خرجت من الدار رفدت حيجابها و بدات تزرب في المشية و لا نقولو تجري
خايفة لا يروح عليها البوس و متلحقش للحصة بكري وصلت للمحطة وهي تلهث تنفست شوية
خيمارها بجيه و قشها كامل داخل بعضو من الجري لي جراتو شافت كاين الغاشي عرفت بلي مزال ماجاش
تنهدت نحات يديها من الحيجاب وعدلت روحها ربعت يديها وقعدت تخزر في الناس
لي كل واحد فيهم يجري على شغالاتو ناس كامل صابحَ صباح بكري كل واحد وشغلو
هدي بطلة قصتنا لوليا طفلة 21سنة في عمرها تقرا الثانية جامعي تخصصها ادب عربي من عايلة متوسطة و متواضعة هي لكبيرة تاع الدار و زوج خاوتها أثير و أمير
نوصفهالكم شوية هي جاية سمرة و حلوة حجوبية وما طويلة ماقصيرة و كلش فيها صغير زينها بالمختصر عادي
في جيهة أخرى راكب طونوبيلتو يسوق عنو شحال مجاش لمدينتو يشوف في كل حاجة مبدلة يمشي قاصد دار صحبو
كي وصل وين لمحطة ڨارة طونوبيل باه يحبط يشري حتى طاحت عينو عليها بقى مثبت معاها وفي تصرفاتها كل دقيقة تخزر في ساعتها ومرة على مرة تخزر يمين ويسار وتتأفف
قال:هي ماشي هي هي ماشي هي اااه هي نفس الطبايع و تصرفات نفس لملامح اواااه لالا بلاك راني مشبها وخلق من الشبه 40 اااواااه هي سوغ عندي بزاااف مشفتهاش تتبدل تاع الصح تتبدل هدي 7 سنين جازت شبيك يتبدلو بزااف عفايس مي الحجاب وتاها مي زعمة صح تكون هي!!
قلبو دق الدقاات لي عندو بزاف هو متوحش يسمعهم يدقو كيما هكا 7سنين وهو ساكت خزر فيها خزرت الشوق و الفرحة لي كي شافها مي متاكدش بلي هي مي إحساسو يقولو هي.
نعرفكم بالبطل فؤاد 27سنة يخدم محاسب في شريكة تاع بابات صاحبو من عايلة لاباس عليها الحمد الله وهو الثالث في خاوتو مراد و فيراس متزوجين و بولدهم و خوهم الصغير رائد .
واش رايكم في الحكاية !؟
#أريــولة
أنت تقرأ
سيبريا الحب (باللهجة الجزائرية)
Poesíaهذي لحكاية باللهجة الجزائرية كانت أول مرة نكتب قصة وهي قصيرة ماشي طويلة بزااف فيها 10 حلقات ، عجبت بزااف ناس في الفيس نتمنى نلقى نفس التفاعل هنا في الواتباد 😊 كيما كاين نار الحب كاين جماد الحب لي فيه تكون لغة هذا الحب هي لغة العيون ..لغة التلميحا...
