ضي (مكتمله)

/١١/

اوس (وكف شغل وباوعلها هو والمريض هم مستغرب)
لين : شنو لا
ضي (حست بخجل من تصرفها): ها مو كال ميريد شي واصلاً اوس ميشرب اي قهوه ماكو داعي تتعبين نفسج
اوس (رجع يشتغل): اوك ضي مصار شي ولين تكدرين تكملين شغلج من اريد شي اصيحج
لين : اوك (راحت)
ضي (ضاجت وراحت كعدت على المكتب عافته وحده يشتغل)
اوس (كمل وطلع المريض ومداس الجرس للين حتى تدخل احد راح كدام ضي): شلون اليوم
ضي (كتفت ايديها): شنو
اوس (لزم خدودها): ليش ضايجه
ضي : اوس اني رجعت كافي اطردها
اوس : هي المسكينه زين اذا تحملت لنهاية الشهر اذا انتي خليتيها براسج
ضي : ها يعني اني اتصرف وياها
اوس : لايمعوده اهدي ماشي نهاية اليوم احاجيها
ضي (ابتسمت): صدك
اوس : اي
ضي (كامت بنشاط): يله يله خل نكمل حتى يمشي الوقت بسرعه
(خلص الوقت وقبل لااوس يحجي ويه لين)
لين : دكتور اني اسفه بس راح اضطر اعوف الشغل
اوس : ليش خير
لين : لاماكو شي بس راح اسافر واحتمال ابقه بره فتره
اوس : الله يوفقج
لين : بس ممكن طلب
اوس : تفضلي
لين : واحد اقاربي يشتغل بمكاني انت لاتحكم هسه شوفه وقرر
اوس : ماشي ان شاء الله خل يجي ويصير خير
لين : شكراً دكتور مع السلامه
اوس : الله وياج (راح هو وضي): هسه مرتاحه
ضي : متتخيل بس بعد اكو شغله
اوس : خير
ضي : نور
اوس : ميهم اني وياها راح نفهمهم حتى لاتصير مشكله
ضي : اوس
اوس : لاتخافين
ضي : اوك
اوس (وصلوا ونزلوا ومن دخلوا لكوا الكل مجتمعين فاشر لنور وافتهمت): ألسَلامُ عَلَيِكمُ
الكل : وعليكم ألسَلام
(كعدوا شويه حجوا)
اوس( وكف ووكفت نور): اذا تسمحون احنه نريد نحجي شي كدام الكل
ابو اوس : خير ابني
اوس & نور : احنه قررنه نلغي الخطوبه
نور : ونعتبر كلشي مصار لان هو اصلاً مصار شي
ام اوس (فرحت وعرفت ابنها صحه واعترف لضي)
ابو اوس : شنو السبب اوس
اوس : بابا هذا قرارنه اني اتراجع وهي اصلاً مموافقه فحبينه ننهي الموضوع كدام الكل حتى لاتصير مشكله
ابو اوس : شتكول ابو نور
ابو نور : والله القرار بيدهم وهمه متفقين
ابو اوس : خلص مثل ماتحبون
اوس & نور (بابتسامه): شكراً
(بالليل كلمن راح ببيته)
ضي (راحت لابوها): بابا
ابوها : ها حبيبتي
ضي : بابا اني ماريد اسافر
ابوها : شنو لَيش بابا مو انتي ردتي هالشي
ضي : اي بس هسه عرفت قراري غلط
ابوها : ضي حبيبتي انتي حتسافرين وماكو رجوع عن هالشي
ضي (بصدمه): بس بابا
ابوها : رجائاً بدون نقاش اتفقنه وخلص
ضي : لا مستحيل ماروح
ابوها : حجيت وخلص راح ترحين وكلشي جاهز
ضي (راحت طلعت وهي بالتراك مالتها خفيف والجو بارد وشته كبل لبيت اوس تدك البابا ودموعها عشره عشره تبجي وترجف)
اوس (فتح الباب وشافها كدامه هيج تفاجئ): ضي ؟ (نزع جاكيته ولبسهيا) شبيج حبيبتي ليش هيج
ضي (تبجي): اااوس
اوس (اخذ ايدها ودخلها): تعالي يامخبله الجو بارد وانتي هيج طالعه صوتج على كيف تره الكل نايمين
ضي (هزت راسها اي)
اوس (اخذها للغرفه): احجي شكو
ضي (حضنته وتبجي): مقبل
اوس (طبطب على ظهرها): شنو منو مقبل
ضي : بابا ميقبل لازم اسافر كلتله ماريد بس مقبل كال ترحين كلشي جاهز
اوس : اوك ميهم المن تبجين مصار شي
ضي (دفعته عنها): شنو مصار شي داكلك راح يسفروني ومحروك دمي وانت تكول ميهم
اوس (ابتسم ولزم ايديها): اعصابج اكلتيني انطي مجال خل احجي
ضي : احجي
اوس : خلص باجر اخطبج وينتهي كلشي
ضي : شنو وليش واثق هيج اهلي يقبلون بيك
اوس : لان ياحبيبتي هم يدرون ومخططين لهل شي قبلنه
ضي : واني ليش اقبل يمكن ارفضك
اوس (حط ايديه على خصرها وقربها اله): تعرفين لَيــش تقبلين
ضي (صارت حمره ومتتنفس): ليش
اوس : لان يا طفله اني وياج من اول يوم اجيتي للدنيا بي وكبرتي ويايه خطوه خطوه اعرف كل تفاصيلج وكل صغيره وجبيره بدون متحجين اعرف شتردين وتنفسي تره مراح اعضج
ضي (جانت مصدومه ومن كمل جرت نفس)
اوس (ضحك عليها): والله مخبله وتكول ارفضك
ضي (ابتعدت عنه): بسيطه جرب شوف كدام الكل ارفضك
اوس : يي صدكت باجر نشوف
ضي : باجر ؟
اوس : ماعندي شي المن منتظر باجر منروح للعياده اوك
ضي : ها
اوس : كافي مصدومه شبيج
ضي : مابيه شي خل اروح احسن (رادت تطلع)
اوس (لزمها): وين طالعه للشارع هيج اول شي بارده وثاني شي قصير
ضي : مو لابسه جاكيت
اوس : هههههه ولج هذا مالتي
ضي : صار مالتي بعد يله اريد اروح
اوس : اوك يله اوصلج
ضي : الي يسمع يكول راح نسافر هو البيت البصفكم
اوس : ميهم يله
ضي (دخلت للبيت وراح اوس حضنت نفسها وكامت تطفر مثل المخبله)
غسان : ضي سلامات
ضي (طفرت عليه حضنته): غسان اخويه وعمري والله فرحانه راح اطير
غسان (حضنها): ان شاء الله دائماً هيج فرحانه والله يوفقج بكل خطوه
ضي (وخرت عنه واستمرت تطفر): ان شاء الله الله يسمع منك (راحت ركض لغرفتها وشمرت روحها على السرير وحطت راسها على المخده وعاطت من الفرح)
رهف : ضي تخبلتي
ضي (كامت تضحك): يي حبيبتي نامي نامي معليج راح اسكت
~,~,~,~,~
ثاني يوم الصبح
ضي (من الصبح محضره السفره والريوك جاهز)
ام ضي : يمه بنتي شبيج مريضه
ضي : ليش لاماما مابيه شي
غسان : شنو هالطاقه اليوم
ابو ضي : اليوم اكو ضيف على الريوك ويانه شنو هاي
ضي : هاي هيج مأيسين مني مو صوجكم
ام ضي : يله لاتزعلين تعاي اكلي تعبتي سويتي هذا كله
ضي : لاماشتهي يله بالعافيه راح اكمل نومتي ماعندي شي اليوم (راحت نامت بـ٩:٠٠ ومكعدت للـ٤:٠٠ العصر لان منامت بالليل فكامت تعبانه وشعرها مكفشته وهي نايمه عبالك متعاركه ولابسه بجامه ونزلت جوه وهي مطفيه وكبل للاستقبال)