ضي (مكتمله)

/٣/

اوس (لزم ايدها اقوه ومخلاها تروح وسحبها باتجاه المحل): يله تعاي يانوع تردين
ضي : 😄فانيلا🍦
اوس (اشترالها وراحوا يم غسان وميار ورهف)
ضي : تونست باللعبه فاتتكم
ميار : ولج شتونستي كولي شبعتي بجي
اوس : ولج خطيه دخليها على واهسها عبالها محد شافها
غسان : المن ركبتي اذا تخافين
ضي : ماخاف😒بَـس محبيتها معجبتني الاجواء ظليت ابجي من الضوجه
اوس وغسان(😂😂😂)
ضي : كافي معليكم يله ميار امشي خل نركب غير شي
(لعبوا وتونسوا نوب تعشوا وبالليل متاخر رجعوا ورهف وضي بالطريق ناموا)
غسان (شال رهف وهي نايمه دخلها)
اوس : ميار كعديها
ميار : يعني انت متعرفها مستحيل تكعد هيج وقت ضي يمعوده ضي كومي فوتي للبيت
ضي (لارد)
ميار : يله حباب انت وديتها للالعاب وتعبتها انزل من الجارجر وشيل ضي دخلها جوه
اوس : يله هاج قفلي السياره وتعالي ورايه اهلي مقفلين البيت حنبات كلنه سوه
ميار (اخذت السويج): اوك اي عادي
اوس (شال ضي)
ضي (حاوطت رقبته بايديها وهي نايمه)
اوس (باوعلها وابتسم على حركتها نوب وداها لغرفتها حطها بفراشها وخر شعرها عن وجهها باس راسها وطلع )
ميار (قفلت السياره ودخلت انطت السويج لاوس وراحت نامت)
~,~,~,~,~,~,~
الصبح
ضي (كعدت من وكت شبعانه نوم بدلت وظلت بَـس تصيح تريد تكعدهم): يله ميار كومي كعدي
ميار : هسه روحي كعديهم وتعاليلي
ضي (راحت لغسان): غسان يله كوم كافي نوم
غسان : اوك ماشي كمت
ضي (راحت لاوس): اوس اكعد يله انت اكثر واحد بقيت نايم يله كوم
اوس : سكتي عني اريد انام
ضي : تنبل كافي نوم خليك نشيط مثلي
اوس : البارحه منو نام بالسياره يالنشيطه
ضي : اهم شي كعدت من وكت يله كوم كوم ا...
اوس (قاطعها جرها وحضنها): ولج كافي يعني متسكتين اله هيج فوك ما البارحه اركض وراج عبالك طفله بالالعاب ونوب بالليل اشيل حضرة جنابج لان نايمه ونوب نايم على القنفه متكسر لاهنا خلص
ضي (صارت حمره وقلبها يدك بسرعه): اوك اوك ابقه نايم بَـس عوفني خلص ماحجي
اوس (حضنها اكثر وشم ريحة شعرها): لاهيج مرتاح لاتتحركين بس شويه
ضي (بقت ساكته مستحيه وفرحانه وره شويه)
اوس (دك تلفونه غلس عليه دك مره ثانيه وثالثه لزمه وباوع منو المتصل)
ضي (باوعت ويا قرت اسم مروه وتذكرت مثل الي ذب عليها مي وخلاها تصحصح كبل دفعته ووخرت عنه)
اوس (استغرب تصرفها): ها شكو
ضي : ماكو شي حبيبتك قلبها حس جاوبها طمنها (كامت وشمرت عليه المخده وراحت)
اوس : مخلبه شبيج ضجتي
ضي (صاحت بصوت عالي حتى يسمعها من المطبخ): ما معليك بيه
اوس (جاوب على التلفون)
مروه : الو ها اوس وينك صارلك مده ماكو بشنو مشغول عني
اوس : لاعادي ماكو شي بَس صديق والدي عنده ظرف ومسافر واني داير بالي على اهله
مروه : اي عيني زين شوكت اشوفك صار هوايه مملتقين
اوس : يمعوده شلون نلتقي شتحجي عليج العالم
مروه : اهوووو هم كال العالم شعليك بيهم المهم اليوم انتظرك بمول .... الساعه ٩:٠٠م مو متجي تره شغله مهمه
اوس : ماشي اجي وخل نشوف تاليها
مروه : يله باي حبيبي (سدت الخط)
اوس (ذب التلفون وكام راح وره ضي)
ضي (جانت بالمطبخ تسوي ريوك وكلساع تضرب شي وهي ضايجه تفور وتحجي بداخلها): غبيه مصدكتي بَـس شبكج سكتي وهو حتى ميحبج وذيج القرده شعدها تخابر من الصباحيات ماعدها اهل شلون هيج يقبلون تصادق ولد وتحب وتلفونات ومكالمات وتطلع ويه ولد محد يحاسبها
اوس (دخل للمطبخ شافها تضرب بالغراض ولزمت السجينه دتريد تقطع خيار راح اخذ السجينه منها ولزم ايديها): يمعوده ستري علينه لتطيرين ايديج
ضي : ما عوفني وخر وخل اطيرها انت شكو ايدي لو ايدك
اوس : لابس اخاف عليج شبيج معصبه شكو بس شفتي اسم مروه ضجتي شبيها
ضي (ضايجه): مابيها شي وخر
اوس : لعد لَيـِْش تغارين منها وتسوين مثل ميار تره انتو اغلى شي عندي مستحيل احب وحده اكثر منكم انتوا الاثنين خصوصاً انتي وين اكو مثل خبالج حياتي انتي لاتضوجين (باس راسها)
ضي (ابتسمت برضى)
اوس (ترك ايديها من هدئت): يله هسه تكدرين تشتغلين براحتج خل اساعدج
ضي : اوك
(كملوا الريوك ورتبوا السفره سوه)
ميار : الله الله شنو هالصلح اليوم منين طالعه الشمس
رهف : صّـباح الخير
اوس و ضي : صباح النور تعلمي من رهف لشوكت تضلين هيج
ميار : يبووو صفوا عليه شيخلصني يمعودين تعاركوا على الاقل واحد ويايه
غسان : صّباح الخير شنو هالنشاط
اوس : اي قابل مثلنه يتعبونه نوب ميخلونه ننام شفت
غسان : شسوي بعد لازم نتحملهم
رهف : اريد اكل جوعانه
ضي : يله تعالو ناكل كافي تحجون علينه