جوزت لوليا هادوك الاختبارات بسيف ستراس ملي راه جاي ونهار كامل وهي تخمم في فؤاد علاقتها تحسنت بينها وبين رائد ولات تڨصر امعاه بزاف وهو يضل يعيطلها مرت خويا وكانوا يحفظوا ويديروا ليبروجي كيف كيف ابدات لوليا توجد للعرس وفؤاد مرة على مرة يعيطلها و بنسبة لوصال وضياء غارقين في عسل حبهم عكس فؤاد و لوليا لي مزال لحد لآن واحد فيهم معترف لاخر بلي يحبو مبيناتهمش الكلام المعسول هداك هي تعيطلوموسكو وهو يعيطلها سيبيريا .
وصال : لوليا نرحوا للمول نشرو لي غوب صواغي راه عرسك مبقالوش و أنا معنديش واش نلبس .
لوليا : ايه علابالي نوجد روحي و انجي عندك ونروحو.
ناضت لبست حيجابها دارت خيمارها مكيات حاجة خفيفة باه تبان بلي راح تولي عروسة وخرجت تلاقات بوصال لي كانت شادة تيليفونها وراحوا للمول دخلوا وين يبيعوا لي غوب سواغي لوليا عجبتها وحدة في الموڤ قاستها جاتها تهبل فتحت الباب باه تخرج تشوفها وصال لي هبلت كي شافتها .
قالت : خمس وخميس على بنت خالتي وزيدي مع لاكوب و المكياج و الطالون منحكيلكش كيفاش تولي .
لوليا : خلاص ندي هادي .
مانيش حابا ندخل في تفاصيل اللبسة حبيت كل وحدة تتخيل لبسة لي حبتها و لاغوب لي حبتها .
عاودت لبست حوايجها وخرجت
لوليا : وصال حطيلي هاداك تيليفون بجيه قلقتيني .
وصال : أصبري دقيقة .
ضياء : سلام عليكم .
داروا لوليا و وصال قالوا : وعليكم السلام.
فؤاد: واش راكم .
هوما : لاباس الحمد الله وانتوما .
هوما: لاباس لاباس .
ضياء: ياخي قولتيلي أجوا بكري راكم طولتوا .
وصال: إيه لوليا دارت الروطار.
لوليا:نتي حتى لصباح باه قولتيلي قسما وجدت روحي
(فؤاد راها شابة ليوم )
(لوليا الكلبة تاع ويصال تفاهمت معا ضياء باه تتلاقى بيه و أنا ماعيطلي ماقالي نتلاقاو والوا مكذبتش كي سميتوا موسكو الناس تهدر تتمعشق و أنا والوا )
وصال : اي كي راكم هنا نروحو نخيروا غوب بلونش انبعد كوستوم لفؤاد و انت ضياء شوف كشما تشري .
ضياء : ايه مشات يالله خيروا غوب بلونش
راحوا وين لبست الرجال بقات لوليا وفؤاد يضاربوا على لكولاغ هي تقولوا شريه نواغ و هو يقوللها بلونوي ولا جابوا بلونوي وزادوا نوضوها هو يقوللها بابيوا و هي تقولوا كرافاطة المهم كملوا التسواق وراحوا ليسطرون فطروا ،نزرب شوية أحداث.
أنت تقرأ
سيبريا الحب (باللهجة الجزائرية)
Poesíaهذي لحكاية باللهجة الجزائرية كانت أول مرة نكتب قصة وهي قصيرة ماشي طويلة بزااف فيها 10 حلقات ، عجبت بزااف ناس في الفيس نتمنى نلقى نفس التفاعل هنا في الواتباد 😊 كيما كاين نار الحب كاين جماد الحب لي فيه تكون لغة هذا الحب هي لغة العيون ..لغة التلميحا...
