ضي (مكتمله)

/٤/

~,~,~,~,~,~,~,~
بعد اسبوعين
ام غسان (حالتها خطره بَـس مكالولهم علمود ميقلقون)
غسان (بده يشتغل كاشير بمطعم مؤقت بين ميرجعون اهله حتى يرجعون لبيتهم)
ميار : ولج ضي طلعت النتائج
ضي : صدك شفتي نتيجتي وخري خل ادور اسمي
ميار : تعاي لاتدورين عرفتها🙁
ضي : اي شبيج معبسه شكد معدلي
اوس : وتكليلي اطلع طب حبيبتي ورايه ورايه حتى وره الكليه مراح اخلص منج معدلج يقبل طب اسنان
ضي : صدك اي همزين اللللللله والله فرحانه (حضنت ميار)
ميار : عمري ان شاء الله اشوفج احلى عروسه
اوس (سحب ضي وحضنها): لا ماكو هيج حجي لاتلعبين بعقلها بعدها طفله مبروك حبيبتي ان شاء الله يوم اشوفج احلى خريجه
ضي (خجلت): شكراً
ميار : خيانه هاي ميصير هسه ثنينكم سوه واني وحدي صيدله
ضي : يااا مبروك حياتي (حضنتها)
اوس : كافي حضن يله ضي كومي بدلي
ضي : وين
اوس : بعد تجين ويايه للعياده
ضي (بفرح): صدك بس واهلي قبلوا
اوس : اييي صار كومه متفقين بَـس انتي باقيه متدرين
ضي : عابتلك وانت لَيــِش مكلتلي
اوس (خربط شعرها): لان تخبصيني
ضي : ولك اوس شعري عابتلك
اوس : راح اروح واعوفج
ضي : لالاهسه اجي الله عليك انتظرني (راحت تركض لغرفتها حتى تبدل)
اوس : ميار اخذي وياج رهف وروحوا لبيتنه حتى لتبقون وحدكم وغسان هم يتاخر بالليل يله يرجع ورانه
ميار : اوك مو تتاخرون
اوس : مثل كل مره المغرب ارجع
ميار : ماشي خل اخذ رهف واروح يم ماما
اوس : اوك
ضي (عشر دقايق ونزلت ركض سمعت هدوء عبالها راح): اووووس (عثرت بنهاية الدرج ووكعت)
اوس (سمعها تركض فأجه ولحك عليها لزمها): ها ليش تركضين شنو طفله انتي
ضي (وكفت وعدلت روحها): اي مو عبالي عفتني
اوس : شلون اعوفج يله تعالي راح اتاخر
ضي : يله
(راحوا بسيارة اوس وضي طول الطريق فرحانه)
ضي : شفت جنت اكلك اخذني ومتقبل بالبدايه هسه باوع منو كلي اجي 😝
اوس : اي غير يضحكون عليه بس اني جايب بنتي ويايه
ضي (ضاجت وضربته على ايده): حقير بنته شنو شايفني زعطوطه لوما تخرجت من السادس وفتت كليه شنو هذا كله وطفله
اوس : اشاقه وياج على كيفج يمعوده شوفي حتى مكان للسياره ماكو لازم احطها بعيد يله وصلنه تعالي ويايه تاخرنه هوايه
ضي (نزلت ويه اوس تمشي وهو كدامها بس اسرع منها وهوايه ناس اكو وهي متندل وين رايحين فلزمت قميصه من وره)
اوس (انتبهلها ولزم ايدها سحبها يمه): انتبهي لاتضيعين هاي العياده شوفي
ضي : الله حلوه
اوس : هههه بعدج مطبيتي
ضي (دخلوا وهي تباوع لاوس شلون يسلمون عليه وكلهم يعرفوا وهو شلون يتعامل وياهم حلو نوب سلم على السكرتير وكله وره شويه يبده يدخل المراجعين ودخل لغرفته وهذا الحجي كله وهو لازم ايدها)
اوس (باوعلها): ها شو ساكته
ضي : مادري عجبني المكان وعجبني تعاملك عبالي تصير مغرور من تشوف الناس يحتاجون مساعدتك
اوس : ههههه بعدج مشايفه شي (عافها ولبس الصدريه البيضه والجفوف والكمامه وراح شافها صافنه عليه فوكف كدامها) بعد شنو عجبج
ضي (تباوعله): هاا!😧
اوس : ههههه يله تعاي لاتبقين واكفه كعدي يمي وباعي زين
ضي : اوك
(بدوا المراجعين يدخلون ودخل اول واحد وره شويه طبت بنيه)
ضي : بَـس لحظـه بعده المراجع الاول
سما (ابتسمت): اي اوك همزين يعني متاخرت هوايه
اوس (كمل من المراجع وطلع): شعجب متاخره
سما : عطلت سيارة بابا وراح يوديها للتصليح واجيت بتكسي
اوس : اوك اذا احتاجيتي شي بلغيني مره ثانيه
سما : لاعادي مصار شي
ضي (تباوعلهم ومعاجبها الوضع)
سما : منو هالحلوه
اوس : سما اعرفج على ضي وضي هاي سما زميلتي
سما : تشرفت بمعرفتج شكد عمرج
ضي : واني اكثر تسلمين ١٨ سنه
سما : اوي فدوه بعدج كتكوته شعندج جايه هنا
ضي (تلعب بشعرها بغرور): على الاقل بعدني شابه مامعجزه وعندي تجاعيد وجوه عيني اسود
سما (انصدمت): هاي عليمن شنو اني عندي تجاعيد
اوس (قاوم مضحك): كافي حجي هسه بَس اعوفكم تتمالخون
ضي (بغرور): هي بدت
اوس : خلص كافي ميهم لخاطري
ضي : اوك
سما : شنو هاي
اوس : يمعوده كبري عقلج وعوفيها
ضي (واكفه وره اوس وطلعت لسانها لسما)
اوس : يله سما صيحي المراجع الورا تاخرنه هوايه اليوم
سما (طلعت منزعجه)
اوس (باوع لضي): يعني جان ضروري هالكلام
ضي : هي ضوجتني مو تكول عليه طفله لعد لَيـِْش متحملت كلامي
اوس (قرص خدودها): ولج انتي شيطانه يله بس هسه بعد عوفيها معليج بيها ماشي
ضي : اوك بس حالياً
(بدوا يدخلون المراجعين واحد وره الثاني سما جان شغلها انو تساعد اوس وتنظف الادوات وتحضرله الي يحتاجه ضي جانت مركزه وحفظت كلشي خطوه خطوه ومن خلصوا المراجعين رجعوا وبالطريق)
اوس : ها عجبج الوضع لو شنو
ضي : امممم مبدئياً يعني بس اكو اشياء ينرادلها تغيير
اوس : شنو هي
ضي (بانزعاج): سما
اوس : ليش شبيها حبابه البنيه
ضي : يعني شنو مشفتها شلون مايعه ولازكه بيك متستحي متكول ولد غريب عيب اسوي هيج
اوس : بس اني محاس بشي والبنيه خطيه اهلها ماعدهم فلذلك شغلتها لاتلحين وياها
ضي : اووووف
اوس : يله وصلنه
ضي (نزلت وراحت تسولف لميار ولام اوس شلون عجبها المكان والشغل ولامها هم خابرتها وبالليل من دخل غسان للبيت طفرت عليه)
ضي : غسااااان
غسان : خير شصاير
ضي : طلعت النتائج معدلي يقبل طب اسنان
غسان (حضنها): مبروك والله تستاهلين تعبتي هوايه
ضي : تسلم تدري شنو اليوم رحت ويه اوس للعياده (و...كعدت تسولف ويا لحد مادوخته)
غسان : على كيفج انسطرت والله تعبان اهم شي انو عجبج الشغل
ضي : ايييي كلش حلو
غسان : اوك هذا اهم شي
ضي : يله انت تعبان روح ارتاح خطيه دوختك
غسان : لااني اصلاً مسطور يله تصبحين على خير