بس نظراته غريبة شوية..
محمد :اااه لا عادي ماتحطيش في بالك..(طبعاً مستحيل كان يجي على بال هاني ان حسين ممكن يكون اتعالج و ناوي لنور على حاجة)
نور:ممممم...تمام..يلا عشان نروح نتغدا
محمد:يلا..
طلعنا فوق و المفروض اننا كنا ننزل نتغدا هنا في الأوتيل بس انا حبيت اغير الموود شوية فقولت اقترح عليها نطلع نتغدا برا...
محمد:نور..هو لو عزمتك على الغدا هتوافقي..
نور بصتله بنظرة تساؤل
بعدين محمد كما:اااقصد يعني كصحاب!
نور :صحاب؟!
محمد:اه يا نور صحاب عادي..ايه اللي فيها؟!..انتي ليه واخدة الدنيا كدا..ليه واخداها كلها جد في جد..ليه مش عايزة تفرحي، ليه بحس انك مجبورة انك تأمنيني..مع انك بتحبي شغلك..يبقى العيب فيا انا!..انتي كرهاني انا!..نور طيب هو انتي ليه دايماً مكشرة؟..الدنيا ابسط من كدا على فكرة..مش كلها جد و شغل..لأ فيهما كمان فرح و متعة..و حب!
انا عارف ان الكلام من واحد تافه زيّ ماعملش اي حاجة مفيدة في حياته مش مقنع او مش منطقي..بس انا بقولك اشتغلي و خليكي جد في شغلك و ماتخليش راجل يقربلك كدا صح على فكرة..بس الغلط بقى انك بعد كل دا ماتكفأيش نفسك!..يعني مثلاً..لما قولتلك دلوقتي نخرج كصحاب عارف انك هترفضي و عارف تبريرك هيبقى ايه!..هتقولي انا في شغل و انت مهمة عندي لازم اخلصها و حدود الشغل ماتسمحليش بأني اتعامل معاك غير انك هدف مطلوب مني تأمينه..بس كدا تبقي بتكدبي على نفسك!..عشان مش دا السبب الحقيقي..لان انتي لو تاخدي بالك ان احنا اتعدينا كل حدود الشغل بدليل اننا هنا على اننا مخطوبين..هتقوليلي انت اللي ورطتنا..بس انتي كان في إيدك انك تطلعي من التدبيسة دي..بس رغم دا انا مش عارف ايه السبب اللي مخليكي بتبعدي كل ما نقرب..نور انتي خايفة مني!؟
#نور
كلامه كله صح..بس هو مايعرفش اني ببعد عشان عايزة اقرب..عشان انا عمري ما عوزت اقرب من حد..و حصل عكس كدا معاه..حتى دلوقتي نفسي اخرج معاه..بس خوفي من اني اتعلق بيه اكتر من كدا بيمنعني!..هو عنده حق انا خايفة منه..من حبه!

نور ببرود متصنع:لأ طبعاً هخاف من ايه يعني و على فكرة مفيش اي سبب يمنعني من كدا غير حدود الشغل بيني و بينك فعلاً
سكتت شوية و بعدين كملت بنبرة هادية اكتر:هاني انا عيشت طول فترة شبابي لوحدي..من غير أب و من غير أم..استحملت حاجات صعب على اي حد يستحملها فما بالك لو كانت بنت!..اللي خلاني ابقى رائد هو اني كنت عايزة احقق امنية والدي اللي كان صعب انها تتحقق عشان جاب بنت مش ولد..بس يوم ما جيت بالنتيجة و انا في قمة فرحي..لقيته توفى..مالحقش يفرح بيا، و مالحقتش اشوف فرحته بيا في عينيه، عشان كدا قررت اخلي شغلي اهم حاجة في حياتي عشان اشرفه، منعت نفسي من حاجات كتير اوي المفروض انها من حق اي بنت..الناس بتشوفني بتفتكر اني اقوى خلق الله..مايعرفوش ان في بركان ضعف و وجع جوايا..حتى الحب منعت نفسي منه..يمكن عشان مش عايزة اتكسر و انا ساندة نفسي بالعافية..يمكن عشان خايفة احب انسان و أضيعه من ايدي
كملت بدموع:خايفة اهتم بشغلي و ماديلوش الاهتمام الكامل فيفتكر اني كدا مش بحبه...خايفة اظهر ضعفي قدام حد بعد كل السنين دي اللي بتظاهر فيها بالقوة..بيجي على بالي كتير اني اكوّن أسرة و اني احب و اتحب بس في آخر لحظة بشيل الفكرة من دماغي..هاني انا مش عايز كل اللي بنيته يتهد..أنا تعبت
و بدأت تتدخل في حالة كبيرة من الانهيار و العياط