شرقية الهوى

4

#شرقية_الهوى
#طيبة الربيعي
~البارت الرابع~

فأتصلت بي مجاوب.. مرتين اتصلت ماكو.. دزلي مسج

"مشغول هسه فد شوية اخابرچ"

انتظرتة نص ساعة تقريباً يلة دگ

ثامر: الو
جوري: الو ثامر شلونك
ثامر: الحمدالله

حسيتة يحچي بثگل'طيبة_الربيعي'

جوري: شكو ماكو شدتسوي
ثامر: خير جوري رايدة شي

استغربت

جوري: لا سلامتك بس حبيت اطمن عليك
ثامر: زين اني مابية شي
جوري: اشو احسك ضايج خوما اكو شي
ثامر: ماكو شي جوري ماكو شي، يلة لازم اروح محتاجة شي انتي؟
جوري: لا... سلامتك

وسدة.. تعجبت شنو مشكلتة ليش يحچي وياية بثگل..
يجوز ضايج من شي صاير وياه او بعدة متأثر بوفاة المرحومة بس اسلوبة چان محلو فشلني..

چنت گاعدة وبيدي الفون صافنة عالگاع وافكر شلون اقنعة علمود ملوكة اشو اسلوبة صاير زفت.. اجتي زمردة

زمردة: شبيچ
جوري: اتصلت بثامر علمود احچي وياه علمود ملوكة خطية الى متى تبقة بيد هذا وذاك
زمردة: اي؟؟ وليش ضايجة
جوري: حچة من ورة خشمة مخلاني احچي شي سدة
زمردة بتعجب: ياا، شبي هذا
جوري: اندري'طيبة_الربيعي'
زمردة: دگومي نسوي عشة هسه مو وقتهة الولد علة جية

ثاني يوم حسيت شهلاء مو علة بعضهة عبالك تتهرب مني.. گلت يجوز بعدهة ضايجة ماعرف..

وثامر رجعت اتصلت بي مجاوبني.. هاي هية براحتة هاي ثاني مرة اتفشل هسه شيگول علية لزگة..

عفتة ومن داومت هو هم چان مداوم.. بالبداية ترددت احچي وياه بس بعدين تشجعت بالي يم ملوكة وامهة وصتني عليهة ووصيتهة حيل صعبة..

لحد الآن اني افكر بالگالتة مستحيل اني وثامر نتزوج.. ثامر مثل اخوية والرجال بيا حال حتة يتزوجني.. يحب مرتة الله يرحمهة ماعتقد يقبل يتزوج چان سواهة مضن تمرضت وعافهة..

شگد وفي قابل مثل الچان عندي.. نفسة دنيئة..

چانت عدنة استراحة وكل المعلمين گاعدين.. دزيتلة مسج

"ممكن تطلع اريد احچي وياك برة"

شفتة رفع موبيلة وقراهة.. بس مباوعلي.. شوية وترخص وگام.. اني شوية وگمت..

لگيتة منتظرني بنهاية الكوريدور.. رحتلة'طيبة_الربيعي'

جوري: شبيك ثامر ليش متجاهلني، ضوجتك بشي لا سامح الله
ثامر: لا ست جوري بالعكس ممجاهلچ بس اني مالي خلگ
جوري: اي بس مچنت هيچ، بعز ضيمك چنت تتصل ومن اتصل اجاوبني وتحچيلي شنو التغير هسه
ثامر: رجاءاً جوري خليچ بحالچ، ساعدتيني ومقصرتي واني حيل ممنون منچ وگفتچ مانساهة، وهسه من رخصتچ انسي الموضوع