ضي (مكتمله)

البدايه /١/

بدأت الكتابه ٣٠/٧/٢٠١٨
ضي : ماما
الام : هاحبيبتي
ضي : خل اروح يم ميار بعد خلصت امتحانات
الام : ماشي بس رجعيلي من وكت مو تتاخرين راح يجونه بيت عمج بالليل يوصلون من البصره
ضي : ماشي هي بيتهم بصفنه ماتاخر
الام : ماشي روحي وسلميلي على امها
ضي : يوصل مع السلامه (طلعت من بيتهم راحت لبيت ميار دكت الباب)
اوس (فتح الباب): هَـلو ضي شلونج ضلعه واخيراً شفناج وين هالغيبه تعاي فوتي
ضي (دخلت): اي غير امتحانات سادس غير مستقبلي
اوس : اي دخل اشوف شراح تطلعين
ضي : اطلع طب احسن منك😝
اوس (خربط شعرها بايده): انتي كلش كلش بيطره وينج وين الطب
ضي (وخرته وتعدل بشعرها ضايجه): عابتلك اوس خربت شعري
ام اوس : شبيكم تتعاركون بالحديقه فوتوا جوه
اوس : اي صدك تعاي نتعارك جوه
ضي : هاخاله شفتي هو يتعارك كوه وها صحيح ماما تسلم عليج
ام اوس : الله يسلمها حبيبتي ولك كافي عوفها 
اوس (رجع خربط شعرها): ام كفشه لاتحجين عليه
ضي (انهزمت منه وترتب شعرها): ولك اوس عوف شعري كافي
ام اوس : مامنكم فايده اكمل شغلي احسنلي (عافتهم وراحت)
ميار (اجت يمهم): هاي شبي شعرج شنو منتوله😂😂
ضي : غير اخوج ميكعد راحه
ميار : عوفي تعاي يمي خل نسولف واخيراً خلصنه من السادس بعد ماورانه دراسه
اوس : عيني الكليه بعد اصعب خاف عبالج
ضي : المهم هسه عطله
اوس : دروحي مشطي كفشتج ام العطله😂
ضي : عابتلك صوجي اني احاجيك (راحت لغرفة ميار وعافتهم)
ميار : اوس شبيك وياها رجعنه
اوس : انتي شكو صديقتي واحب اتشاقه وياها
ميار : ومن تضوجها منو يسكتها😒 اكعد ساعه ارضي بيها
اوس : دروحي شوفيها صدك زعلت!!
ميار : اني زعلتها لو انته
اوس : اهووو ميار (راح لغرفة ميار ودك الباب)
ضي : المن تدكين الباب غرفتي لو غرفتج
اوس (فتح الباب شافها تمشط): هاي اني
ضي : شتريد 😒 وخر عفيه تره شعري ضوجني ومستعده اشمر المشط عليك فدير بالك على سنونك لايتكسرن
اوس : مقبوله منج هاي صرت طبيب اسنان واسويهن ميهم
ميار (دخلت للغرفه بعد ما جانت واكفه وره اوس): اذا انتي شعرج اطول منج طبعاً تتعبين
ضي : اذا اخوج كلما يشوفني يخربه طبعاً اتعب
اوس : ديله عيني هسه شصار شو جيبي اني اعدله (اخذ المشط ومنها ووكف وراها يمشطلها)
ضي : شدتسوي عوفه
اوس : خلي اكمل مو كلتي اني خربته اسكتي خل اسوي صار هوايه ممشطلج
ضي (ظلت ساكته متحركت ظلت تذكر وتفكر وخدودها صارن حمر كلما يشيل خصله من شعرها وايده تطخ خدها)
ميار (بقت ساكته تباوعلهم و📸😄اخذتلهم صور بدون ميدرون)
اوس (كمل وباوعلها بالمرايه شافها حمره): يله كملت شبيج صرتي حمره
ضي : ها شو الجو حار😳
ميار : حبيبتي احنه بنص الشته والتدفئه ممعلوكه وفاتحه الشباك يعني الغرفه ثلج 😉
اوس : خاف صخنتي (وكف كدامها حط ايده على كصتها يشوف حرارتها)
ضي (صارت حمره بالزايد فابتعدت عنه)
اوس : شبيج ضي
ضي : اااا ميار صحيح تذكرت راح يجونه خطار وماما محتاجتني ضروري لازم اساعدها ماشي (اخذت جنطتها) اجيج بعدين او انتي تعالي باي (طلعت)
اوس : شبيها شصار
ميار : مسمعت حيجوهم خطار
اوس : اي وشنو يعني
ميار : يجوز خطابه عليها مشفتها شلون خجلت
اوس : صدك تحجين بعدها طفله شنو خطابه شلون يقبلون
ميار : انت تشوفها طفله غيرك لا شنو ناقصها بيضه وعيونها عسليه وشعرها يجيب التايه والصوت يسطر سطر ودلال وجمال والواحد بس يتمنى يلمس ايدها على نعومتها بعد شناقصها هنياله الي يحصل نظره من عدها بَـس اكو ناس متقدر قيمه البيدها لحد ما تخسره وتتندم
اوس (سمع كلام ميار وحس من صدك كلامها صحيح): ميهم ستوها كملت سادس وتريد تكمل دارستها مراح توافق واحنه شدخلنه بالعالم خليهم براحتهم
ميار : داقشمر عليك بيت عمها حيجون
اوس : عابتلج ميار اني شعندي كاعد يمج هم صوجي(عافها وطلع)
ميار : هههههه والله اله اخبله بيها (خابرت ضي)
ضي : ها ميار
ميار : محتاجه مساعده
ضي : تردين تساعدين لو تردين تشوفين منو حيجي 😉
ميار : لَيـش هيج تجرحين مشاعري😂 لامن صدك اساعد
ضي : ديله تعاي بَـس لاتتاملين هوايه
ميار (راحت يم ضي وساعدتهم بتحضير الاكل والبيت وبالليل اجو بيت عم ضي وسلموا عليهم واوس هم اجه علمود ديصيح ميار عود ترجع للبيت وخابت امال ميار لان بَـس العم جاي وبنته)
ابو ضي : خير ابو غسان وين العائله
ابو غسان : حبيبتي ضي اخذي رهف بغرفتج لان تعبت بالطريق
ضي : حاضر عمو تعاي حبيبتي رهف (اخذتها وراحت لغرفتها هي وميار)
ام ضي : ظل بالي ابو غسان شصاير
ابو غسان : ماردت اشغل بالكم علينه بَـس ام غسان عدها ورم خبيث بالمثانه وحالتها كلش موزينه ولازم نسافر بيها للخارج ومعرفت وين اخلي رهف لان ماريدها تعرف بعدها طفله
ام ضي : اسم الله الرحمن الله يكون بعونكم متشوف شر ان شاء الله والله متستاهل
ابو ضي : نخليها بعيونه صدك تحجي
ام ضي : اكيد منقصر بَـس احجيلي ام غسان شلون تروح وحدها اني اروح وياها شلون اعوفها بشدتها
ابو ضي : صحيح كلامج احنه نجي وياكم منترككم
(ابو غسان حالته الماديه مو كلش زينه فابو ضي يريد يروح ويا علمود يساعده هو اخو الوحيد)
ابو غسان : اعرف بيكم متقصرون بَـس وبيتكم شلون تعوفون البنات
ابو ضي : ضي مو صغيره ومعتمد عليها
اوس : لايظل بالك عمي ميار واني نبات يمهم لاتخاف البيت بامانتي اني ادير بالي عليهم روحوا وبالكم مطمن
ابو ضي : تسلم ابني
ابو غسان : وان شاء الله غسان اخلي يجي يمهم من نرجع للبصره لان عفته يم والدته
ابو ضي : خوش حجي يله ام ضي لمي غراضج بسرعه خل نروح علمود نحجز وياهم همين
(حضرت ام ضي غراضهم على السريع وراحوا ويه ابو غسان وره ما ودعوا ضي وامنت ام اوس عليهم)
~~~~~~~~
بغرفة ضي
رهف (نامت وره دقايق من ودوها للغرفه)
ميار : خطيه صغيرونه شكد عمرها
ضي : ٧ سنوات
ميار : مسكينه ممكن تخسر امها وهي بهالعمر
ضي : حكمة ربج بعد الله اعلم
ميار : اكلج امشي باتي يمي
ضي : ورهف شلون خطيه هسه نامت
ميار : هم صح لعد اني ابقه يمج
اوس (دك الباب)
ضي : فوت
اوس : ضي ميار راح تبات هنا اليوم واني راح اكون جوه بالاستقبال اذا احتاجيتوا شي كلولي
ضي وميار : ماشي
اوس (راح)
ضي ميار (بقوا يسولفون بصوت ناصي بعدين ميار نامت ب١١ ضي ضاجت ونزلت جوه للحديقه شافت اوس كاعد على المرجوحه ويكتب بالتلفون)
ضي : شدتسوي هنا
اوس :اجاني اتصال اجيت هنا جاوبت ونسيت ادخل انتي شجابج
ضي : ميار ورهف نايمات
اوس (انطاها مجال): تعاي كعدي اريد احجيلج شي
ضي (كعدت): شنو
اوس : تعرفين مروه
ضي : يامروه
اوس : وحده وياج بالصف
ضي : اي تذكرتها منين تعرفها
اوس : كم مره من ميجيكم الخط واوصلكم شايفها وعجبتني حلوه وقبل فتره كمنه نحجي على الفيس سوه وتعرفنه وطلعت خوش بنيه حبابه ومرحه بَـس اريد اعرف عنها بعد اكثر
ضي (ضاجت من كلامه بَـس تحملت): اي ويعني
اوس : اريد اعرف رايج بيها تناسبني لو لا
ضي : متسال ميار
اوس : ميار تنصب عليه اذا درت وتطلعها من عيني ادري تغار عليه متقبل احاجي وحده لو اكول فد وحده عجبتني
ضي : احسن زين تسوي بيك
اوس : لامن صدك جاوبيني
ضي : وكف المرجوحه كافي اريد اروح
اوس : اول جاوبيني
ضي : مادري ماعرفها حتى سلام ماكو بيناتنه يله عوفني اروح
اوس (حس بيها ضايجه وكفلها المرجوحه): اوك تصبحين على خير
ضي : وانت بخير (عافته وراحت لغرفتها ونامت على الفراش بالكاع لان رهف على جربايتها وظلت تبجي)
ميار (جانت نايمه بالفراش البصفها بالكاع ومن بجت كعدت على صوتها): ضي
ضي (لارد بَـس تبجي)
ميار (كامت كعدت بصفها): هاي شبيج ضي جاوبيني
ضي : عوفيني
ميار : شنو اعوفج منو وياج
ضي : حقير حقير اريد اكرهه لَيش حظي هيج
ميار (عرفت تقصد اوس): شبي شسوه
ضي : طلع يحب😭
ميار : شنووو منو
ضي : هاي مروه الويانه ويحاجيها كل يوم ويموت عليها
ميار : شمدريج منو كلج
ضي : سالني عليها دياخذ رأيي بيها يريد يخطبها
ميار : عززززه😱 اخويه المصخم شمسوي شكلتيله احجي
ضي : كتله ماعرفها حتى ماسلم عليها وعفته واجيت😭
ميار : والله يخبلني هذا الولد شبي اثول ميفتهم يعني ميشوف عقله وين هذا اكو واحد يعوفج ويباوع لمروه العوبه
ضي : خلص اني لازم اطلعه من قلبي ومافكر بي بعد
ميار : والله اله اخلي يتخبل اله اندمه على الغباء مالته شوفي شلون راح العب بي طوبه علمودج
رهف (فتحت عيونها): ضي اريد ماما
ضي (مسحت دموعها وكامت): هاحبيبتي
رهف : وين ماما
ضي (نامت بصفها وحضنتها): حبيبتي خلي ننام اليوم اني وياج سوه تقبلين
رهف : اي اقبل
ضي : يله اششش نامي حياتي
رهف (حضنتها ورجعت نامت)
ضي (بدون متحس نزلت دموعها وغفت)
~,~,~,~,~,~,~,~
الصبح
ميار (كعدت من وكت كلهم نايمين كامت وراحت للمطبخ تحضر ريوك من كملت شافت رهف واكفه بباب المطبخ): ها حبيبتي شوكت كعدتي
رهف : قبل شويه (نزلت دموعها)
ميار : هاي لَيــِش الدموع شكو
اوس : صباح الخير هاي ليش رهوفه تبجي (شالها)
ضي (كعدت واجت للمطبخ تشرب مي): صباح الخير ميار
ميار : صباحو حياتي
اوس : خير مطنكر الحلو اليوم
ضي (سوت روحها مسمعته لارد)
اوس : بسيطه (شاور رهف وابتسمتله نزلها وباوع على ضي بخبث)
ضي (شافته): ها شكو😰
اوس ورهف (مشوا باتجاه ضي)
ضي (انهزمت للصاله)
اوس (لزمها وظل يدغدغها هو ورهف ويضحكون لحد ماوكعوا على القنفه وهو فوكاها ظل يباوع بعيونها اول مره ينتبهلها ظل حجي ميار يدور بباله بس راد يغير الموضوع): لَيـِْش مطنكره من الصبح
ضي (حست على روحها): وخر عني اوس اريد اتنفس
اوس : واذا ماوخرت
ضي (ظلت تضربه على صدره): ولك كوم كوم تخبلت
اوس (وخر عنها)
رهف (كاعده تضحك عليهم)
ميار : خير من الصبح تتعاركون
اوس : غير الحلو مطنكر علينه اليوم
ميار : تره مسويه ريوك وانته اول واحد ما الك ريوك
اوس : ليش
ميار : بكيفي لَيـش تضوج ضي
اوس : شكو شسويت صار ساعه اريد افتهم
ميار : احسن لاتفهم بعدين تندم
ضي : كافي حجي يله تعالو ناكل
رهف : كافي تتعاركون تره اني جوعانه
ميار (كعدت وكدامها ضي وبصفها رهف): يله اوس روح لبيتنه اكل
اوس : همزين بيتنه قريب
ضي : ميار ولج عوفي كافي تعال اوس اكل معليك بيها
اوس : شفتي تعلمي الادب مو صديقتج لَيـش متتعلمين منها
ميار : ديله عيني هاي عود متزاعلين وطبكتوا عليه لو تتصافون شتسوون بيه
ضي : كافي حجي اكلوا وسكتوا

~,~,~,~,~,~,~
علمود يستمر النشر
١- انطي رائيك/ج بتعليق
٢- صوتوا للبارت اذا عجبكم