It's a long one😁
HAPPY READING....
*_*_*_*_*_*
"Hello, Assalum u Alaikum, rushna...??" Misha ne gari mei bethte hi rushna ko phone millia tha
"Walaikum Assalam, han bol"
"Yaar wo mujhe zara dair hojai Ge phnchne mei, tum aisa karna Apni baraber wali seat pe meri jagah bacha k rakhna... Thek haii...???" Rushna ko intehai masle se agah kia gia
" mtlb ke Hadh hai mish!!! Majal hai Jo kabhi waqt pe phoncho tum"
"Yaar Bas aankh nhi khuli, jagah rakh Lena na meri, mei Bas phnchne wali hou"
"Han han rakh lo gi, Aur zra jaldi phncho, USS khaross saima ki inviligation hai aaj, pta hai na time se phele he sab band kardeti haii woo"
" shoot Yaar!! Isko bhi aaj he aana tha, acha tum Bas jagah rakho mei phnch rahi hou, Allah Hafiz"
"Haan Allah Hafiz, Aur phncho jaldi"
Rushna ne phone kaata tou wo driver se mukhatib huii
" musheer Bhai zara taiz chalai Naa"
Misha ka 7th semester ka aaj last exam tha, wo IBA mei Bba ki student thi. Akhri paper ke sath sath Akhri din bhi aaj he tha, iske baad unko semester break mill Jana tha. Akhri paper ki tayyari to misha ne Jaise taise kar he li thi, Warna jitni wo excited thi usmei tou kisi bhi cheez pe tawajjah dena tou ek mahaal kaam tha. Excitement bhi khair jaiz he thi, aaj paper ke baad USS ne apne gaon ke lie nikal Jana tha, jaha uske bake cousins phele se he moujood the, Ammi Aur abbu bhi phele he ja chucke the, uske exams the Warna wo bhi kab ki Wahi sadhar chuki hoti. Buhat arse baad aisa mouqa aaya tha ke pura khandaan ek sath BIJRANI HAWELI mei jama hua tha. Khandaan ki pheli shaadi thi Aur wo bhi khaandan mei hi, Phopho ki bari beti aur bare taia ka sab se bara beta ek dosre se mansion hone ja rahe the.
*_*_*_*_*
Biwi ke inteqal ke baad DAUD SAHAB ne Apni jaidad ulad mei taqseem kardi thi, phir bare beta Aur misha ke taia Abba Apni hisse ke zameen bech kar Islamabad settle hogai, manjhle bete yani misha ke abbu ne bhi ISSI ko tarjeeh di Aur Karachi mei apna business set karlia, bache chote chacha tou unhou ne baab ke pas rehne ko bhala samjha Aur baap ke he import export business mei shamil hogai, zameeno ki rakhwali ki zimadari bhi UB unhei ki thi. Bachpan se wo sab cousins sath he rahe the Iss liye attachment bhi kuch ziada thi. Yehi wajah thi ke misha Dada jaan se bhi kuch ziada he attach thi, aami Aur abbu ke bajai Sare kaam Dada jaan ko kahei jate Aur unn ke tou Jaise misha mei jaan thi, Sare kaam fat se ho bhi jate, amma aur aaba bara aitraz karte lekin Dada jaan ko tou sirf chaheeti poti se matlab tha. Misha ke nature bhi kuch Aise he thi, bachpan se he wo logo ko apne taraf mutawajja karne ka hunr janti thi, choti choti harketein jis pe Kisi ko bhi pyaar ajaain. Dada jaan ke sath bhi yehi mamla tha, apne chote chote hatho se kabhi in ka sir daba deti tou kabhi Pani le aati, ab itni masoomiyaat pe kon na mar mite. Alahadgi ka sab se ziada dukh bhi usse hua tha, bhala Dada jaan ke beghair waqt kaise guzarta. Phir har saal misha ke garmiyoon ki chuttia Dada ke hawelli mei guzarne lagi, chacha ke family bhi sath hoti tou boriyaat ka tou koi tassawur he na hota. Dada jaan ki bhi achi tafreeh hojati, kabhi kabhi tou amma Abba ko bhi heerani hoti, itne sakht asaloun wale Dada jaan kaise USS ke sath bache ban jate, misha ki tou har baat Jaise maaf he thi.
Alahidgi ke baad shuru shuru mei tou sab he eid ya bakra eid pe jama hojata, lekin phr ahista ahista sab he ke masroifiat aare Agai. Ek dusre se waqtan fa waqtan mulaqat tou hou jati lekin ek sath sab ko ekatha hue buhat arsa guzar gaya tha..... Lekin ab finally mouqa aa he gaya tha.
Un tamam cousins ko Jaise he Iss bat ki khabar hoi thi, mano ek wabaal agia tha, Watsapp group pe bhi khub ronaq lagai, har function ke dress codes, jewellery, dance ke liye songs ,mehndi ke designs, sab kuch in 6 maheeno mei decide kar liaa gia thaa. Misha ne tou gin gin ke din guzare the Aur aaj bil akhir rawangi ka din bhi agia tha tou excitement he khtm nhi horahi thi.
*_*_*_*
Paper shuru hone se 10 minute phele wo university phnchi thi, bhaagti doorti class mei dakhil hui tou nazrein rushna ko dhundhne lagai. Rushna ne peche se hath hilai tou wo Apni matloba seat ki taraf barh gaii
" phnchi nhi wo saima, mujhe tou houl uthna shuru hogai the, k zra mei late hui, Aur USS ne mujhe ghusne nhi dena" misha ne bag se Pani ki botal nikal kar ghoont bharte hue kaha
"Sans phool rahi hai itne I, yeh nhi sukoon karle, bole jai Ge bole jai Ge" rushna ne Iski halat ko dekhye hue kaha, misha ne jawab mei usko taraf muskrahat uchal di. Ma'am saima bhi itni dair mei tashreef le aai Aur paper ka time bhi start hogiaa.
*_*_*_*_*
"Tum Gao ke lie kab tak niklo gi" rushna ne Apni coke se sip lete hue misha se pucha
" Bas yaha se jakar, shower lo gi, fresh hogi Aur nikal jao gi" misha ne apne French fries se pura insaf karte hue jawab dia
Paper khtm hone ke baad wo log seedha cafeteria Agai thi, itni mehnat ki thi paper dene mei ab pair poja tou Lazmi thi.
" kuch ziada jaldi nhi jarahi tum, abhi pura maheena hai shaadi mei" rushna ne phr sawal kia
"Umm... Nhi Bhai, balke mujhe tou dair hogai hai, baki ki awaam phele he moujood hai wahan, bhaiii itne arse baad Aise mouqa aaya hai Aur upper se khandaan ki pheli shaadi, dance practice bhi karni hai, phr dulhan ko mayoo bhi bhitana ha, bridal shower bhi arrange Karna haii, 10 kaam Aur haii, halka lia hua hai kiaa shaadi ko...." Misha ne apke Pepsi ko apne andr undailte hue jawab dia
" haan khair yeh bhi hai, shaadi wale ghar mei tou buhat kaam hota hai Bhai, ek ghanchakkr bna hua hota haii..."
" I know right"
" acha suno sari tasveerain send karti rwhna mujhe, yani har function ke"
"Han han kardo gi, mei tou abhi bhi keh rahi hou sath chal lo mere, kasam se tafri aige buhat"
" haan Jane he na de meri amma mujhe, abhi tou maheena bhar ke liye unhei muft nokrani mil jani haii, aese kaise hath se Jane de gi"
Misha ne USS ke baat pe qehqaha lagaia thaaa
" hayee meri bachi, kaam kare gi ghar kaaa"
" bakwas na kar"
" acha sun mei nikal rahi hou, musheer Bhai Agai haii" misha ne mobile pe ungliaan chalate hue rushna ko agah kia
"Chalo Thek hai Allah Hafiz" misha ke sath sath rushna bhi table se uth Gai
" tumhare van kab tak aage"Misha ne cheezain samet the hue sawaal kia
" pta nahi bhai, uncle ka bhi apna he waqt hai"
" chalein phr Aap intezar kare mei tou ja rahi"
Phr usne rushna ko gale lagaia, ab unki mulaqat koi maheene baad honi thi
" haan jaaoo, khub enjoy karo, nacha, gao,dhumke lagao, Aur Allah kare wahin tumhare bhi shaadi taai hojaee" rushna ne bhi gale lagte hue kaha
" haan Aur tum achi achi safaii karna ghar ki, Ammi ko bilkul tang mat karna Aur ek farmabardar masi ka farz nibhanaa" misha ne bhi jawabi Warr kia
"Dafa he hojaoo,mei tumhei yahan shaadi ki duain de rahi Aur tum mujhe masi bna rahi, hatoo peche" rushna ne misha ko dhakka dete hue peche kiA
" nahi Bhai aesi duaeen ab apne lie karei, mujhe tou maaf he rakhe" bag kandhe pe dalte hue usne jawab dia
"Chalo Allah Hafiz, muaaaah" misha ne uss ko flying kiss se nawzaa
"Hahahah, haan Allah Hafiz "
*_*_*_*_*_*
Ghar akar USS ne jaldi jaldi sab tayaari ki, suitcases pe final check dala, khud jaldi se shower lia Aur Nazia ke bnai hue rolls ko pack kar ke gari mei rakha, sab kamro ka bhi bari bari jaiza lia Aur jab mukaamal mutmai hogai tou ghar lock kar k chabi Nazia ke hawale ki Aur khud apne safar pe rawana hogai.
Shaam ke 5:30 baje wo sindh ke androoni ilaqo mei dakhil hogai the, thora Aur rasta tai hua tou Dada jaan ke Gao shuru hogai, usne Apni taraf ka shisha neche kia Aur thandhi Aur pursukoon fiza ko apne andr Jaise jazb karne lagi. Muskrahat tou uske labo se Jaise chipak se Gai thi.
Dada jaan ke Gao aam gao se kafi mukhtalif Aur taraqi yafta the, baki Gao ke bar aks waha school, colleges Aur clinic sab moujood the, roads bhi intehai saliqe se bnai Gai thi, unki jageer ka Sara hissa koi chota sa hara bara shehr lagta tha jis mei kheeti bari bhi ki jati hou.
Jis Gao mei unki hawalli thi wo tou sab se ziada khubsoorat Aur zarkhaiz tha. Khajio ke darkht, gandum ke khair, roii ke pode sab bari bari misha ke nazro ke samne se guzar rahe the.
15 mint baad wo apne Gao mei dakhil hogae the. Shaam ka waqt tha Iss liye idhr udhr kafi log bhi nazar arahe tha, in mei se kuch ne shayad gari phechan li thi, aur jihnou ne gari nhi pehchani wo misha ko pehcgan gaye the isslie issharo se salaam bhi pesh kie Jane lage, misha ke muskrahat Aur gehri hogai, wo wahin pali bari thi, Iss liye Gao ke log ussey achi tarah phechante the, DAU BIJRANI ki poti ke haisiat se...
Gari ab BIJRANI haweli ke jahazi size gate ke samne ruk chuki thi, gari dekh kar chokeedar ne darwaze khol die Aur sath he jhuk kar adaab kia gia, Misha ne muskrate hue garden ke ishare se jawab dia, lamba sa rasta tai kar k ab gari hawelli ke androoni darwaze per roki gaii thi, misha ne hawelli pe nazar dal kar ek aah bhari, Safeed khubsuraat hawelli, sang e marmar ka farsh Aur chamakti hui diwaare, BIJRANI HAWELLI apni puri shan o shoukat ke sath uske samne khari thii.
*_*_*_*_*_*
Bijrani hawelli's photo at the top👆
Do vote and comment.
Love yourself and stay happy💕
YOU ARE READING
LA FAMILIA
General Fiction*_*_*_*_*_*_* Misha Bijarani, a young girl in a city, currently doing her BBA, belongs to a family of landlords who unofficially rule their area. During her semester break she leaves for her grandparents house, where all her cousins had already arri...
