شرقية الهوى

6

#شرقية_الهوى
#طيبة الربيعي
~البارت السادس~

اجيت يم الباب اريد اسنط امي جرتني للمطبخ وشوية وتنفجر بوجهي

ام جوري: ادبسز شو فرحانة! دير بالچ اشوفچ واگفة يم الباب والله اگول لأبوچ
جوري: هاي شبيچ يوم
ام جوري: شبية موو!؟؟ هاي انتي منطيتة الأوكي حتة يجيب عمامة ويطلبچ حيوانة، تحلمين تاخذين غير غسان والله ماخلي ابوچ يوافق
صدمتني: انتي ماهمچ سعادة بنتچ، هسه صار ابن اختچ هو الكل بالكل، سوي التريدي الله موجود ويشوف ظلمكم انتي وابنچ
ام جوري: دنجبي مابقة براسچ عقل ثولة

عفتهة تحچي ووگفت علة صفحة.. دموعي بطرف عيني.. هاي شبيهة امي ليش هيچ صايرة..

اجة هيثم: چاي چاي'طيبة_الربيعي'
ام جوري: شعندهم جاايين ذولة
هيثم: شمدريني هسه وين الچاي
شهلاء: هذا خلص بس اصبة

هيثم اخذ الچاي وطب وامي بقت ادردم وتحچي علية.. اذا امي مو بصفي اعتب علة بيت خالتي؟

كلشي ماسمع بس اصوات خفيفة وممفهوم عن شنو يحچون.. بقو بالساعة ونص واني ايدي علة گلبي كل خوفي لا قصي يرجع من وكت حظي يسويهة.. بس الحمدلله طلعو قبل لتغرب الدنيا..

اجة بابا للمطبخ اني سويت نفسي ملتهية اغسل الاستكاين.. امي حچت

ام جوري: خير شعندة هذا جايب عمامة
ابو جوري: والله الولد يريد جوري علة سنة الله ورسولة
ماما شهگت: وشگتلة
ابو جوري: گتلة اسألهة بالأول اكيد واذا موافقة نسأل عالولد ونشوف شنقرر
ام جوري: شنو تسألهة عوفهم ذولة منريدهم، ياخذهة خدامة تخدم بنتة واهلة
ابو جوري: هسه انتي شفتهمتي من الولد انطيني مجال اشوفة شلونة مالونة، وقابل منعرفة احنة مو صديق قصي من زمان
ام جوري: لا منعرفة واذا صديق قصي قابل ابن عمة'طيبة_الربيعي'
ابوية عصب: يا مرة القرار يرجع للبنية والتگولة هية اني امشي بي كافي انسي ارجعهة لابن اختچ المسقط
امي عصبت: شبي ابن اختي عيني ليش تحچي عليه
هيثم: يمة شبيچ اكلتي وشربتي للرجال، جوري هية تقرر كافي انتي وابنچ خابصينة بهذا الساقط
ابوية هم عصب: اذا بعد جبتي سيرتة بهذا البيت تصير مو خوش خليهة ترچية بأذنچ، تعاي جوري

وطلع.. غمتني

ام جوري: اهمداچ تحبين الذل انتي
هيثم: يمة!
ام جوري: وغمة يجي قصي واني اعلمكم

عفتهة وطلعت ورة بابا للهول

ابو جوري: دخلي وسدي الباب

سديتة ورحت گعدت افرك بيدي.. مادري ليش هل مرة كلش متوتروة وخجلانة عكس اول مرة