شرقية الهوى

24

#شرقية_الهوى
#طيبة الربيعي
~البارت الرابع والعشرون~

ثامر... اشهر ادور عالخسيس ماكو اي مكان متوقعين يتواجد بي خلينة بي استخبارات وولد من ولدنة.. دخلنة القانون والعشيرة المشكلة عشيرتة تبرو منة منگدر نفصلهم لو نخليهم يجيبو سحل.. بس هم بيهة صالح يعني وين ماالگاه اگدر اكتلة..

اااخ مايبرد گلبي قبل لا اخذ بثارك يا نزاار.. موتك جمرة انحطت بنص صدري.. وماهدة ومايصفالي بال اذا ما دمرتة لو اعرف اخلص عمري كلة ادور عليه..

باليوم الخابرتني رقية بي تبچي وتستنجد بية عبالك نزار يستنجد بية.. يمكن لان مرتة وحبيبتة.. اني ادري بيهم يحبون بعض بس مادري ليش بعدين اخرفت هية..'طيبة_الربيعي'

رحتلهة وحاچيت ابوهة.. هية عندهة اخو واحد واحسة ماعندة كلمة بس ساكت.. بس ابوهة لا

ثامر: عمو ميجوز هل حچي الة تزوجوهة، عالأقل احترمو نزار بگبرة حتة السنة مالتة بعدهة مدايرة
ابو رقية: عمي انتة تعرف شي واني اعرف شي، ازوجهة لابن عمهة واريد اخلص اخذو ابنكم انتو ربو
ثامر: شنو التعرفة واني ماعرفة غير افتهم
ابو رقية: لك ابني داگلك ابن عمة رايدهة وشاريهة، منو يزوج ارملة بهذا زمنة واني مادايملهة ويادوب اخوهة مطلع مصرف عائلتة ومصرف البيت، يعني حتة افشل من احچيهة بس اني رجال صريح ماالف وادور
ثامر: اساعدكم اني
ابو رقية: شتساعدنة يوم يومين، ليش متريدون ابنكم
ثامر: نريدة شلون منريدة، بس خوما احرمة من امة حتة الله ميرضاهة
ابو رقية: متنحرم منة تشوفة بين فترة وفترة
ثامر: هو شنو بين فترة وفترة تريدون تبهذلون ابن اخوية؟؟ يضل بدون ام واب؟؟ ومنو يگول ابن عمهة يخليهة تشوفة بعد
ابو رقية: والله هذا العندي، تريدون ابنكم اخذو متريدو عوفوني اني اتصرف
عصبني: شتتصرف تذبة يعني!؟
ابو رقية: اذا متريدو اسوي الاريدة متدخلون لا انتة ولا اهلك، والله حلوة هاي انوب

استغفرت ربي رجال چبير لو اصغر شوية چان گمت جريتة من زيجة.. الصبر يا صاحب الصبر

گمت: لتنطيهة هسه، خلوني افكر ونشوف حل

طلعت من البيت مخنوگ.. حسافة يااخوي اخلي مرتك وابنك يتبهذلون.. بس شسوي ياربي ماگدر اجيبهة للبيت اكيد ميقبل ابوهة.. مع ذلك اليوم الوراه رحت حاچيتة گلي'طيبة_الربيعي'

ابو رقية: وبصفتكم منو اخليهة عندكم، لا انتة زوجهة ولا اخوهة شلون اخليهة تعيش يمكم
ثامر: اني مثل اخوهة غير مرة اخوية
ابو رقية: اخوك الله يرحمة وانتة تضل غريب عليهة ميجوز
ثامر: وشلون فهمني، حرام الدتسوي ترة
ابو رقية: مسويت شي حرام اريد استر عليهة وازوجهة، هسه دخذو ابنكم شتردون بيهة هية
ثامر: شلون احرمة من امة!؟؟ منو يربي؟؟؟ امي مرة چبيرة ويادوب تعين نفسهة وتعين ابوية ومرتي يكفي عليهة بنتي وحملهة
ابو رقية: شسويلك بوية هذا العندي، يوم يومين متوصلنة لنتيجة اني انطيهة وافضهة