ضي (مكتمله)

٧

الحاضر
بالمول
مريم : هاي منو مشفتج ضي شلونج
ضي : الحـ..
مريم (قاطعتها عافتها وراحت يم اوس ولزمت ايديه): اي اوس شعجب جاي هنا
ضي (عصبت وصارت حمره)
اوس (ترك ايديها): دنفتر اني وضي يله من رخصتج (عافها اخذ ضي وراح)
ضي (تحاول تفلت منه): عوفني اوس خل اربيها هاي ميفيد وياها
اوس (اخذها على سلم الطوارئ بعيد عن الناس): ضي على كيفج
ضي (حاولت توخره حتى تطلع): شلون هيج تتصرف شنو يعني اذا اني اصغر منها ميصير تسوي هيج
اوس (لزم ايديها وثبتها): كافي معليج بيها اذا هي عقلها صغير انتي عقلج جبير لاتحطين راسج براسها
ضي (بهدوء): اوك
اوس (باس راسها): عفيه بحبيبتي تسمع كلام
ضي (جمدت وقلبها تخربطت دكاته وخدودها صارت حمر): ها..
اوس (لزم خدودها): هاشبيج شنو صخنتي
ضي (ابتعدت عنه وحاولت تغطي وجهها بشعرها): كافي خل نروح ماريد بعد شي
اوس : لَيش مو دتدورين حذاء بعد
ضي : لالاخل نرجع
اوس :اوك زين ناكل اول نوب نرجع ماشي
ضي : اوك
(راحوا للسياره ووصلوا لمطعم كعدوا يسولفون ويضحكون)
ضي (حجت وخلت اوس يضحك)
اوس (ضحك ولعب بشعرها): ولج والله انتي مخبله احبج اموت عليج ضي
ضي (ابتسمت وهي تباوع لاوس): اني هم احبك اوس
اوس وضي (واحد باوع للثاني وضحكوا ومن كملوا راحوا للسياره)
ضي (صعدت ووجها على الجامه وهي تفكر): هو حجاها يتشاقه واني الغبيه حجيتها من قلبي بس عباله اني هم اتشاقه (نزلت دموعها)
اوس (حط الغراض بالصندوق وصعد شاف ضي منداره شغل وحرك وهي على نفس الكعده ومحجت ويا): ضي شبيج
ضي (بصوت ناصي وحاولت تمسح دموعها): مابيه شي
اوس (وكف السياره وسحبها عليه شاف عيونها مدمعه كبل حضنها): لَيش البجي المن
ضي (استغلت الفرصه وحضنته وظلت تبجي)
اوس (بقه يمسح على راسها ويطبطب على ظهرها لحد ماهدئت لكاها نايمه نومها بكرسيها ظل يباوعلها طبعاً هو يدري بضي تحبه يعني متعلقه بي باعتبار هو كبر وياها كاخوها الجبير يعني كل تصرفاتها واضحه ومفضوحه بالنسبه اله لان هو اكثر واحد عاشت ويا فيعرفها حتى بدون متحجي بس يحس انو مشاعره تجاهها لازم تكون كاخته الصغيره ويحاول يقنع روحه انو هي طفله نسبه اله ومامناسبه اله يخاف ياذيها او يجرحها فيحاول ميعترف بحقيقه احساسه بَـس يبقى قلبه راح يقتنع لولا)
(وصل للبيت نزل وشالها نزلها من السياره ودخلها للبيت وهي متمسكه برقبته حطها بغرفتها بَـس متركته باوعلها وقلبه دقاته تخربطت ابتعد عنها بصعوبه وحس انو لازم يتخذ قرار نهائي غطاها وراح لبيته وبغرفته)
اوس : خلص اني لازم اتخذ قرار نهائي لان ممكن اسوي اشياء غلط (طلع من غرفته وراح يم امه جانت كاعده نام بحظنها)
امه (مسحت على راسه): ها دكتورنه
اوس (صافن): ها
امه : خير اعرف عندك سالفه احجيلي شكو
اوس (كعد وباوعلها): ماما  بعد خلص اني لازم .....

~,~,~,~,~,~
ثاني يوم
ام اوس (راحت يم ام ضي الظهر)
ضي (جانت دتدرس بغرفتها)
(كعدوا يسولفون ووره شويه)
ام اوس : ياام ضي اوس راح يجلطني
ام ضي : لَيش اسم الله
ام اوس : يريدني اخطبله وحده
ام ضي : اي على الخير لَيـِْش ضايجه
ام اوس : والله اني رايدتله ضي تعرفين كبروا سوه ومن اول يوم انولدت ضي وهو وياها باكلهم بلعبهم بسالفتهم بس مادري هو شبي يا اختي ، يريد وحده غريبه يكول ضي اختي
ضي (نزلت دتشرب مي وسمعت نهاية حجي ام اوس)
ام ضي : هاهيه حبيبتي شتسويله هو اعلم بالي يريده ويصير خير ان شاء الله متدرين الله شقاسم
ام اوس : ونعم بالله
ام ضي : ومنو راح تختارين
ام اوس : تعرفين بيت عمه الي بالريف
ام ضي : اي
ام اوس : ابو اوس قبل فتره عازمهم حتى يجون فعنده بنيه هيج اكبر من ضي شويه هاي مناسبه
ضي (ضاجت حيل وصعدت فوك ركض وعيونها كلها دموع)
امها (سمعت الصوت على الدرج وعرفت ضي سمعت حجيهم)
ام اوس : هاي البنيه مناسبه اخلي يقتنع انو هو غلطان اريد ارجعله عقله
ام ضي : الي بي خير يصير ان شاء الله
~,~,~,~,~,~,~,~
العصر
اوس (اجه على بيت ضي)
ام ضي : ها ابني
اوس : شلونج خاله بس وين ضي تاخرت اليوم
ام ضي : هسه اشوفها لحظه (راحت لغرفة ضي) حبيبتي وينج اجه اوس
ضي (مستلمه كتبها ودتقره): ماروح
امها : لَيش حبيبتي شدتقرين حتى امتحانات ماعندج
ضي (نزلت دموع ومسحتهن): ماريد ماروح بعد
امها (باست راسها): لَيش هيج مقهوره مضوجج شي لو اوس مسوي شي
ضي (بجت مقهوره): ماريد ماما ماروح خل يروح ماروح ويا عوفوني وحدي ماريد احد يمي عندي دراسه
امها (عافتها علمود تهداء): ماشي اوك بَس لاتضوجين اهدي ونتفاهم (راحت لاوس) ضي شويه تعبانه وعدها دراسه تكول متكدر تجي اليوم
اوس : ليش شبيها تعبانه خاف مريضه ا..
ام ضي : لاحبيبي لايظل بالك مابيها شي بس دتقره
اوس (مقتنع): ها اوك لعد اني اروح مع السلامه
ام ضي : الله وياك
اوس (ركب السياره وهو مهموم ويفكر بضي ليش مااجت كل مره هي تجي من وكت من وصل جان متاخر بده يشتغل وكلساع ينسه ويصيح لضي تجيب فد شي لو تساعده بشي  ويتذكر هي ماكو صار اكثر من سنتين هي دائماً موجوده حس هاي اطول ٥ ساعات تمر بحياته عبالك ٥ سنوات كمل ورجع وهو يباوع على مكانها فارغ شغلت كل تفكيره خاف مريضه خاف صار بيها شي خاف محتاجه شي وخاف وخاف و.... لحد ماوصل نزل من السياره راد يروحلها بس شاف غرفتها طافيه الساعه ٨:٣٠م مو من طبيعتها تنام من وكت هيج راح دخل لبيته وكعد بالاستقبال)
ام اوس : وعليكم السلام
اوس : ها
امه : شبيك ماما وين بالك
اوس : لاماكو شي بس تعبت اليوم
امه : سلامتك من التعب لَيش حبيبي
اوس : لاعادي ماكو شي بَس ضي مراحت وكل الشغل بقه عليه
امه : ياخطيه خاف عدها دراسه
اوس : ها اي يجوز (راح يصعد)
امه : متاكل ابني
اوس : لا مامشتهي تسلمين حبيبتي