شرقية الهوى

21

#شرقية_الهوى
#طيبة الربيعي
~البارت الحادي والعشرون~

چنة اني وياه عالقنفة بالسويت مالنة مخلي راسة بحضني اوكلة عنب ونباوع عالتلفزيون.. دگ فونة شالة رقم غريب

جوري: لترد
ثامر: دخل اشوف بلكت الگ**** غسان
جاوب: الوو'طيبة_الربيعي'

مادري ليش بسرعة باوعلي عاقد حاجبة.. بس افتهمت من گال

ثامر: ها رقية خير

اشرتلة يفتح سبيكر.. فتحة سمعتهة تبچي

رقية: الله يخليك ثامر مالي غيركم انتو اهلي ساعدوني
ثامر: شكو غير افتهم، الطفل بي شي؟؟
رقية: لاا بس اني البية، صارلي يومين من ولدت واهلي مشوفيني الويل، محاربيني من قبل لا اولد ميقبلون ابقي ابني عندي يگلولي ذبي علة اهلة ويريدون يزوجوني لابن عمي، الله يخليك ثامر ساعدني حاچيهم اي شي بس اريد ابني عندي
ثامر: لا حول ولا قوة الا بالله، هو شنو بكيفهم، غير ابنچ
رقية: توسلت بيهم من وفاة نزار الي هسه اعاني مخلصت من حچيهم شگد حاولت مفاد، وهسه راح يسووهة صدگ لان ابن عمي البارحة اجة طلب ايدي وابوية موافق'طيبة_الربيعي'
ثامر: هسه اشوف اني شلون احلهة، باچر اجي واحاچي ابوچ شنو هية تايهة ابنچ هذا ميجوز
رقية: روح الله يوفقك ويفتحهة بوجهك انشاءالله، بس لطول فدوة ولتتصل علة هذا الرقم بعد لان مال اختي وبالگوة اخذتة منهة
ثامر: ماشي انشاءالله لتخافين بتنة انتي ومرة العزيز منخلي احد ياخذ ابنچ منچ
رقية: تسلم ثامر متقصر الله يخليكم الية يارب

بس سدة باوعتلة متفاجئة

جوري: وين اكو اهل ميريدون ابن بنتهم
ثامر: اكو اكو، مارة علية هواي
جوري: وشحتسوي هسه، مو معقول يزوجوهة ويعوفون الطفل يتربة بدون امة
ثامر: مادري اروح افتهم منهم شنو الموضوع
جوري: ممم
ثامر: ها شبيچ طنگرتي
جوري: ثامر ماريد اخسرك اني، لتدخل نفسك بمشاكل متعنيك
ثامر بعصبية: شلون متعنيني شبيچ انتي!؟؟ غير ابن اخوية عندهة؟؟
جوري: ادري واني مگايلة لتساعدهة بس لتسويلك عداوة وية اهلهة، اذا مقبلو عوفهة خل تزوج وخلي ابن نزار يمنة اخلي بعيني
گام: لا انتي اكيد تخبلتي، ماصدگ الهسه حاقدة عليهة، شنوو انتيييي

ودخل للغرفة زعل.. هسه اني شحچيت.. من زمان اني گلبي لاعبني من رقية ومادري ليش مصدگتهة من خابرت.. ثاني يوم راحلهم من الظهر.. من رجع محچة وياية بس گعدنة بالهول وعمتي وعمي گاعدين گللهم

ثامر: اهلهة قافلين ميريدون ابنهة يردون يزوجوهة لابن عمهة
ام ثامر: شبيهم ذولة تخبلو'طيبة_الربيعي'
ابو ثامر: بلة ابوهة شگال
ثامر: هو ابوهة لا يريدهة ولا يريد الطفل، مصدگنة العالم من گالو مو خوش ادمي
ابو ثامر: صدگ مو خوش ادمي

بقة يحچون ويتناقشون.. عمتي گالت خل تتزوج وجيب ابن نزار يمي اني اربي.. بس ثامر مقبل گال البنية تريد ابنهة وحرام نحرمهة منة.. نقاش طويل مخلص ولا وصلهم الحل..