شرقية الهوى

8

#شرقية_الهوى
#طيبة_الربيعي
~البارت الثامن~

اني وگفت بالمطبخ خاف يجي ثامر وصاني علمود يگلي شوكت نروح.. فتحت البردة فتحة صغييييرررة واباوع شلون شايلين نزار وهو يهز چتف متت ضحك عليه.. دخل ثامر مادري شلون لگفني گبل وخرت ايدي منهة

ثامر بصوت ناصي: صدگ تحچين انتي! بلة شافچ واحد شيگول عليچ!

هسه معرفت هاي غيرة لو رزالة

جوري: محد يشوف متشوفوهم شلون ملتهين بالرگص
ثامر: استغفرالله يا مرة لتلاسنين خبلتيني، طبي گليلهن يلة، وانتي تگعدين يم امي الي ورة ماريد اشوفچ يم الشباك گعدي بالنص مفهووووم
جوري: ليش يعني بالنص تريدني اختنگ اني والطفلة
فك عينة بعصبية: جوري لتراددين گولي اي وسكتي
جوري: انتة بس تسكت بية ماشي افتهمنة'طيبة_الربيعي'

سويت نفسي ضجت بس اني طايرة من الفرحة.. العب بعدك مشايف الجوة الة اخبلك.. مثل مگلي سويت بس مگعدت بالنص.. تعمدت اگعد يم الشباك..

بعد مادري شافني لا..

وصلنة البيت البنية دخلنة شلونهة ما شاءالله تخبل گمر وگاعد.. هو نزار هم حلو بس اسمر عكس ثامر حنطاوي مائل للبياض.. وثامر عندة شگار بشعرة مو اسود غامق.. وعيونة عسلية.. مشايفة جسمة بس بالملابس امبين عادي لا عضلات ولا ممصوص مص.. يخبل جسمة احلة جسم بعيوني..

شستفاديت من الجسمة معضل وحلو.. خيانة بخيانة.. حتة من چان يحاسبني عاللبس يعصب بسرعة وماعندة احترام..

ملوكة يمكن لعبت نفسهة من الكية لان تقيئت.. بقينة شوية الهوسات والرگص الاعتيادي.. بعدها مشت الزفة للبيت اهل العروس اجوي امهة وخواتهة..

اني گبل صعدت للغرفة غيرت الملوكة ونزعت بقيت بالثوب.. عدلت نفسي وتعطرت.. ملبست الحذاء احس براحة بدونة.. اهلي مبقة شي ويجون علة جية..

دگ فوني.. ثامر'طيبة_الربيعي'

جوري: ها
ثامر: وينچ
جوري: فوگ بدلت الملوكة ليش
ثامر: سدي جاي

يمة يمة يمةةة وين اضم روحي.. استتتتتحيييي.. لا رجلي هذا ومن حقي البسلة وادلع عليه قابل اعوفة للزرگات كلهن يحچن بي بالعرس لو ما عيب اشگ احلوگتهن..

باوعت لنفسي بالمراية وركضت گعدت عالسرير عود ممهتمة.. دخل ووية دخلتة گلبي تخبل صار يدگ بأسرع ما يكون

طبگ الباب وحسيتة تفاجئ من شافني.. چنت گاعدة وافخاذي طالعات وصدري امبين.. بلع ريگة وحچة بحدية