Allah u Akbar, Allah u Akbar,
Azaan ki awaaz us andhere kamre mei goonjna shuru hogai, Jo Kisi masjid se nhi balke bister pe soe larki ke mobile se arahi thi, larki ne kasmasate hue apna side table pe rakha mobile uthaya, time check kia Aur thandhi Aah bhar ke wapis patakh dia
5:30 ka waqt, Aur sardio ke subah, naram bister Aur garam kambal ko chor ke uthna kisi mahaaz se kam thori tha. Thori dair wo yuhi chit late khala mei ghorti rahi, himmat jama karne ki koshish bhi Jari thi, lekin shaytaan shayad neend ki puri doze ke sath Jaise sirf ussi ke liye apne sab kaam chor kar tashreef la chuka tha. Kamre mei abhi bhi azaan ke awaz goonj rahi thi WASSALATU KHAIRUM MINNAN NAUM(Aur beshak namaz neend se behter hai) , yeh alfaaz goinje Aur wahan Jaise bister pe lete larki mei bijli dorr gai, aik lamhe ka kaam tha saraa, guzar Jata to shaytaan haawi.
Fatafat wuzu kar k usne fajr ki namaaz aada ki Aur phr bister pe girr gai, dobara time check kia ab ke pone 6 horahy the, phir thori dair wo mobile mei he masroof rahi, ek ke baad deegar social apps ka jaiza lia Jata raha, Snapchat pe pore group ko streaks send ki gaii, Aur Watsapp pe FAJAR TRAIN nami group pe moujood tamam members ke number pe bari baari misscalls de Gai. 5 mint mei ek ek karke sab ne apne uth Jane ka yaqeen group pe dilaia, Aur phr wo bhi 7 baje ka alarm laga kar naram takie mei moun ghussa kar soti bani.
*_*_*_*_*_*
"BIBI JII, BIBII JI uthe, 7:30 hogai hai bibi jiii" mulazma ki awaaz kaano mei parne ke dair the Aur wo jhatke se uthi, kambal ek taraf phenkaa Aur pheli nazar ghari pe dali
"Hadh karti ho naziaaa, phele q nhi uthiaa mujhe"
Closet ki taraf bhagte hue USS ne mulazma ko ghoraa
"Bibi jee qasam le le, koi ghanta bhar se utha rahi hou Aap ko, adhe ghante tou jee darwaza khat khatia mene, lekin apne koi jawab nhi diaa tou andr Agai, phr aadha ghanta aur koshish ki lekin bibi jee ap tou hil ke he na di"
"Acha acha Bas, jaiye neche mei arahi hou"
Fatafat kapre nikal kar wo bathroom ghuss Gai, 15 mint mei jaldi jaldi tayyar hokar jab wo neche utri tou nashta tayyar tha, lekin uske pas khane ka tou kia nashta dekhne ka bhi time nhi tha 8:30 pe paper shuru tha, Aur pone 8 pe bhi wo ghar pe thi, ghar se university tak ki koi adhe ghante ke drive thi Aur ab wo sakht tension ka shikaar horahy thi
"Nazia, musheer Bhai se kaho jaldi gari nikale" balo ko band mei bandhte hue usne nazia ko hukum sader kia
" bibi jee wo tou tayyar Bethe hai, Aap jaldi se nashta karle phir chali jaie ga"
"Nashte ka time nhi hai, ek tou zarur late hona hota hai mujhe, majal hai Jo kabhi waqt pe uth jao, amma sahi dant ti hai, uffff ufff" hath mei pakre joto mei bamushkil paon ghuserte hue usne khud ko koosaa
"Nazia mere suit cases check karlena, kuch reh gaya hou tou daal dena ,Aur dopher tak cheese rolls bna kar rakhna mei raste ke lie lekar jao gi. Thek haii, Aur haan Ammi ka phone aaya tha kiaa...??" Aik he sans mei hukum Aur sawal done kie gaye the
"Jee Bibi jee, tabhi tou jagane aayi thi mei apko"
"Acha mei nikal rahi hou, Jo kaam kahe kar k rakhna" kandhe pe bag dalte hue usne qadam bahar ke taraf doraii
"Bibi jee nashta tou karti jaaiii,Misha bibi jee, are there hath mei he lejaii"
"Time nhi hai naziaa, tum khud khalo" hawa ke ghore pe sawaar wo waha se nikal gaii
Wo Aise he thi, hawa ke tarah,Apni marzi ke malik zaamin Bjrani ke aklouti beti Misha Bijrani.....
*_*_*_*_*_*_*_*
Misha's photo at the top👆👆
Do vote and comment....
Keep reading, keep smiling, be happy💕💕
ESTÁS LEYENDO
LA FAMILIA
Ficción General*_*_*_*_*_*_* Misha Bijarani, a young girl in a city, currently doing her BBA, belongs to a family of landlords who unofficially rule their area. During her semester break she leaves for her grandparents house, where all her cousins had already arri...
