ناضت صباح تحس في يد محطوطة فوقها وتبداااا تعيط
لوليا: اااااااااااااا
فؤاد: بسم الله الرحمان الرحيم واشبيك ؟! واش شفتي ؟!
لوليا : ااا خلعتك !
فؤاد : خلجتيني ماشي غير خلاعتيني واش بيك ؟
لوليا : كي نضت لقيت يدك فوقي نخلعت نسيت بلي البارح تزوجت مزال موالفتش نرقد مع واحد في نفس المطرح .
فؤاد: غير بداي توالفي أنا باش كل صباح نوض مخلوع متخرجش عليا .
#تسريع_أحداث
تزوجت ويصال بضياء وعشاقنا الجليديين مزالهم في طبايعهم كل يوم كي القط و الفار ودوك جازو 3شهور على زوجهم ناضت لوليا في نوص ليل كرشها توجع دخلت ليتوالات وعاودت خرجت شعلت الضو ناض.
فؤاد:واش كاين لوليا لاه نوضتي .عينيه مغمضين شعرو داخل بعضو صوتوا مبحاح .
لوليا شادة في كرشها وتتعصر قعدت على طرف لفراش : كرشي راها توجع ماعلاباليش علاش ؟!
فؤاد: واش كشما كليتي ؟!
لوليا : لالا كليت واش كليتوا انتوما .
فؤاد تقلق عليها: وين راها توجع بضبط ؟هي مع لي جات توريلو ناضت تتبوع باه ترجع (حاشاكم) ولا ناض موراها حكملها شعرها خلاها حتى كملت غسلت وجها .
فؤاد : ريحتي !
لوليا : شوية مي كرشي مزالت توجع .
فؤاد: نوضي امشي نديك لسبيطار .
راحت تلبس لي جا قدامها لبساتوا فؤاد راح نوض باباه و يماه وقاللم بلي راهم رايحين لسبيطاروصلوا دخلوا عند الطبيبة دارتلها هاداك التيوا (المكروه عندي )زادت رجعت (حشاكم) قالتلها حكماتك ليسطومة خرجتلها الدواء و دارولها قرعة سيروم كي خلاصتلها عاودوا ولاو لدار لقاو شيخها وعجوزتها يستناو فيهم .
باباه : غير الخير واش قالولك ؟!
لوليا: قالولي ليصطومة .
يماه: بشفا عليك بنتي .
لوليا: تعيشي ماما .
يماه :ايدا راكي حابة نطيبلك تيزانة نطيبلك.
لوليا: متشقيش روحك راني مليحة .
باباه: روحي رقدي بنتي .
طلعوا لشنبرتهم بدلت لوليا حوايجها دخلت للفراش غطاها فؤاد طفا الضو ورقدوا غدوة من داك ناض فؤاد رايح لخدمتوا ووصال يماه باه يخلو لوليا ترقد جوايه 11عيطلها
لوليا: ألوا بصوت ثقيل باينة راقدة .
فؤاد:مزال منضتيش ؟!
لوليا: وين راك علاه؟!
فؤاد:في الخدمة.
لوليا:شحال راها الساعة .
فؤاد: 11 يا الشكارة.
أنت تقرأ
سيبريا الحب (باللهجة الجزائرية)
Puisiهذي لحكاية باللهجة الجزائرية كانت أول مرة نكتب قصة وهي قصيرة ماشي طويلة بزااف فيها 10 حلقات ، عجبت بزااف ناس في الفيس نتمنى نلقى نفس التفاعل هنا في الواتباد 😊 كيما كاين نار الحب كاين جماد الحب لي فيه تكون لغة هذا الحب هي لغة العيون ..لغة التلميحا...
