جازت السمانة تجري لحق نهار الجمعة جات وصال عند لوليا لي كانت غيرما خرجت من الدوش سلمت عليها و بدات توجد في روحها.
خالتها و يماها يوجدو في الحلوة و الماكلة راكم تعرفوا منيش حابة ندخل في تفاصيل بزاف المهم ناض فؤاد وجد روحو تفاهموا مور الجاموعة يروحوا، عيطلوا ضياء خرجوا راحوا داروا شوية شرا بوكي ورد و باتيسري راحوا لدار تغداو صلاوا الجاموعة وراحوا لدارهم لوليا عيط فؤاد لأثير قالوا رانا جايين لوليا سمعاتوا
(يااااألبي حبيبي جاي قلبي راح يخرج )
قعدوا شوية سمعوا لاصونات راح باباها ويماها رحبوا بيهم ڨصروا حتى قالت يمات فؤاد
_وينها عروستنا جيبولي نشوفها عندهم ما شكرولي فيها
يماها:دوك شوية أجي .
لوليا: راني خايفة نطيح اسنيوة شوفي كيفاش يديا راهم يرجفو .
خالتها: يا بنتي نرمال مراحش ياكلوك .
وصال : يالله هاداك هو الوقت ديجا عجوزتك راها تقلقت سقسات عليك.
(أنا راني جايفة نشوفوا نتغاشا ان شاء الله ميقعدش يخزر فيا بصح كامل راهم فماك يحشم مجياش)
خالتها : أيا رفدي السنيوة وروحي .
شدتها وزيرت عليها خذات نفس طويييييل وراحت دخلت باب الصالو محبطة راسها .
عجوزتها :بسم الله مشاء الله ربي يحفظك من العين .
سلمت عليها وعلى شيخها و فؤاد خمست امعاه
(لوليا اي اي اي شدونيي جيبولي كلونيااا يايما راني شايدة يدو راني فحلم ولا فعلم يايمااا على ديك الخزرة يماااا)
(فؤاد ملي دخلتلي بديك سنوة دات عقلي ديك الربة جاتها تهبل شعرها لحرير لكحل لي واصل تحت خصرها دالي شطر العقل لي بقالي لوكان جات بيدي دوك نديك دقيقة متزيديها)
راحت سرباتلهم القهوة العايلات في زوج يڨصروا وهوما ساكتين نطقت عجوزتها
قالت:يقدروا لولاد يحكوا وحدهم هكاك يلقاو راحتهم كتر .
يمات لوليا خزرت في باباها هزلها براسوا بلي وافق ولات
قالت: لوليا بنتي طلعوا لبيتك و حكوا .
ناضت لوليا هي تمشي و فؤاد موراها وصلت لشنبرة فتحت الباب وقالت : أدخل.
فؤاد : يزيد فظلك
قعد يدور في الشنبرة وقال: شنبرتك شابة .
لوليا: مغسي أقعد ايدا حبيت .
قعدو حمحمت لوليا:صار لعريس يجي بلاعرضة.
فؤاد: هههه ايه مي هادا واش شفيتي ؟!(اي واقيل نسات كامل يمات ليسي معرفتنيش)
لوليا: كيفاه مفهمتش؟!
فؤاد: قولتلك كي يلحق الوقت نجي مشفيتيش.
(لوليا راها متفكرة كلش )مي قالتلوا:لالا وكتا هادي ؟
فؤاد: متعمريش راسك والوا ايه واش قولتي.
لوليا: واش نقول.
فؤاد: راكي قابلة تتزوجي بيا؟!
(هادي مخلوقة حبت تهبلني راني شايد روحي عليها بسيف وهي جاها تبهليل ضرك )
لوليا: لوكان مكونتش قابلة مانيش معاك هنا.
فؤاد: علاش قبلتي؟
لوليا: كي قالي بابا وزاد أثير يعرفكم قبلت.
(غير مراك مدي صحيح نقولك هبلتني نقولك كي نشوفك معلاباليش واش يصرا فيا تسنا فيا نقولك نحبك غير مراك سامعها)
فؤاد: على هادي برك ؟!
لوليا: ايه.
فؤاد: ااامممم.
لوليا : و أنت علاه حبيت تتزوج بيا؟!
فؤاد: كي كنا نقراو في ليسي شفتك سمعت بلي لي يديمونديك متقبليش علابالي بلي انتي سيبيريا جامدة خفت عليك تبوري بسك مكانش لي يديك أيا تحتم عليا وخلاص.
(ملي طاحت عيني فيك تمنيت نتي تكوني لمرة أنتاعي و غير أنتي تدخلي داري)
لوليا: مزية كي علابالك بلي سيبيريا قبل ممنقولك أنا وديجا نسيت روحك مام أنت موسكو جامي مديت وجه لطفلة
(اي اي اي زلقتلي لهدرة )
دار ليها فؤاد
_واشنوا؟!
لوليا : والوا والو ايا مشي نحبطوا .
فؤاد: أصبري مديلي نيميرو تيليفون
مدتهولوا وهو عيطلها ورجسترات انتاعو وكي كانوا خارجين
قاللها: موسكو كان يستنا في سيبيريا تكبر بسك وعد نفسو غير هي تدخل داروا تبسم وخرج.
وصلوا لصالون قالولهم بلي قابلين المهم تفاهموا على كلش بعد شهر داروا الفيونصاي وتما يمات ضياء عجبتها ويصال وخطبها ضياء مور الفيونصاي تاع لوليا وفؤاد مورها قرر انو يدير العرس مور ما لوليا تكمل عامها وعلى هادي مقاللهاش علابالوا متقبلش راح حكا مع باباه باه يقول لباباها ويقول أنا لي حبيت باباه تفهم وليدو، وكيما كان الحال لوليا عيطت لفؤاد مور ما سمعت بالخبر و فؤاد قاللها بابا لي حب ولات سكتت و هو ضحك شادوا بسيف عليها.
_____________
شرايكم بالبارت سامط علابالي 😑 مي ان شاء الله يعجبكم واش رايكم في الأحداث فوووووت بنييييز 🙏🙏
#أريـولة
أنت تقرأ
سيبريا الحب (باللهجة الجزائرية)
Poetryهذي لحكاية باللهجة الجزائرية كانت أول مرة نكتب قصة وهي قصيرة ماشي طويلة بزااف فيها 10 حلقات ، عجبت بزااف ناس في الفيس نتمنى نلقى نفس التفاعل هنا في الواتباد 😊 كيما كاين نار الحب كاين جماد الحب لي فيه تكون لغة هذا الحب هي لغة العيون ..لغة التلميحا...
