#شرقية_الهوى
#طيبة الربيعي
~البارت السابع عشر~
صعدت عمتي شافتني مبدلة وابچي وارجف
ام ثامر: صلي عالنبي امي وين رايحة
جوري: مالي گعدة هنا بعد عمة راح يجي علية هيثم
ام ثامر: دگولي يا الله عمة شبيچ هاي عود انتي العاقلة الفاهمة شجاچ، يجي ثامر واني اعرف شغلي وياهم والله لأندمهة لهاي الحقيرة خل تصطبرلي خلت الولد يهيج حتة علية
ماگدر احچي واجاوبهة مختنگة ودموعي تنزل مثل الشلال
ام ثامر: هسه انتي ليش خابرتي يا جوري يا عمة شتگليلة بلة حماية ضربني والله عيب من اهلچ هسه الحچاية تجي الثامر
جوري: عمة بس اريد اطلع منا ماگدر بعد ماتحمل، لتخافين كلشي ماگللهم هو هذا اختياري وشماتي هواي ماريد احد يعيرني علة هذا اختيارج حيل وابو زايد بيچ'طيبة_الربيعي'
ام ثامر: ولچ عمة حتة لو متحچين هسه يعرفون لتكربين المشكلة اني اطيحلچ حظهة والله
جوري: لطيحين حظهة ولا شي اذا رجلي مو طابگ وياية ومصدگهة شعندي باقية بعد
ام ثامر: لا اله الا الله بسيطة يا رقية اني الچ
شوية ودگ هيثم گلي راح اوصل.. نزلت وعمتي وياية تحاول تخليني اغير رأيي بس هيهات بعد مابيهة مجال.. داريد اطلع اجة عمي
ابو ثامر: عمي گولي يا الله مو مستاهلة ترة وين رايحة
ام ثامر: اجة اخوهة تروح لبيت اهلهة
ابو ثامر: صدگ چذب ضلي عمي اني اخذلچ حقچ والله اطيحلچ حظهم هسه
جوري: لا عمو متقصر بس اني اريد اروح اريد ارتاح تعبت
اندگ الباب.. عفتهم وطلعت.. فتحتة هيثم شافني تفاجئ وعگد حاجبة
هيثم: هاي شبيچ شكو!
جوري: ماكو شي هيثم بس اخذني منا
هيثم: هو شاخذچ منا منو وياچ ليش تبچين!؟
طلعت وسديت الباب'طيبة_الربيعي'
جوري: هيثم داگلك بعدين مو وكتهة هسه، بس امشي خل نروح قبل ليجي ثامر
تنهد: صعدي
صعدنة وبس حرك السيارة لزمني تحقيق واني اگلة ماكو شي لحد ما عاط بية
هيثم: ولچ احچي راح اكسرچ والله منووو ويااااچ
جوري: تعاركت وية مرة حماية واجاوزت علية هذا كل ما في الأمر
هيثم: بربچ علمود هاي تزعلين؟؟؟
جوري: صارلهة هواية شادة وياية والمشاكل بيناتنة متخلص
هيثم: خاف صاير شي ومتحچين جوري لتخليني اروح اهد عليهم هسه!
جوري: وداعتك وداعة امي وابوية هية هاي المشكلة مداچذب عليك
هيثم: وعيالچ وين محد حچة؟؟
جوري: شيسوون عيالي هية لسان حتة رجلهة ميگدر يردهة
محبيت اطلعهم موزينين لان ماريد رقية تأثر علة سمعة العائلة كلهة.. واعرف بنزار هية الدافعتة مدري مسويتلة عمل ومخليتة خاتم بأصبعهة.. ملشي اتوقع منهة هاي مبينة مو سهلة
هيثم: ورجلچ وين، ميعرف شيصير وشيدير بالبيت!
جوري: ميدري لا، يعرف منتوالم اني وياهة بس ميدري بيهة هيچ تجاوز
هيثم: شسوت بلة شحچت واجاوزت
جوري: تدخل بشغلي وحاسبة نفسهة ام البيت وهية التأمر وتنهي، عمتي واگفة وياية بس متگدرلهة طلعت مو هينة وكلشي وبچت تخلي المقابل بسرعة يصدگهة
هيثم: شنو هاي مالهة رداد مالهة اهل يجرون اذانهة، والله لو رجال اروح اطيح حظهة زمالة'طيبة_الربيعي'
أنت تقرأ
شرقية الهوى
Romanceشرقية الهوى أنا يا آدم.. لا تكفيني تُرهات الكلام.. ارني افعالك اريك جانبي المناسب لها.. ماذا تفعل انثى شرقية الهوى إن خانها زوجها.. حبيبها.. و أبٌ لِطفلها الذي لم يولد؟
