وهو هكاك ساهي بدا يتفكر
قبل سنوات
حابطين من الدروج هو وضياء صاحبو داير يديه في جيبو طاحت عينو عليها تخزر في ساعتها ومرة على مرة تخزر يمين ويسار وتتأفف كارهة باه تدخل تقرا لابسة سروال و ليكات ودايرة خيمار .
لوليا: افففف راني كارهة باه ندخل نقرا وصال امشي مندخلوش .
وصال :يالبڨرة عندنا فرض دوك.
(ويصال بنت خالت لوليا صحابات خواتات و يقراو كيف كيف و متربيين كيف كيف )
لوليا : أنا الكراس ماشديتوش كامل او ضرك تقوليلي ندخلو نديرو فرض .
وصال: انا ندخل نحكيلها على الفيلم لي شفتو البارح الناس تقرا و تحفظ أنا مع لفلام والمسلسلات.
لوليا:أنا الناس تقرا و انا وخاوتي في دار نلعبو بالون في الساحة هما سبابي هما اااااا مانيش حابة ندخل مانيش .
وصال: تدخلي و انت تضحكي تهردي يماها و تروحي لدار. متكي على السور تاع الدروج مربع يديه و يخزر فيها سارح معاها ضياء يهدر وهو في عالم وحدوخر.
ضياء: فؤاد فؤاد فؤاد وخبطو بدبزة في كرشو.
فؤاد: أأأي واشبي *** تضرب .
ضياء: عندي ساعة وانا نهدر امعاك مي منعرف وين راك واصل ياخو.
فؤاد: راني هنا وين راح نروح .
(خزر فيه خزر تاع منك بصح كي قولتلي هكا راح نأمنك .)
ضياء : اصبر اصبر جيب من لخر فيمن راك تخزر .
فؤاد : ماني نخزر في حتى واحد .
ضياء : واحد و لا وحدة ؟!
فؤاد: لوكان تبلعنا هداك الفم ماشي خير .
ضياء : راك تعرفني منطلقكش حتى تقولي شكونها .
فؤاد: و أنا وين نعرفها وخزر فيها.
ضياء خزر وين راهو يخزر
قالو :شكون فيهم لي راها سيفيليزي ولا لوخرا.
فؤاد: لوخرا.
(خزر في ضياء وأنبعد فاق واش كان يهدر امعاه)
فؤاد: قاعد تهدر تهدر حتى ديت كلش .
ضياء : أنا صاحبك ضياء ولا واش قال كي متحكيليش ليا لمن تحكي؟!
فؤاد : تبسم
وقال: مكاش لمن ديجا امشي نطلعو للكلاصة دوك يجي ميستر بوعلام(استاذ تاع إنجليزية ) يجيبك برا تدخل روطار.
ضياء : ااو خصارة تخلي قلبك هنا وتروح خلينا نشوفو مش لكلاصة تقرا ولا حاوزك نرمال راك تضحي في سبيل الحب صديقي.
فؤاد: ايا مشي *** تشوف قدامي.
ضياء : ڨليع ڨلبي ضربها بعشقا.
فؤاد : تزيد كلمة نرميك من 3ايطاج ادي وجهك و روح دورك كشما نقولك.
ضياء :خلاص ني سكت صديقي روميو. طلعو يجاراو في هدوك دروج لحقو مع الاستاذ رايح يغلق الباب .
ميستر بوعلام: وين كنتو؟!
ضياء: والله غير كانو عندنا شوية شغالات في الطاج 2 .
فؤاد : المراقب سهيل عيطلنا باه يمدلنا الشهادات المدرسية
فؤاد : المراقب سهيل عيطلنا باه يمدلنا الشهادات المدرسية لي دمونديناهم.
ميستر بوعلام: اخر مرة ادخلو .
ضياء: من أين لک هذا الدهاء يا أخي رايح ترندف قالو شهادة مدرسية
فؤاد : المهم سلكنالها و خلاص لوكان مقولتلوش هاكاک رانا دوك نجيبو في البيي.
هاكا كانت اول مرة يشوف لوليا.
#أريولة
أنت تقرأ
سيبريا الحب (باللهجة الجزائرية)
Poetryهذي لحكاية باللهجة الجزائرية كانت أول مرة نكتب قصة وهي قصيرة ماشي طويلة بزااف فيها 10 حلقات ، عجبت بزااف ناس في الفيس نتمنى نلقى نفس التفاعل هنا في الواتباد 😊 كيما كاين نار الحب كاين جماد الحب لي فيه تكون لغة هذا الحب هي لغة العيون ..لغة التلميحا...
