Ni: Aska Saori
Sabi nila, pag mahal mo yung tao
Matuto kang palayain ito
At tanggapin ang katotohanang
Sa iba na siya sasaya
Sabi din ng iba, na kapag mahal mo
Matuto kang ipaglaban ito
Ano pang saysay?
Alam kong siya at siya pa rin
Siya, anong meron siya
Na sa akin ay hindi mo nakita
Kung pagandahan lang pala
Alam kong wala akong laban sa kanya
Ipaliwanag mo sakin
Kung bakit kailangan mo siyang saluhin
Pagpaparaya nalang ba ang kailangan kong gawin
O kakapit rin ako pero wala namang kakapitan
Dahil mas pinili mong kumapit sa kanya
Una palang alam kong nasa sa kanya ka
Una palang alam kong siya ang mahal mo
Pero ako, ako na nanatiling kumapit sa mga kamay mo
Ang daya, ang daya daya mo
Tinalikuran ko lahat para sayo
Pero dahil madaya ka
Tinalikuran mo rin ako para sa kanya
Sobrang sakit
Pero nanatili akong kumapit
Kahit alam kong sa kanya ka pa rin lalapit
Ang sakit sakit
Tumutulo nanaman ang luha sa mata ko
Luhang matagal ko nang pinigilan
Simula nang siya'y pinili mo
Mahal, bakit mo ako dinurog ng ganito?
Siguro nga, sa kanya ka na sasaya
Para akong sinasaksak ng paulit-ulit
Mga luhang paulit-ulit na pumapatak
Pero heto ako, tinitiis lahat ng sakit
Lahat ng sakit na ikaw mismo
Ang nagparanas sa puso kong
Walang ibang ginawa kundi intindihin ka
Teka, teka, mali ako
Dahil simula palang nung una, siya na
Ang minahal mo. Kitang kita sayong mata
Na siya, ang mahal mo. At eto ako,
Ang tangang nagbigay sayo ng panandaliang saya
Paalala, panandaliang saya lang
Panandaliang saya na binigyan ko ng malisya
Na akala ko ako ang tunay na
Nagpapasaya sayo, akala ko lang pala
Sabi nila, ang daming namamatay
Sa maling akala, pero ako buhay na buhay
At sa tuwing naalala ko ang sakit
Unti-unti akong pinapatay
Pinilit kong lumaban
Kahit alam kong walang patutunguhan
Ngayong nagising ako sa katotohanan
Hindi ko alam ang pupuntahan
Magsisimula ulit ako sa una
Sa una, na ako lang ang nag-iisa
Salamat sa panandaliang saya
Hahayaan nalang kita sa piling iba
(A/N) May nagbabasa ba? haha. Hope na makarelate sa inyo niyo. Iloveyou guys
Add me on facebook
@Aska Saori
