ضي (مكتمله)

/٨/

ضي
ضي (جانت تمشي وبالها مو يمها تايهه تفكر بس تمشي متدري شيصير)
ميار : ضي ضي
ضي : ها ليش تصيحين
ميار : لا انتي ابد مو طبيعيه عبالي الطلعه حتفيدج طلعتي فاصله ومو يمنه
ضي : لافادتني
غسان : ضي جنه نحجي وياج انتي بس تمشين لااسمع لاارى لااتكلم
ضي : ها مادري
ميار (لزمت ايدها): امشي خل نرجع لاتتخربطين لو يصير بيج شي
ضي : اوك
(رجعوا للبيت)
ميار (شافت سياره بالباب عرفت مال عمها): وصل عمو
غسان (اشرلها): ميار خل نفوت شويه وبعدين روحوا لبيتكم
ميار : اي اوك
ضي (دخلت وكعدت تفور وتفكر اكيد اجت البنيه واوس يمها ها يجوز احلى مني خاف تعجبه شلون)
غسان (بصوت ناصي): ميار شنو انتي متدرين شبيها ضي
ميار : لا شنو صاير تعرف انت؟
غسان (شويه عصب): اخوج الاثول يريد يزوج وحده بس ميريد ضي لان يعتبرها اخته
ميار (حطت ايدها على حلكها): يااا بس لا ضي تدري
غسان : سمعت امج من اجت هنا وهسه الي اختاروها بنت عمج الي يمكم حالياً
ميار : هاي عود اني ليش ماعرف كايمين يخططون من ورايه
غسان : اسمعيني المهم اخوج كون يرجعله عقله ويصحح الي ديفكر بي لان ماريد اشوف ضي مكسوره مثل ماهسه ديصير
ميار : اوك عندي فكره هسه تجي ويانه اعرفك عليهم شويه واجي (راحت لضي واخذتها وصعدت فوك لغرفتها)
ضي : ها
ميار (كعدتها كدام المرايه وطلعت علبة المكياج): افففف عابتلج كلها تراب شنو متستخدميها
ضي : لاما استخدم مكياج اني حلوه من الله😍
ميار : اي ديله سكتي (بدت تحطلها مكياج خفيف وحلو)
ضي : ولج لَيـش حطيتيلي ماريد
ميار : لج باعي صرتي تخبلين هسه تمام صرتي كيوت يله امشي
ضي : ماااا شنو بَس تجرجرين بيه شكو
ميار : دريت شصار واريد ارجع لاخويه عقله امشي بدون نقاش (راحوا لبيتهم ودخلوا سلموا)
ضي (شافت البنيه نور حلوه وحبابه وهادئه ضاجت ودمها يفور ميته من الغيره مجرد فكرة انو يردوها لاوس كرهت البنيه لان شافت شكلها حلو ومبينه حبابه وتتخله على الجرح يطيب)
ميار (بداخلها): ايييي همزين ليث موجود (اشرتله وطلعت)
ليث (طلع وراها): هاميار خير
ميار : شفت ضي
ليث : قصدج هاي الحلوه
ميار : اي شوف اريدك تسولف وياها وتشاقه اوك اعتبرها اني ماشي
ليث : اوك اصلاً هي مبينه حبابه مثلج
ميار : اي يله
(دخلوا وليث كعد يم ضي)
ليث : هلو ضي انتِ شدرسين
ضي : اسنان مرحله ثالثه وانت
ليث : حلو اني متخرج مهندس معماري
ضي (ابتسمت): ممبين عليك
اوس (اجه وشاف ضي سوالف وضحك هي وليث): ألسَلامُ عَلَيِكمُ
الكل : وعليكم السلام
ام اوس (جانت كاعده يم نور (بنت العم) وكامت لان ماكو مكان): تعال ابني اكعد هنا اني هسه اجي (راحت)
ضي (صارت عيونها حمر)
اوس (كعد يم نور وباوع على ليث وضي): اي ليث شخبارك شنو رايك ببغداد
ليث : الحمدلله (باوع لضي ديتشاقه) والله بغداد وناسها حلوين كلهم وورود
ضي (من شافته يباوعلها استحت)
اوس (رفع حاجبه🤨): احم احم
ليث : انت شخبارك
اوس : الحمدلله اي نور ليش ساكته خاف ضجتي
ليث (رجع يسولف ويه ضي)
نور (ابتسمت): لاليش اضوج
اوس : اي احجي سمعينه صوتج باعي هاي ضي عندج متسكت تعلمي منها
ضي (سكتت وباوعتله حست بدت الحرب ضاجت حست كلماته دتاثر بيها)
غسان : الانسان الدمه حلو محبوب ودائماً يلكه شخص على الاقل مثله يسولف ويا يم الناس الي مينبلعون
اوس (ضاج وباوع لغسان الي حجه ببرود)
ميار : داحس اكو شي يحترك
ليث : خلص خلص ماكو داعي صارت حرب
ام اوس : يله حبايبي الاكل صار يله بنات كوموا ساعدونه والولد يحضرون السفره
(كاموا كلهم يشتغلون البنات يصبون ويودون الاكل)
نور : خاله انطيني اني اصب انتي ارتاحي
ام اوس : لاحبيبتي كملي ويه البنات
نور : همه ديلحكون انطيني وانتي شوفي ترتيبات السفره على ذوقج الحلو
ام اوس (ابتسمتلها): اروحلج فدوه حبيبتي يله هاج
ضي (جانت واكفه وسمعت كل الحجي وهم ضاجت على ام اوس متعرف ليش)
ام اوس (من رادت تطلع شافت ضي شلون تباوع على نور وحست بيها ومن طلعت من المطبخ ابتسمت)
(كملوا وكعدوا ياكلون)
ضي (حست روحها ملازم تبقى شافت اكو من اخذ مكانها جانوا كلهم يسولفون ويضحكون بس ضي جانت تلعب باكلها حتى ماكلت شي وعلى النص عافتهم وانسحبت)
اوس (جان منتبهلها وحس بيها شي من كامت راح وراها): ضي
ضي (سوت روحها مسمعته)
اوس (راح ولزمها وكفها): ضي اصبري وين رايحه شبيج (لزم وجهها بايده وحط الثانيه على جبينها) خاف بعدج مريضه ليش ما اكلتي
ضي (ظلت صافنه تباوع لَيـش هيج ديسوي بعدين تذكرت حجي ام اوس (يعتبرها اخته) وخرت ايديه عنها): مابيه شي ماكو داعي مضوج روحك ارجع يمهم اسفه اخذت وقتك (رادت تروح)
اوس (لزم ايدها): ضي شدتحجين شنو هاي الخربطه شكو شصاير
ضي (دمعت عيونها وجرت ايدها وصاحت بعصبيه): عوفني معليك بيه بعد ابتعد عني (راحت ركض لبيتها وحبست روحها بغرفتها)
الكل (سمعوا صياح ضي)
غسان : شسويتلها اوس
ام ضي : ابني شبيها ضي
اوس : ماعرف محجتلي
غسان (طلع وهو ديمشي ضرب اوس بجتفه)
ميار (راحت لضي)
ام ضي وابوها (ودعوهم واخذوا رهف رجعوا للبيت)
ام اوس : يله مصار شي ان شاء الله خير
اوس (صعد لغرفته)