ضي (مكتمله)

/٩/

ثاني يوم
ضي (عرفت غسان حيروح وياها وسفرتهم بعد شهر)
(بيت اوس بغرفته)
ام اوس : ابني شفت نور شنو رايك بيها
اوس : اي مابيها شي حبابه
ام اوس : خوش لعد زين تره اني اختاريتها الك حتى نخطبها اذا اوك
اوس (سكت مجاوب)
ام اوس : هاابني خاف ببالك شي
اوس : لاماما سوي الي يعجبج يله راح اروح تاخرت
امه : الله يوفقك
اوس (طلع وراح للعياده متاخر)
~,~,~,~,~,~,~,~
بالليل
(الكل مجتمعين ببيت ابو اوس والكل موجود)
ضي (تسولف وتضحك ومتجاهله اوس)
اوس (كاعد محتار ميدري شديصير ميعرف شنو هالشعور وليش ضي هيج تغيرت)
ابو اوس : ممكن لحظـه تسمعوني
(صار هدوء)
ابو اوس : شكراً بس حبيت افتح موضوع ويه ابو ليث
ابو ليث : تفضل صاير شي
ابو اوس : ان شاء الله خير يا اخويه اني اليوم اريد اطلب منك طلب وان شاء الله ما تردني
ابو ليث : ان شاء الله اذا اكدر ليش اردك
ابو اوس : اريد اطلب بنتك نور لابني اوس
اوس (باوع لابو استغرب من استعجاله ومااجه بباله غير ضي باوعلها)
نور (تفاجئت من السمعته لان جانت دتشوف ضي واوس كلش حلوين سوه بس يمكن بيناتهم مشكله بس مومعناها هي تجي بنصهم اذا همه بينهم سوء تفاهم باوعت لاوس شافته يباوع لضي هي شلون حتقبل)
ضي (من سمعت بقت ساكته بعدين شافت اوس يباوعلها ضحكت وبداخلها حسره)
ابو ليث : انت اخويه الجبير وما اكدر ارفضلك طلب بس يبقى الجواب يم نور ماكدر اجبرها ها بابا شتكولين
نور (ظلت تفرك بايديها متعرف شتسوي شلون ترفض حجي عمها وشلون تقبل وهي دتشوف اوس كل عقله يم ضي)
ام ليث : تره صدمتوها وخجلتوها خل تفكر وحدها وتقرر
ابو اوس : اي اكيد براحتها محد يجبرها بنتي قرري براحتج معليج باحد ماشي
نور (منزله راسها): ان شاء الله
اوس (من شاف ضي ضحكتله ابتسملها حس انو رجع كلشي عادي وضي مضايجه منه فرح وحتى مسمع شجانوا يحجون)
ميار (اخذت ضي وطلعت لغرفتها من شافتها تضحك): ضي ..
ضي (قاطعتها مخلتها تحجي بقت تضحك الى ان متحملت وبجت بحضن ميار)
نور (كامت وراهم وشافت ضي شلون بجت بقت بره وسندت ظهرها على الحايط وتفكر): ضي تحبه ماكدر اقبل بي
ضي : ميار صارت صدك
ميار : هاهيه ضي انتي قويه وحلمج راح يتحقق يجوز هالشي بي خير تفائلي
ضي (كامت ومسحت دموعها): اوك خلص لازم اصير قويه كافي بجي
ميار (اجالها اتصال): الو هلو اديان .... اي اي اتذكر .... ماشي بس اذا اجي لازم ويايه ضي .،.... اوك اوك يوصل
ضي : شكو
ميار : حفله خطوبة صديقتي
ضي : واني شكو
ميار : رجلج على رجلي ترحين
ضي : طبعاً اروح قابل اخليج وحدج
ميار : هله هله هي هاي ضي الي اعرفها
نور (دكت الباب وحجت بخجل): اكدر افوت
ميار (باوعت لضي)
ضي (ابتسمت لنور): اكيد تفضلي لَيش واكفه
نور (كعدت يمهم): شكراً محبيت ابقه هناك لذلك اجيت اذا قاطعتكم عادي اروح ماكو مشكله
ضي : لالا عادي ابقي اصلاً دنسولف على الحفله
ميار : اي نور تجين لازم
نور : ماعرف بكيفكم بس مجايبه شي
ميار : هي الحفله باجر
ضي : عادي نطلع باجر شويه للسوك واذا ملكيتي شي انتي مثل قياسي تعالي يمي واختاري الي يعجبج
نور (فرحت لان محست ضي كرهتها علمود الي صار): صدك شكراً ضي والله من البدايه حبيتج
ضي : ماكو شكر بين الخوات
ميار : هاااا بديت اغار
ضي (قرصت خدودها): اروح فدوه لليغارون
ميار : اي اي عوفيني بطلت
نور : ههههه
(بقوا سويه وثاني يوم طلعوا للسوك ورجعوا بدلوا ووحده حطت للثانيه مكياج وتسريحه وراحوا للحفله وتونسوا سويه)