"Kiaa....??" Misha ek jhatke se sofa se uthi, baki sab ne bhi uski taqleed ki
" tumhe pakka yaqeen haii, MATLAB bilkul confirm hai ki wohi thi"
"Ary bibi jee, kasam uthwale, Zulaikha bibi he thi, unki gari hawalli mei dakhil hui tou hum gate pe he khara tha, andr tak jhankaa jee humne....., phr peche ke raste se dorrtaa hua ayaa jee khabar dene, Iss liye tou.... Itni sanss.... Phool rahi" ek he sans mei sari baat gosh guzaar kar ke wo seene pe hath rakh kar neche beth gaya
" Aby Yaar......, Chalo, Chalo bhaiiiii upper bhago sab" kiran ne awaaz lagai
" magazines utha Lena Sare" Yusra bhi cheekhi
"Kuch chorna mat yahan "
" jaldi Chalo Bhai, abhi andr aajana hai unhiu ne"
"Haan bhago Bhai"
Sirhiio pe ek dhakam pheli shuru hogai Aur kisi na kisi tarah sari larkio Zulaikha bibi ki entry se phele he scene se exit kargai "
*_* _*_*
Zulaikha bibi darasal Dada jaan ke akloti behn thi Jin ki rehaish shadi ke baad Punjab mei thi. Dada jaan ke tarah he shakhsiat mei wohi thath bathte, wohi shahana andaz iske ilawa sakht mizaj bhi. Khandan ka har chota bara unke mizaaj ke khilaaf kaam karne se darta tha, yaha kuch ghalat hua, Aur waha zulaikha bibi ke awaaz puri hawelli mei goonjna shuru hogai. Phupho wali bhi tamam khososiat unmei pai jati, baat baat pei aitraz aur har cheez pe tanqeed. Dada jaan ke behn Hone ke haisiat se hawelli ke sab log unhei PHUPHI MAA bulate the, Aur phr bacho ke moun pe bhi unka yehi naam charha, tou wo bhi unko ISSI naam se mukhatib karte, jis se unhei sakht chirr Hoti.
Punjab mei rehna ke baais unka hawelli walo se milna kuch kaam tha, bachpan mei tou phr puri paltan ek sath nikal jati thi Aur ghomne ke bahane mulaqatei bhi hojati, lekin yeh silsila bhi ahista ahista khatam hota gaya Aur alahidgi ke baad, sab apne masroofiat mei itna gum hue ke milna barai naam he reh gaya. Ab chaunka unke Bhai ke sab se phele poota pooti ke shadi thi, tou unki shahi siwari Bijrani HAWELLI tashreef le aai thi. Unka sakht mizaaj Aur tanqeedi andaz se tou BIJRANI khandan ka bacha bacha waqif tha, isi lie wo kafi Hadh tak unse darte bhi the Aur jitna door hosake bhagne ke koshish mei bhi rehte, Iss waqt bhi unki aamad ne young generation ke tote uradie the, PHUPHI MAA ke hawelli mei majoodgi MATLAB......., 24 ghanta ka curfew.....
*_*_*_*_*_*
" Kis ki jasoosi horahi" sari ki sari larkia line se first floor ke lounge pe qadre chup ke khare hokar neche ka jaiza lene mei masroof thi, jab rohail ne peche se akar sab se Akhri mei khari Rabia se sarghoshi ki.
Wo Abhi apne bedroom se nikla tha, Aur larkio ke Aise jhanka tanki pe kafi mashqooq hua tha
" woo PHUPHI maa Agai hai Punjab se....." Rabia ne bhi utni he halki awaaz mei jawab dia
" kab aai....." Rohail ne hairat se sawal kia, Iss bar awaaz taiz thi, tou sab larkio ne bhi peche murr kar dekha
" koi hai Iss hawelli mei ya sab mityi paleet hoga" neche se PHUPHI maa ke karak daar awaaz gonji thi
" kab se aai hui hai PHUPHI maa" rohail ne phir sawal kia
"Abhi tou aai hai bilkul, 5,10 minute houe hoge" rahima ne agah kiaa
Rohail ne hairat se sab ko ghoraa
" aur tum log kab se yehi khari hou, koi salaam Dua karne ki tameez nhi hai tum logo ko"
" Bhai tumhe ziada tameez arahi hai tou tum khud Chalo jao, Hume na ghaseeto khudara" yumna ne bhi taar se jawab dia tha, rohail tou Bas ghoor ke reh gaya
PHUPHI maa ke awaaz sun kar neche chote chacha Aur chachi apne kamre se nikal aai the Aur ab unki salaam Dua bama phuphi maa ke tanz o tanqeed zoour o shoor se Jari thi.
" yumna ,tum sath Chalo mere, bari hou tum kuch tou aqal kar lia karo" rohail ne yumna ko ghirka
" MEI Wei nhi ja rahi bhai, haan tum shoq se jao , tum tehre unke chaheete....mujhe dekh ke tou unhou ne 10 qisam ke nuqs nikal lene, rang wazan, kapro sab pe" yumna ne tou rohail ko saaf Hari jhandhi dikhadi.
Khaandan mei sab se bara beta hone ke haisiat se rohail ke Apni ek alag he jagah Aur izzat thi,
Yumna ke saaf inkar per afsos se sir hilata hua wo khud akela he neche utar gaya
"Assalum u Alaikum, Phuphi maa"
Rohail ne sirhia utarte he phuphi maa ki khidmat mei salaam paish kia, Aur phuphi maa ka tou chehra khil utha
" walaikum salaam, walaikum salaam!! Mera bacha idhr aa dadi ki pass" unko tamam bacho se apne Aap ko dadi khelwana hi pasand tha.
Rohail un ke samne ghotne taik kar jhuka Aur unka hath apne hat mei lekar phele aankhou se lagai phir usse choma, unke haan buzurgo ko Issi tarah he salaam pesh kia Jata tha
"Jeeta reh mera bacha" unhou ne apne dosra hath uske sir pe phaira Aur shafqat se matha chuma.
"Kaisa hai mera beta...., Aur wo Teri mang kaha hai" unhei foran yumna ka khayal aaya
" wo upper hogi na sab czns ke sath, mei bulwata hou abhi" rohail ne muskra kar jawab dia Aur sath Ismail ko awaaz lagai, jo sirhio ke neche chupa betha tha, phele tou usne samne aana munasib nhi samjha, Jaise zahir karna chahta hou k wo waha hai he nahi.
"Ismaaiilll.....!!!!" Rohail ne iss bar aunchi awaaz mei usse pukara, aur darr kar ismail sahab bhi jhat se bar amad hogae, Rohail ne sirhia utarte hue he usse chupa dekhlia tha
" jee bhaiyaa jee...??" Dunya jaha ki masoomiat apne chehre pe smait kar usne sawal kia
" jao upper se yumna bibi ko bula kar laao " foran hukum Jari kia gia, Aur sath mei ghoori se bhi nawaza gia, jaisa khabardar kar raha hou ke agar wo neche nhi aai, tou wo usse( Ismail) upper phncha de ga
" jee hum abhi bulakar laaia.....!!!" Bare adab ka muzahira kar ke wo upper sirhia charhne laga
Lounge se first floor tak kafi fasla tha, isliye larkia koshish ke bawajood bhi kuch khas sun nhi pa rahi thi, agar sun sakti Hoti tou sab se phele yumna us manzer e aam se ghayab hojati.
" wo bibi jeee, rohail bhaiyaa jee apko neche bula raha hai...., wo jee bibi jee se Milne ke liye" Ismail ne upper akar khabar sunai
" ye marwiaga mujhe...., ye tumhara Bhai zaror marwai ga mujhe" ghusse Aur gham dono ke kaifiat mei yumna, naveen Aur Rabia ko dekhte hue cheekhi.
" ghussa baad mei karlega aap, abhi neche tou jai...., pta hai na phir phuphi maa ka" kiran ne intehai mukhlisana mashwara dia, jawaban yumna usko ghorti hui pair patakhti neche utar Gai
"Asslam u Alaikum, daadi jaan" yumna neche utarte he unsei mukhatib hui Aur unke samne ghutno ke bal beth kar salaam arz kia. Usko sahi time pe yaad aaya tha k phuphi maa ko apne aap ko tamam bacho se daadi jaan khelwana kitna pasand hai.
Unhou ne shafqat se yumna ke sir pe bhi hath phera phir uska matha choma
( oh it worked) yumna ne dil he dil mei khud ko shabashi di
" kab aai Aap dadi jaan, humhe tou pta he nhi chala" usne bare laad se unka hath apne hatho mei le liaa
"Bilkul ussi waqt mere bache...., jab tum larkio ke toli andha dhundh upper bhagi thi....." Hairat se yumna ke hath se phuphi maa ka hath choot gaya....
*_*_*_*_*
Heyaaa peeps.....
How u all are doing, been a little long time, Isn't.....
Its been actually really busy days for me. Eid plus all the weddings......, quite hectic ( sighhhh)
So here u are with Ur next update... So guys do vote and comment and do follow my insta account
Authorling___ @novlistic
WHYYY....???
CUZ ITS FREEE.....
MAKES ME HAPPY.......
AND ABOVE ALL MOTIVATES ME REAL MUCH....
Honestly guys Ur comments and votes really hype me up, so keep doing that.
Rohail's photo at the top👆
always remember darlings...
"IF UR LITTLE DEEDS CAN SIMPLY LIGHTEN UP SOMEONE'S FACE, THEN DONT EVER BACK UP FROM IT"
love
Novilistic❤❤
YOU ARE READING
LA FAMILIA
General Fiction*_*_*_*_*_*_* Misha Bijarani, a young girl in a city, currently doing her BBA, belongs to a family of landlords who unofficially rule their area. During her semester break she leaves for her grandparents house, where all her cousins had already arri...
