#نور
جهزت و اتوضيت و هاني طلع..
هاني:ها يلا
نور:لأ العشا اذنت هصلي...خش اتوضأ يلا عشان تصلي معايا
محمد بتوتر:ااا...نور..ااناا
نور بتساؤل:مالك يا هاني؟
محمد:نور..ااناا..مابعرفش اتوضا ولا اصلي
ماتصدمتش من اللي هو قاله دا متوقع عشان كدا دخلت اتوضيت تاني قدامه و فعلاً اتوضا و طلعت صليت قدامه و قولتله يقول ايه في الصلاة..فرحانة اووي انه صلى💕💕
محمد:تصدقي يا نور كنت مرتاح اوي و انا بصلي..بجد ندمان اني عمري ما فكرت اتعلم ازاي...اصل ابويا ماهتمش بكدا💔
نور بهدوء:خلاص بقى كل دا زمان..خلينا في دلوقتي..يلا ننزل عشان الوقت مايتأخرش
محمد بإبتسامة:يلا❤
و نزلوا...
.......................
حسين كان اتفق مع واحد من العمال في الأوتيل انه يجبله المفتاح الاحتياطي بتاع اوضة محمد و نور..و فعلاً عمل كدا و طبعاً اداله رشوة عشان حركة زي دي يتعاقب عليها و ممكن توصل للرفد!
حسين خد المفتاح و دخل....
......................
محمد و نور اتعشوا و طلعوا يتمشوا ع البحر شوية...
محمد:بقولك ايه يا نور
نور:سمعاك
محمد:هو انتي حبيتي قبل كدا؟
نور:حبيت؟!...لأ شغلي و ظروفي ماكنوش يسمحولي بكدا..
محمد:احم...طيب و مابتفكريش تحبي!
نور ضحكت..و محمد دخل في عالم تاني من ضحكتها اللي بتخلي الواحد يبقى مش عايز يشوف غير الضحكة دي بعد كدا..😍
محمد بهيام:تعرفي ان ضحكتك حلوة😍
نور اتكسفت:تعرف انك اول راجل تقولي كدا❤
محمد:الرجالة اتعمت؟!😂
نور ضحكت و قالت:لأ بس أنا عمري ما سمحت لراجل يدخل حياتي كدا عادي ولا عمري اتعاملت مع راجل في غير حدود الشغل..
محمد:انت أحلى و انضف واحدة انا شوفتها في حياتي!😻
نور ابتسمت و بعدين قعدت قدام البحر، فقعد محمد جنبها..
نور بتردد:اا..هاني هو منار دي صاحبتك من امتى؟!
محمد:ياااه من زمان اوي من و احنا عيال بس هي اكبر مني..بس ليه بتسألي؟
نور:بص بصراحة..انا شاكة في منار دي!
محمد بإستغراب:بمعنى؟
نور بجدية:اصل انا لما روحت الشركة عند والدك قالتلك حمد لله على سلامتك.. يعني كانت عارفة ان كان فيه محاولة لإغتيالك!..و الموضوع دا ماحدش يعرفوا غيرنا حتى هاني بيه لحد دلوقتي مايعرفوش!..و غريبة برضه ان حسين خارج من عندها مع انهم مالهمش علاقة ببعض!
و كمان لما نزلت سألت ال security تحت قالي ان في ناس شكلهم غريب بيجولها و بتقف معاهم كتير و في مرة شافها بتديهم فلوس!..
محمد قاطعها بعصبية:نور!..كفاية!..منار دي أكتر من اختي مستحيل تبقى عايزة تأذيني..و حسين برضه صاحبي من زمان و آخر حاجة ممكن يفكر فيها أذيتي!
نور:بس كمان نظراتها ليك ماكنتش نظرات اخوة ابداً!..كانت نظرات حُب..و كمان ك...
محمد زعق و قاطعها:نور منار زي اختي و ياريت هوسك بشغلك تخليه بعيد شوية، مش كل حاجة شغل!..انتي بتشكي في كل حاجة حواليكي عشان شغلك!..الظاهر ان دا مرض عندك بسبب الشغلانة الهم اللي انتي شغلاها دي!!😏😡
نور قامت وقفت و حست بإهانة كبيرة في كلامه..
نور بجدية و زعيق:مرض ها؟..خوفي عليك بقى مرض!..انا لو كنت ملاحظة دا و خايفة منه عشان شغلي ماكنتش هقولك لأن دي هتبقى حاجة تبع مهمتي في حمايتك ماينفعش انت تعرفها..بس انا جيت قولتلك عشان خايفة عليك انت!..عشان عيزاك تساعدني بأي معلومة عندك عشان احميك..مش عشان شغلي...بس عشانك انت!..و الشغلانة الهم دي هي اللي خلتنا نتقابل لو تفتكر..و الشغلانة الهم دي لو ماكنتش بشتغلها كان زمانك ميت!..بس فعلاً انا اللي غبية عشان المفروض كنت سلمت المهمة دي لحد تاني من الأول!
محمد قام وقف و بعصبية:بس مش لدرجة انك تشكي في واحدة زي اختي الكبيرة و صاحبي!..و بعدين جاية على نفسك ليه ما تسلميها لحد تاني و تخلصي نفسك!..اصلاً ابويا هو اللي كان غلطان لما جابلي حد يحميني و المصيبة الأكبر انها طلعت..ست!😡😏
نور اتصدمت من كلامه و انه عادي كدا استغنى!..بس كدا كدا هي متعودة على الصدمات في حياتها..بس كانت اصعب المرة دي عشان جات من الشخص اللي حبته!
اتماسكت و قالتله بكل قوة مزيفة و هي بتصرخ من جواها..
نور بجدية و تماسك:صح..انت صح، يبقى على مسؤوليتك انا لحد هنا انتهت مهمتي و لو اني عمري ما سبت مهمة غير لما أكملها..بس لو انت شايف اني مش كفؤ ليها..فتحت أمرك سيادتك من بكرة هيجي الشخص اللي مكلف بحمايتك..و بعتذر لحضرتك على أي غلط..و آسفة لو تعديت حدودي مع حضرتك..سلام💔!..و مشيت او بمعنى اصح هربت عشان تداري انكسارها..
محمد كان عايز يمنعها بس في حاجة منعاه..هو اتصدم من الكلام اللي هو قاله و في نفس الوقت اتصدم من تغير طريقتها في آخر الكلام!
محمد بعد مدة تفكير جري عشان يلحقها..بس اللي ماكنش يعرفوا انه قبل ما يدخل الأوتيل بشوية كان في ناس مستنياه و فعلاً.. كمموه و خطفوه من قدام الأوتيل من غير ما حد يحس....
....................
نور كانت طالعة و هي منهارة من العياط..ماعرفتش هي بتعيط على ايه..على انها غلطت و حبت واحد المفروض جاية تأمنه و دي اول مرة تحصل انها تخلط بين شغلها و حياتها!..ولا انها اتكسرت من الشخص اللي أخيراً اتأكدت انها بتحبه!..ولا عشان حست انها لوحدها من جديد بعد ما خلاص كانت حاطة أمل انه معاها!..ولا عشان سابت مهمتها و فشلت فيها لأول مرة!..ماتعرفش، بس كل اللي تعرفه انها اتحطمت من جواها، بعد ما كانت مابتسمحش لحد انه يتعدي حدوده معاها، و يوم ما سمحت لقلبها يلامس قلب حد تاني..اتكسرت، عرفت انها كانت صح في الأول..كانت!...
دخلت نور الأوضة بس أول ما دخلت حست بحد سحبها من وراها و كممها..داخت و مابقتش شايفة حاجة قدامها.....
.......................
Stooooop
شوفتوا عشان تعرفوا انكوا غاليين عندي😢❤😂
يلا ايه توقعاتكوا+رأيكوا 💜
أنت تقرأ
حراسة خاصة
Romance-لم أكن أتوقع انه قد يكسر كل تلك الحواجز بداخلي كنت له حارساً..حتى أصبح حارساً لقلبي..!
