ممكن يكون شيء غريب ان شخص واحد بس يكون هو سبب في إلهامك لأي شيء بحياتك,ممكن تكون تحب تكتب بس فنك وابداعك بالكتابه ما يجي الا لمن تفكر بالشخص هذا او ممكن تكون محب ومبدع في الرسم بس كل رسماتك تكون لشخص واحد يعني دفاترك لوحاتك كلها هو بس تجلس تبدع في شكل فيسه في رسمه عيونه في لون بشرته طوله , ضحكته كل شيء هو, ايوه بالضبط هذا هو انا صار سبب إلهامي شخص واحد بس شفته بالصدفه عند البحر ايش اوصف لكم وإيش اخلي هالانسان أيه من الجمال عيونه لونها غريب على اني ماشفته من قريب بس نور الشمس لمن يعكسها يعطيها لون كوكب بالمجره اللي احنا فيها يعطيها لون كوكب المشتري له طول عجيب حبيت طوله فعلا احس انه موب عملاق ولا قزم طوله جدا راقي ولا شعره الكثيف الاسود ولا بشرته البيضاء اللي نعومتها توضح لك بنظره بدون ماتلمسها ولا ضحكته!
وش اقول وش اخلي عنها وعنده غمازتين محفوره زين, شفتوا على قد ماوصفته لكم كأني عايش معه سنين الا إني ماشفته الاا يمكن خمس مرات ولا اعرف اسمه ولا اعرف من وين ولا كم عمره كل اللي اعرفه انه يجي كل يوم خميس من العصر لين غروب الشمس عند البحر بعدها يروح ,وانا!
انا صار لي شهر يوميا اروح للبحر من العصر لين الساعه12 اليل ومعي لوحتي والواني كالعاده بس انتظر متأمل انه يجي ومع الاسف مايجي الا الخميس.
تدرون!
ودي يجي عندي الجرأه واروح اكلمه بس مااقدر لان انا بطبعي موب اجتماعي اصحابي بس الواني ولوحاتي غرفتي وعزلتي وامي بس انا ماعندي حتى اصحاب هاذي اخر سنه لي بالثانوي بس ماعندي اصحاب ولا بيوم فكرت اكون صحبه بس هو بالذات مدري ليه ابيه يكون قريب مني ابي اتعرف عليه.
ايه صح نسيت اعرفكم على نفسي"يبتسم"انا اسمي بتال عمري 18سنه قلت لكم اخر سنه ثانوي ماعندي اخوان ولا خوات انا وحيد امي ابوي مات من كان عمري 10 سنوات احنا عايله على قد حالنا اعيش في بيت جدا صغير مكون من صاله وغرفتين نوم ومطبخ ومجلس رجال وحمام داخلي للحريم وحمام خارجي لرجال مافيه اي اثاث فخم المجالس جلسات ارضيه امي عندها سرير بس من النوع القديم وانا انام بفراش على الارض ولا في يوم اعترضت امي تشتغل جميع المهن الي تقدر عليها عشان توفر حاجياتي واكلنا تشتغل خياطه ونقاشه وطباخه ومنظفه وبتضحكون على ذي بس تشتغل حتى خطابه, شتسوي بعد عمري هي تبي توفر مصروفي ماتبيني احس اني محتاج على اني ماقد تذمرت وعادي لك الحمديالله راضي بعيشتي بس هي كذا تبي تجيب لي اللي احتاجه وهي تعرف وش احتاج بس لوحات والوان وماقد طلبتها اياها هي دايما الي تجيبها بنفسها"يبتسم"طولت التعريف بنفسي هاه!
خلاص بس هاذي هي حياتي لين اللحين اذا فيه شيء بقوله لكم اما اللحين بقوم انام بكرا الخميس متحمس مره بشوفه واخيرا.
أنت تقرأ
short stories
Kısa Hikayeراح يكون المجلد هذا روايات قصيره مكونه من بارت واحد فقط اي كل جزء راح يكون شخصيات مختلفه واحداث جديده ولن تكون النهايات متشابهه وستكون بعض الون شوت بالعاميه والاخرى منها بالفصحى "بإختصار على حسب النفسيه بتكون النهايه واللهجه"
