وصال : واشبيك مسمرة ؟!
لوليا: اسكتي برك هادا وين تلاقيت بوحد العبد شوكاني .
وصال: غير الخير واش قالك !؟
لوليا : مفهمتش سقساني على رائد انبعد كي كان رايح قالي راني حايب نشوفك بلاغوب بلونش و فوقك البرنوس!
وصال: اي اي كيفاه كيفاه؟!
لوليا : خليني نكملك وكي قولتلوا شكون قالك بلي راح نعرضك قالي يا البهلولة لعريس يجي بلا عرضة.
وصال: آآآووو هدا كامل صرا خصارة لوكان غير كنت هنا .
لوليا: امشي خلينا نروحوا لدار.
رائد: أهلا فؤاد !!اييييهيييه راك في الجامعة ؟؟
فؤاد: كنت نحوس عليك وين كنت ؟!
رائد : تحوس عليا ولاعليها؟
فؤاددار روحوا مسمعوش
قال: متروحش لدار بسك أنا راني رايح .
رائد : انروح اصبر ☺
وصلت لوليا لدار سلمت على يماها و طلعت لبيتها بدلت حوايجها صلات صلاتها وحبطت تڨصر مع يماها.
لوليا: ماما واش راح طيبيلنا عشا
يماها : قولت نديرلكم رشتة .
لوليا : حتى أنا توحشتها ااااه نعاونك .
يماها: ايه .
دخل باباها سلمت عليه وقال: لوليا بنتي كنت حاب نهدر امعاك وكي راكي هنا ويماك تاني نهدر امعاكم في زوج هكا خير .
يماها: واش كاين يا راجل خير ان شاء الله.
باباها: خير برك وحد حب يخطب بنتك وأنا حبيت نعرف واش رايها هي وقتها باه تتحمل مسؤولية دار .
لوليا: وشكونهم ؟!
باباها: نغنالموا تعرفيهم لافامي **** وديجا صحبي محمد الله يرحمو يكون عمو انا كنت نعرفهم مي عندنا مدة متلاقيناش دنيا صغيرة .
لوليا : أنا يقرا معايا رائد *** تاني طفل ماشاء الله.
باباها: هاداك يكون خوه.
يماها: كي شفتوا روحكم تعرفوهم شوفي بنتي النهار لي يخرج عليك ويجوا .
لوليا : اااه نشوفوهم نهار الجمعة .
باباها: لنبعد نقول لأثير يعيطلو.
كملوا يطيبوا و باباها في لكوزينة معاهم يڨصروا ويظحكوا لحق وقت لعشا تلماو على الطابلة باباه قال لأمير بلي جايين يخطبو ختو حل عينيه على وسعهم
أمير: كيفاااه؟! وكتا ؟!
باباها : مزال متفاهمناش وقتاش ديجا أثير كي تكمل لعشا عيط لفؤاد.
أنت تقرأ
سيبريا الحب (باللهجة الجزائرية)
Poetryهذي لحكاية باللهجة الجزائرية كانت أول مرة نكتب قصة وهي قصيرة ماشي طويلة بزااف فيها 10 حلقات ، عجبت بزااف ناس في الفيس نتمنى نلقى نفس التفاعل هنا في الواتباد 😊 كيما كاين نار الحب كاين جماد الحب لي فيه تكون لغة هذا الحب هي لغة العيون ..لغة التلميحا...
