ركب الطونوبيل وديمارا طريق للمكان المقصود وصل رفد تيليفون عيط لأثير
فؤاد :ألو خو راني دوك عند **** (بلاصة طرف البحر ) راها فارغة يتسما تقدر تعرفني .
أثير : اوكي راني جاي.
لمح فؤاد واحد جاي عرفو تخامسو وحكا
أثير : غير الخير ياخو و الله حيرتني ؟!
فؤاد: خير خير متحير ماوالو.
أثير : ايه أحكيلي .
فؤاد : أنا راني ناوي لحلال طالب يد ختك لوليا.
أثير: أنا معندي مانقولك نعيط لبابا وهو يشوف أنا من جيهتي نعرف خوك رائد وعلى حساب ميحكيلي عليك راك الله يبارك وهي كي نولو في الصح ختي هي لي تقرر ماشي حنا
فؤاد: ياك مزعفتش ولا.
أثير : لالا علاش نزعف هدي هي الدنيا علابالي بلي انت ناس ملاح مي الهرة ترجع لبابا.
فؤاد: حفظك خو ايه عيط لباباك شوف ايدا يقدر ايجي و لانروحو عندو انبعد نزيد نعيط لبابا هو لي يهدر امعاها هاكا خير .
أثير : اوكي
عيط أثير لباباه كان قريب من تما جاء لعندهم قصروا شوية زاد لحق بابات فؤاد كتاشف بابات لوليا أنو بابات فؤاد يكون خو عشيرو لي توفى لتهاو بحكايات تاع زمان و فرح كي لقى ريحت صاحبو في خوه بصح ممد حتى كلمة لأنوا قرر بأن القرار يرجع لبنتو هدي حياتها و هي تقرر معامن تعيشها كملوا حكاياتهم وكل واحد راح في طريقوا
نرجعو لوليا لي جاها الامتحان صعيب خلاص الوقت سلموا لورق خرجوا شربت قهوة عاودت ولات تكمل ليتيدي ديالها مع حكايات ويصال لي ميخلاصوش كل يوم تجيبلها حكايت فيلم جديد تفرجاتوا رائد بقى مرة على مرة يخزر في لوليا ماشي مأمن بلي راح تولي مرت خوه كملوا لقراية و خرجوا
وصال : لوليا أنا نروح ليتوالات و انجي استنايني عند الباب تاع الجامعة .
لوليا: أوكي .
كملت طريقها حبست ربعت يديها كي عادتها حتى تشوف في واحد واقف قدامها طلعت راسها وتشوف ديك الشوفة لي عندها سنين مشفتهاش قعدت لثواني تحقق فيهم ماشي متأكدة حاسبة روحها راها تتخيل فيقها من حساباتها كي قاللها لي يقراو 2أداب عربي خرجوا ؟!
لوليا: وي خرجنا .
فؤاد: راني نحوس على رائد ؟!
لوليا: هداوين كان هنا هداوي برك جاز قدامي .
فؤاد: اا اوكي مغسي وغمزها اااه حقا نسيت باه نقولك راني حاب نشوفك بلاغب بلونش فوقك البرنوس
تبسم سنانو بانو وهاديك السنة لولة لمكسرة شوية زادت فيه النص ( ياي نموت على ديك السنة عندي وحد الڨو خاطيهم كامل هههه)لوليا بقات متعجبة منهدرتوا واش مناسبتها
قالت: وشكون قالك راح نعرضك في عرسي ؟!
فؤاد: يا البهلولة شكون قالك لعريس يجي بالعرضة .
كمل قالها وراح وخلى لوليا تتخبط في بحر من الاسئلة.
____________
واش رايكم في الحلقة تاع اليوم؟
و بالمناسبة صح عيدكم كامل 😘❤ كل عااام و أنتم بخير ينجاز عليكم بالصحة و لهناء 👐💖
#أريـولة
أنت تقرأ
سيبريا الحب (باللهجة الجزائرية)
Poetryهذي لحكاية باللهجة الجزائرية كانت أول مرة نكتب قصة وهي قصيرة ماشي طويلة بزااف فيها 10 حلقات ، عجبت بزااف ناس في الفيس نتمنى نلقى نفس التفاعل هنا في الواتباد 😊 كيما كاين نار الحب كاين جماد الحب لي فيه تكون لغة هذا الحب هي لغة العيون ..لغة التلميحا...
