شرقية الهوى

الأخير 28

#شرقية_الهوى
#طيبة الربيعي
~البارت الثامن والعشرون... الأخير~

ثامر... رغم عنادهة مستسلمت وبفضل هيثم بقة عندي امل ارجعهة.. قصي اجة صالحني واعتذر مني الظاهر هيثم حاچي براسة هواي لان اعرفة قصي شخصيتة صعبة وانفعالي عاذرة مهما يكون صديقي من الطفولة..

صح اهلهة مو ضدي بالعكس دائما يحاولون يقنعوهة عالرجعة بس الممريحني هية.. ابد ممتصور تحقد علية وتكرهني لهل درجة ماكفرت اني واعتذرت الف مرة وگلت اني الغلطان يابة متنعاد.. بس لا اذن تصغي ولا گلب يحن مچنت متوقعهة من تحقد گلبهة يقسة هيچ..

ملاك مموتتني حتة بنت عمي متگدرلهة.. حاچيت هيثم گتلة شوفلي چارة ترة تعبت اني رجال ومحتاجهة البيت مينطاق بدونهة وهاي ملاك وحدهة قضية امي حارت بابن نزار وملاك متحب احد حتة بنت عمي متريدهة..

گلي شسوي حاولت وياهة انوب زعلت علية ولهسة متحاچيني.. شلون شغلة هاي.. گتلة دبرلي شوفة اجيب ملاك حتة لو تاخذهة يمهة بلكت تحن

هيثم: يمعود هية تفكر بملاك اكثر من ولدهة، تدري امي تگول يومية تبچي عليهة تريدهة بس متقبل احد يگللكم ثامر: خاف تخلي عندي امل للرجعة مو
هيثم: مادري يمكن هيچ'طيبة_الربيعي'
ثامر: زين دبرلي شوفة وياهة اوگفلك بعرسك والله
هيثم: هههههه حضر نفسك لعد
ثامر: تدلل صار

بليل خابرني گلي تصالحنة وباچر اخذهة هية والبنات لمدينة الالعاب نتشاوف بالمتنزه عود.. ثاني يوم حضرت نفسي حرت شلون اسوي شعري ويا عطر اخلي.. عبالك عريس..

بنت عمي بدلت الملاك طلعتهة تخبل لبستهة بدلة مدنفشة وخلتلهة طباگات بشعرهة.. افيييش يا بابا بلكت گصتچ خير وتحن ام راس اليابس..

انوب ولدي ماشابع منهم يمهة يمكن بس اربع مرات شفتهم وهم شوفة سريعة.. مليت من هل وضع لازم تفرج بعد مابيهة مجال..

اخذت ملاك ورحت.. خابرت هيثم گتلة اني بالباب انتو وين گال تعال لفلان مكان وطب لفلان مطعم بس لتدخل جوة گاعدين برة..

المهم رحت شفتة واگف من بعيد اشرلي باوعت شفتهة گاعدة وبحضنهة واحد من ولدي والثاني بالعربانة..'طيبة_الربيعي'

من شفتهة طار عقلي طالعة حلوة ومكشخة المن هل كشخة هاي.. وگفت يمهة رفعت راسهة من صارت عينهة بعيني حسيتهة انصدمت بجيتي وعبالك انحرجت لو ارتبكت مادري..

ملاك شگت حلگهة بابتسامة وتصفگ وتحچي مدري شتحچي بس الظاهر فرحت من شافتهة.. وجوري لمعت عينهة من شافتهة بيدي..

جوري... گمت وبيدي حسن.. باوعت الملاك روحي متفرفحة عليهة حليانة وشلون مدنفشة

جوري: يااا عمرييي

خليت حسن بالعربانة واخذتهة من ثامر.. حضنتهة حيل وهية تصيحلي ماما ومدري شتحچي وياية.. بوستهة بحلگهة