#الحُـب_يصنع_المعجزات 😍❤
قـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
وصف لشخصيات 👇
سهى : بنت هلبا حلوة شعرها كستنائي وعيونها ملونات ومتوسطة البياض طويلة وضعيفونة .. هي بنت وحيدة العيلة عايشة مع بوها وامها تقرآ شهادة تانوية بنية جداًاااا مطيعة وخلوقة ومؤدبة .
عادل : شاب وسيم وجنتل ع الاخر يشتغل مع والده او يعتبر هوا مدير الشركة لان بوه حاط الحمل كله عليه
حاتم : خو عادل بخيل لدرجة ماتتصورش كل شي يجيه لعنده حياته كله سهر وطول وسفرات وطلعات ويحب يعاكس البنات علي عكس شخصية عادل 😂
ميسم : صديقة سهى المقربة ..
بسمة : حبيبت عادل الدلوعة يلي شابحة في روحها مش متحجبة وعايشة علي حل شعرها وح نشوف باقي شخصيتها في الحلقات الجاية 😉
___________
سهى : السلام عليكم
بو سهى ( احمد) : وعليكم السلام بنيتي سلمها روحتي
سهى : باست راس بوها اني ماشية نغير حوايجي وين ماما
بو سهى : تجهز ف الغدي
سهى : معناها نغير حوايجي ع السريع ونعاونها 👣
.
.
.
بو عادل ( مصطفى ) مقعمز في طاولة الغدي هوا وعادل و( فوزية مرته ) يتغدو
_ مصطفى : حط الكاشيك توا الواحد شن بيقول وين حاتم مستحيل تلقاه مقعمز معانا زي العالم والناس في سفرة وحدة ..
عادل : متزعلش روحك ياغالي انت عارفه ديما ياكل من المطاعم ماتشغلش بالك بيه
وعلي خشت حنان .. مرحبتين صحة صحة
فوزية : خلي ولدي في حاله ياطارق انت بتهبله _ هي تعالي حنونة كان بتتغدي
حنان : جت قعمزت شن صاير 😒 ولا قصة كل اليوم ع الباش مهندس حاتم 😂😂
فوزية : اي امالا علي مني __ وتنادي علي الشغالة باش تجيب صحن لحنان .
.
.
حنان : هههههه خوي حاتم جوه مليح شفته ف الكلية اليوم 😆
عادل : باهي خلاص غيرولنا السيرة هدي ويرن فونه ويدره صامت
مصطفى : اسمعو جاي راهو بنعزم صديقي احمد الجمعة الجاية بنتغدو ونتعشو مع بعض في الحوازة
فوزية : شني شني 😒 هدا ماقعد تعزملنا السواق ومرته
مصطفى : وخيره السواق مش كويس هدا صديقي من 7 سنين مش مجرد سواق وخلاص هدا عشيري وصندوق اسراري شن تخرفي انتي
عادل : خلاص يابوي يلي تبي حاضر
فوزية : نزلت راسها مش عاجبها
حنان : فرحت بابا عنده بنات 😍
مصطفى : اي يابنيتي عنده بنت وحدة اصغر منك بتلاتة سنين
حنان : فرحت من قلبها ( الحمدلله ياربي بنلقا علي مني نهدرز ونغير جوي خير من بنات صحبات ماما الهاي والياي 😕 )
أنت تقرأ
الحب يصنع المعجزات 🍃
Romanceقـصة حب ليبية 👌 من وحي خيالي تتلاعب فيها الادوار من بين العداوة والكراهية والبغضاء والاستغلال والـحب بطريقة جداً جميلة .. ابطال هدي الرواية . سهى وعادل . وبسمة . وحاتم وميسم ..ارجو من الجميع قرأة ممتعة 😊💜
