في الكلاصة
راحو حكمو بلاصتهم مستر بوعلام بدا الدرس جبدو دوزانهم سڨمو رواحهم وسها فؤاد يخمم واش راح يصرا من القدام هدي المرة لولة وين شافها دار هكا منا للقدام يزيد يشوفها كتر وبلاك يتعلق بيها .
خزر فيه ضياء شافو هكاك انطق : فؤاد واش راح يصرا! ؟
(علابالو فؤاد ماشي تاع خرجات و بنات تاع راسو اعطيلو لقراية و سبور وخليه)
فؤاد : فواش لواش راح يصرا!!
ضياء: هديك الطفلة نشوفهالك و لا تشوفها و لا راح تبقى معلق هكا .
فؤاد: تعرفني منخدمهمش لبنات.
ضياء : اوكي مي أنا لازم ندير التحريات انتاعي نجيبلك الطالع انتاعها و زيد شوف .
فؤاد : لا لا خطينا ياخو خلي المخلوقة في حالها.
ضياء : هدي الهدرة غير رجعها الكرشك تعرفني ايدا درت حاجة في راسي انديرها و زيد الطفلة تبان عاقلة خطيها تعواجيت .
فؤاد: خطيني ياخو كيما هيا كيما لوخرين مزال مشافتنيش برك مي اصبر و تشوف كون نمشي غير قدامها ولا تلقاها تحوس تهدر امعايا.
(فؤاد من نوع لي ميخالطش لبنات و ميڨصرش امعاهم بزاف حاجة تاع قراية يهدر اباغ قراية ميهدرش و البنات كي شايفينو هكاك يجبدولو أتفه الاسباب باش يحكي امعاهم و كاين لي يهدرو معاه في الفيس و اجي لليسي تقولو أنا فلانة على هديك البنات مكوشي عليهم و علاقات الغرامية دايرها أخر اهتماماتوا)
ضياء : و أنا راني قولتلك .
كملو سوايع تاع لقراية و خرجو كي كانو حابطين تلقاو بلوليا و وصال في الدروج تلاقات النضرات لي لوليا مفهمتهمش كي خزر فيها فؤاد .
نطق فؤاد: ضياء علابالك راني حاب تشوفلي هادي وقرصو باه ضياء يفهم روحو .
ضياء : شكون فيهم ؟!
فؤاد : هادي لي دايرة خيمار .
ضياء خلي الطفلة صغيرة.
فؤاد: كي يلحق الوقت نروحو نشوفوها . ضياء : اصبر اصبر صابر ينال .
(كان هدف فؤاد يشوف ردت فعل لوليا كي يقول كلام كيما هادا اسك راح تحكي امعاه ولا واش دير لكن تعبير وجها بقات جامدة وهدا الشئ لي حيروا) كل واحد راح في طريقوا.
وصال : لوليا سمعتي واش سمعت.
لوليا : ايه سمعت.
وصال : عجبتيه ياااه ؛
لوليا : واشنوا عجبتوا أمنتي ويصال صح منك لي يجي يرمي زوج كلمات تامنيه! خطينا تاع لعب هادوا .ديجا نسيتي حنا واشنو ؟
وصال : الباااايرااااات!!
لوليا : شطورة لامجال للحب و علاقات الخرطييي بڨرتي .
أنت تقرأ
سيبريا الحب (باللهجة الجزائرية)
Poetryهذي لحكاية باللهجة الجزائرية كانت أول مرة نكتب قصة وهي قصيرة ماشي طويلة بزااف فيها 10 حلقات ، عجبت بزااف ناس في الفيس نتمنى نلقى نفس التفاعل هنا في الواتباد 😊 كيما كاين نار الحب كاين جماد الحب لي فيه تكون لغة هذا الحب هي لغة العيون ..لغة التلميحا...
