ضي (مكتمله)

/١٠/

ضي (وره كم ساعه كعدت شويه متاذيه شافت ميار ونور نايمات والساعه ب١٢ونص استغربت شجابها هنا وكامت تدور مسكن او اي شي يفيدها وصلت للمطبخ كوه تمشي وتدور)
ليث (فتح الضوه): ضي محتاجه شي
ضي : ها اسفه كعدتك روح نام ماكو شي شويه متاذيه اريد مسكن
ليث : سمعت صوت وعبالي اكو شي
اوس : ضي لَيــِْش نازله
ضي (دمعت عيونها): اوس رجلي بعدها تاذيني
اوس (راح مسحلها دموعها شالها كعدها على الميز): اي لَيـش كمتي غير يمج ميار ونور او صيحيني واني اتصرف
ضي : مو نايمين
اوس : ماشي (راد يروح)
ضي (لزمت ايده): لاتروح
اوس (ابتسملها): داجيبلج مسكن
ضي (تركته): ها اوك
ليث (صبلها مي وانطاها): اشربي
ضي (اخذته منه): شكراً
ليث : ماكو داعي للشكر اي شي تحتاجين اني موجود
اوس (رجع وسمع ليث فانطه الدوه لضي): يله اخذي وتصيرين زينه
ضي (اخذته): شكراً واسفه زعجتكم بالليل
ليث : لاماكو ازعاج اصلاً مسوينه شي
اوس (باوع لليث ونوب باوع لضي تريد تنزل فشالها)
ضي (متوقعت حيشلها فخافت وتمسكت برقبته): اوس
اوس : شبيج صرتي صفره
ضي : اكدر امشي تره اني نزلت وحدي
اوس : فلذلك صرتي موزينه
ضي : اوك لعد رجعني فوك
اوس : اوك يله ليث روح نام شكراً لوجودك (اخذها وصعد دخل لغرفته)
ضي : هاي شنو
اوس (حطها على الجربايه): يعني ترديني اروح افوت هناك نور وميار نايمات ميصير
ضي (تذكرت ميار ونور شجانوا لابسين ملابس قصيره ويعني مال نوم فصارت حمره): لاطبعاً متروح
اوس : لعد نامي هنا وخلص واني اروح جوه
ضي (كامت): لااني اروح
اوس (لزمها من اكتافها وكعدها): تعبتي هوايه كافي اني راح اروح يله تصبحين على خير (طلع)
ضي (بصوت ناصي): وانت من اهله (من طلع شمرت روحها على الجربايه ونامت اشتمت عطره بالمخده وبالغطه وبكلشي وتذكرت كل الايام من طفولتهم لحد هسه وتخيلت انو هي بعد ٣ اسابيع حتروح ومتريد ترجع ولاارادياً دموعها تنزل متحملت وكامت طلعت من الغرفه)
اوس (جان بالحمام ومن طلع شاف ضي طلعت دتبجي راحلها ركض): ضي شنو تاذيتي شبيج لَيـش كمتي رجلج تاذيج (لزم وجهها بايديه ورفعه ومسح دموعها) احجي ياعمري شكو
ضي (زاد بجيها وحاولت تبتعد عنه)
اوس (شالها ورجعها للغرفه لان الكل نايمين وصوتها بده يعلى سد الباب ونزلها): شكو احجي
ضي (تبجي وحجيها كوه ينفهم): ما اريد اروح
اوس : ليش وين تردين ترحين ... احجي شنو اهلج يردون يودوج لمكان لو شنو
ضي (هزت راسها بمعنى لا ودموعها عشره عشره): اني ردت بس بعد ماريد ماكدر
اوس (لزم وجهها بايديه): خلص ماكو داعي ترحين وتعوفينه يعني مفكرتي شلون نعيش بدونج
ضي (دفعته عنها وتمسح بدموعها بدون فائده): اني معفت احد انت الي عفتني انت مردتني سمعت امك باذني تحجي ويه امي تكللها يريد اي وحده الا ضي لهلدرجه مضوجتك
اوس (كتف ايديه): وانتِ لَيـش ضايجه
ضي (دموعها تنزل وهي تمسح): مضايجه مابيه شي انسه (راحت تطلع)
اوس (لزمها وسد الباب): وين رايحه
ضي : عوفني اريد اروح ماريد اشوفك وخر عني
اوس (لازمها وهي تضرب بي): اوك اوك سوي الي تردي اضربي واتعاركي بَس لاترجعين مثل هالكم يوم ومتحجين شي
ضي (بقت تضرب بي وتبجي لحد ما تعبت ورادت توكع)
اوس (لزمها وسندها)
ضي : عوفني وخر هسه اذا تشوف نور شتكول
اوس : شعليها نور
ضي : افندي نسيت لو شنو منو طلب ايدها قبل كم يوم
اوس (حاول يخفي ابتسامته): ليش شنو معاجبتج نور
ضي (كتفت ايديها): لامابيها شي حبابه
اوس : مو بس هيج اصلاً حبابه ومؤدبه وخلوقه ومثقفه وها بعد شي هم حلوه
ضي (دفعته): وخر عن الباب اريد اطلع
اوس (متحمل وضحك)
ضي (دمعت عيونها): وخر كافي اريد اطلع بعد مابقه وما تراجع عن السـ...
اوس (قاطعها): ضي ضي اسمعيني سالفة انو ترحين ماخليج اوك
ضي : لَيـش منو انت
اوس (حاوط وجهها بايديه وباوع بعيونها): ضي تدرين شنو اني لولا
خاف متدرين
ضي :انت واحد حقـ.....
اوس (قاطعها بقبله شويه وابتعد): ضي متوقعت فد يوم راح اسوي هيج او احجي الي راح احجي بس اني احبج ضي لااليوم ولا البارحه من اول يوم واحنه سوه بس الي جان يخليني ماحجي خوفي انو تكون مكانتي عندج مكانة اخو واذا احجيلج ممكن اخسرج بهالحاله فلذلك مكدرت احجي حتى تبقين قريبه يمي لج ضي رجعتيلي روحي لوما تصرفاتج جان متشجعت احجي
ضي : لَيـش منو كال تصرفاتي هيج تدل
اوس : ياعيني كلما اجيب طاري نور العيون تصير حمر والنفسيه تنكلب مافد يوم سويتي هيج قبل
ضي : لان مجان اكو بنات
اوس : لعد ﺎٓلحمدللهۂ اجت نور نقذتنه (حضنها)
ضي (ابتسمت وغمضت عيونها وره شويه تذكرت ووخرت عنه): شراح تسوي على الخطوبه
اوس : الله يفرجها ليظل بالج يله نامي راح تصير صبح
ضي : اوك
اوس (باس راسها وطلع)
ضي (كامت تطفر من الفرح الدنيه مشايلتها وراحت نامت)