ضي (مكتمله)

/٢/

(الساعه بـ١١:٠٠ص اندك الباب)
اوس (جان بالحمام يغسل بين ماطلع لكه ضي بالباب شابكه واحد اتقرب يمهم سمع حجيها عرفه ابن عمها غسان فابتعد وعافها تحجي ويا بس بقه بالمطبخ يباوعلهم بالحديقه)
ضي : ترجع احسن ان شاء الله بس الي كاتبه الله يصير
غسان : ونعم بالله
ضي (ابتعدت عنه ومسحت دموعه الي نزلت): يله كافي شنو قابل طفل انته باع كوه انوش اوصلك صاير شطولك
غسان (ابتسم): غير انتي قزمه
ضي ): اهووو غسان حتى انته شوف اسمعني زين لازم تصير قوي كدام رهف تره كلساع دالكاها تبجي
غسان : اوك وينها هسه
ضي (لزمت ايده وجرته): تعال اوديك يمها
غسان (شال جنطته وضي تجر بي): على كيفج تره الجنطه ثكيله
ضي (ضحكت ودخلت من باب المطبخ لكت اوس كدامها فوكفت وابتسمت): اوس شوف منو اجه هذا غسان ابن عمي غسان هذا اوس ابن صديق بابا وصديق طفولتي
اوس (جان ديباوع على ايديهم شلون جانت لازمته فمد ايده يريد يصافحه حتى تعوفه): اهلاً وسهلاً
غسان (ترك ايد ضي وصافحه): اهلاً بيك تشرفت بمعرفتك
رهف (اجت تركض وطفرت على غسان وهي تصيح باسمه من الفرح): غساااااان
غسان (تلكاها شالها وحضنها): هَلو حبيبتي شلونج
رهف : وين ماما مشتاقتلها حتى من جنت اني بالبيت هي طالعه وينها
غسان : ماما وبابا عدهم شغل راحوا ومن يكملوا يرجعون
رهف : لعد يله نزلني خل اروح
غسان : شنو كايمه متحبينيث مسالتي عليه
رهف : اهووو غسان اريد اكمل لعب ويه ميار عوفني
ميار (دخلت للمطبخ)
ضي : غسان هاي ميار اخت اوس وصديقتي وميار هذا غسان ابن عمي (غمزتلها بدون ميشوفوها الولد)
غسان (نزل رهف وباوع لميار): اهلاً وسهلاً تشرفت بمعرفتج 
ميار (استحت من غمزتلها): اهلاً بيك الي الشرف
رهف (راحت لميار): يله خل نرجع للعبتنه كافي صار ساعه واكفين بالمطبخ
ميار (راحت ويه رهف)
ضي : يله غسان دخل غراضك وارتاح حضرتلك الغرفه الفوك
غسان (مسح على شعرها): عفيه بالشاطره عاشت ايدج
ضي (ابتسمتله): تستاهل
غسان (اخذ جنطته وصعد)
ضي (باوعت شافت اوس يباوعلها): ها
اوس (خربط شعرها)
ضي (وخرته): ولك لَيش هيج اوس
اوس : لَيش من غسان يلزم شعرج تبتسمين واني تضوجين
ضي : لان هو ميسوي هيج
اوس : اها يعني متردين اخربطه زين شنو رايج هيج
ضي (رادت تحجي بَـس شافته تقرب عليها سكتت مكدرت تحجي)
اوس (تقربلها ووخر خصلات شعرها عن وجهها وهو يباوع لعيونها شافها ساكته محجت شي بَس تباوعله تقرب اكثر بس حس على روحه من غمضت عيونها رجع خربط شعرها وابتعد): مخبله اني احب اضوجج
ضي (ضربته على ظهره): حقير لاتفكر تسوي هيج بعد (راحت تركض للغرفه)
اوس (ظل يضحك عليها ميعرف هو شلون فكر يسوي هيج هو يعتبرها مثل ميار من صغره وهي يمه من اول مجابتها امها وعمره ٦ سنوات ينتظر يوم يوم حتى تكبر ضي وتلعب ويا
اوس : خاله شوكت تكبر ضي
ام ضي : حبيبي بعدها صغيره عمرها شهرين
اوس : اي مو مليت وحدي واريد اشيلها العبها متقبلون
ام اوس : اصبر عليها خوما تبقه صغيره لازم تكبر واخطبها الك واشبع منها
اوس : لاهاي صغيرونه شلون نزوج نوب تظل بَس تبجي ومتنام وبعدين تكوم تباوع توم وجيري واني ماحبهم تره ماخليها تباوعله
ام ضي : ولك من هسه حسبت نفسك اخذتها وتتشرط
اوس : اي لعد شلون غير اني احبها
ام ضي : دخل تكبر ونشوف هم تبقه هيج لو تغير كلامك
(مر الوقت واوس دائما ويه ضي كلما يرجع من المدرسه لازم يجيبلها حاجه وهي هم كبرت صار عدها لسان يوم الي ينساها تزعل عليه ومتحاجي وضلوا هيج لحدما صارت عمرها ٦ سنوات وهو ١٢ صارت ويا بنفس المدرسه هي صف اول وهو سادس ابتدائي دائماً تبقى يم اوس تروح وترجع ويا وبالمدرسه هم كلساع تنهزم وتروح يمه لحدما فد يوم رجعوا من الدوام وهو ضايج دخلوا لبيت ضي ودفعها دخلها ومعصب
ضي (نزلت دموعها): لَيــِْش تدفعني
ام اوس (جانت كاعده يم ام ضي): لك ماما شبيك وياها على كيفك
ام ضي : خاف مضوجته لاتحجين عليه
اوس : كافي بعد ما اخذها خل تبقى بالبيت لاتداوم
ام اوس : ولك لَيـش يوم شكو
ضي (تبجي): اهئ اهئ والله ممسويه شي
ام ضي : لك اوس شمسويلها
اوس : خاله تره ميصير هيج
ام ضي : شنو
اوس : لَيــِْش هيج ضي حلوه لَيـش هيج بيضه وكلهم يحبوها صبغيها شويه صبغ اسود خل لحد يباوعلها بَـس اني اباوعلها وميصير هيج كاعده يمي بالصف وكل اصدقائي يحبوها ويضحكوها ويلعبوها اكللها لاتجي اني اروحلها متقبل
ضي : اي مو انت تتاخر متجي كلساع😭 واشتاقلك لان اني وحدي ماعرف احد وانت مو مثلي كلساع اجيلك
اوس : خوش بعد اجيلج اني بَس لتبجين كافي حبيبتي اني اسف لاتزعلين
ضي (حضنته وظلت شويه تبجي تتدلع عليه)
ام ضي وام اوس (وحده تباوع للثانيه ويضحكون عليهم)
ضي (العصر نزلت من غرفتها وبيدها دفتر الواجبات): ماما راح اروح يم اوس احل الواجب
ام ضي : ماما حبيبتي نحله اني وياج اوس عنده امتحانات وانتي تشغلي
ضي (ذبت دفترها): ما اني ما احل اله يم اوس معليه ما
ابو ضي : بابا ميصير مو كل يوميه ضوجتيهم
ضي : لااوس يحبني ميضوج مني
ام ضي : ميهم حبيبتي يله تعاي يمي
ضي (كعدت يم امها وهي ضايجه ودموعها عشره عشره)
(ندك الباب)
ابو ضي (راح فتح)
اوس (دخل شاف ضي تبجي): ها هاي شكو لَيش مااجيتي اليوم لَيش تبجين
ضي : اكللهم اوس ميضوج مني ويقبل اروح يمه بَـس ميصدكوني
اوس : ديله ميهم هاي اني اجيت يمج اليوم يله بدون بجي كملي واجباتج لايتاخر الوقت لان اني محضرلج مفاجئه
ضي (مسحت دموعها وبدت تحل): صدك خوش بَس شنو هي
اوس : راح نروح للالعاب
ضي : اييييي
اوس : يله لعد كملي
ضي : هسه دقيقه واكمل ونروح يله ماما بدلي لاتتاخرين راح اخلص
ام ضي : ولج هسه بديتي
ضي : اي اي مو اني اعرف احل بَـس مجان اكو طلعه فاطول بَـس هسه لا غير شكل
ام ضي : اخخ منج بعدج بكد الفصمه لسانج اطول منج
ضي : هههه يله لاتاخروني خل اكمل ونطلع )