شرقية الهوى

23

#شرقية_الهوى
#طيبة الربيعي
~البارت الثالث والعشرون~

هم گولو قصرت اليوم😘😘

~~~~~~~~~~~~~~~~~~~~~

اني بلحظتهة مو بس انصدمت.. انفك جرحي القديم على ايد انسان هو اللحمة ورجع الورود حية بداخلي.. ليش الي يخونك منك وبيك؟ والتنطيلة عينك يتغير بسرعة؟

خيانة غسان بسببة كانسان ميتحمل بدون الحرام.. لكن ثامر شبي؟ ثامر چان بنظري انسان واعي ومثقف ميقبل عالغلط ولا يقبل بالحرام ابد.. صلاة الفجر ميقبل افوتهة يگعدني لو بعز نومي.. وثامر ضحيتلة بحياتي وبشغلي في سبيل وصية المرحومة وفي سبيل اربي هل يتيمة الي غدرهة الزمن وهية بالگماط..

كل ضني بس ملاك الي خسرت امهة وبدة الحظ يعكس وياهة وهية صغيرة.. لكن غيري ضحية ماكو.. اني الطلعت خسرانة بهاي اللعبة الي دخلتلهة غفل وبدون انتباه.. كلهم عرفو يلعوبهة عدل إلا انتي يا جوري..

شفتة واگف بالخاولي وشعرة مبلل ورقية ايدهة علة صدرة العاري وهو لازم ايدهة وعيونة صارن علية..'طيبة_الربيعي'

ايدي متقبل تترك قبضة الباب ولا جسمي يقبل يتحرك.. كلشي بية رفض الحركة.. ماعرف شسوي معقولة اعيش الخيانة مرة ثانية؟ معقولة اني هلگد حظي فگر ومشؤمة؟ معقولة يفضل رقية علية؟ رقييييييييية؟؟؟؟؟؟؟

واني اگول ليش كل ما احچي عليهة يدافعلهة وميقبل اجيب طاريهة بالشينة.. هنا السالفة بينت الحقيقة.. زين واني؟ اني شلون بية وين اروح المن افوض امري؟ مرتين انخان وابيتي؟ حتة دموعي منزلن.. صرت بحالة صدمة فضيعة ماعندي اي ردة فعل.. اتوقعهة من اي شخص بس مو من ثامر.. لكن هذي الحقيقة المريرة مع الاسف....

اجة باتجاهي يحچي واني مفصولة عن العالم.. بس من خلة ايدة علية رجعت ليورة

باوعتلة بعتب وبصدمة متروسة مشاعر يعجز اللسان عن وصفهة.. ومتحس بية الة الي ضاگت طعم الخيانة مثلي

جوري: معقولة انتة ثامر تسوي بية هيچ؟
ثامر: ماكو اي شي من الي ابالچ وروح نزاار

بقيت ساكتة.. شحچي؟ هو بقى شي ينحچي؟

ثامر: جوري احچي لتسكتين وروح كل ميت ماكو شي ليش متحچيييين
جوري: شحچي؟ كسرتني ثامر، هاي كسرتي الثانية، بس هل مرة كسرتني كسر بعد ماكو شي يطيب جرحي، ملگيت غيرهة تخوني وياهة؟

احچي بهدوء وبصدمة ماعرف شبية انشليت'طيبة_الربيعي'

ثامر: مخنتچ والله

التفت علة رقية وعاط عيطة رج البيت

ثامر: امشي ولي من خلقتي!!!!!!!!!! امشي نزلي!!!!!!!!!