كفاك يا قدري

بارت ٢

يسعد مسائكم احبتي ..💋
بقلم Reem Ali

مسك :دخلت للبيت وضليت واكفه بلحديقه وارجف وجع بطني خوف ع فرح ماعرف صار

بيه اخذت نفس وطبيت للبيت ولكيت اهلي جاي تغدون (مساء الخير. ) ...

ام مسك ..وابو مسك :::::هلا مسوكه مساء النور
ام مسك يله غيري ملابسج وتعالي اتغدي

مسك :رحت غيرت ملابسي وضميت الورقه الي بيها رقم كرار ونزلت كعدت اكل بس بلكوه احس شبعانه
ابو مسك :شبيح باباتي شنو مريضه
مسك :لا بابا حبيبي بس شوي تعبانه لان البارحه منمت من وكت

ابو مسك :خلصي اكل وروحي  نامي ورتاحي
مسك :ماشي .

خلصت اكل وصعدت لغرفتي حتى انام مددت ع جربايتي ضليت افكر بكلام كرار واذكر عيونه ورسمت حاجيه وضليت افكر بي لحد منمت

الشكل المقارب لجمال كرار ....

كرار :عائلتي متكونه من ٢بنات و٢ ولد والدي متوفي الي هو جان مو بس ابوي صديقي واخويه وكلشي بحياتي الله يرحمه واني اصغر واحد

باعائلتي اخوي حيدر  الجبيرمتزوج وعند جود  واختي فاطمه هم متزوجه من ابن عمي بس

مجاي يصيرعدهم اطفال والي بعدهاا رقيه بس اني احلاهم حالتنه الماديه الحمدالله اشتغل بشركه ويه عمامي لان بيها. حصه لوالدي

ام كرار :هلا بلغالي اشو جاي من وكت اليوم وين جنت

كرار:جنت بشغله سويتها واجيت

ام كرار :همممم 😏شغله عليه هلحجي وهاي الظحكه المرسومه ع شفتك اول مدخلت للبيت لهسه

كرار:هههه والله يمه اني فرحان لان البنيه كتلج عليها اليوم حجيتها وكتلها كل الي بكلبي ورتاحيت واريدج تدعيلي يمه وتصير من قسمتي

ام كرار:يايمه اني شريد من هلدنيه غير اشوفكم مرتاحين انته وخواتك واخوك واريدك تعرس قبل لا الله ياخذ امانته

كرار :اسم الله عليج يمه يومي قبل يومج ان شاءالله

ام كرار :كوم ولدي غير ملابسك حتى اصبلك غده

كرار لا يمه شبعان بس اريد انام

ام كرار روح يمه ارتاح واذا ردت شي صيح ع رقيه

كرار ماشي صعدت انام بس مكدرت ضليت اذكر شلون مرتبكه والخوف باين عليها حتى شفايفها

ترجف ماتكدر تحجي وشكلها البريى وعيونها الي تدوخ ضليت مغمض وتخيلها ياربي هيج وتصير حلالي هلبينه .......

صوره مقاربه لجمال مسك ...

مسك:كعدت جانت الدنيه ليل حيل اني هلكد نمت اجه ع بالي كرار وبتسمت كمت حضرت ملابس ونزلت اسبح

ام مسك :مسوكه يله خلصي حتى نروح بيت جدج سلمان

مسك :ماشي سبحت وطلعت ولبست  فستان طويل ساده لون ماروني بي فيونكات ناسك يعني ولفيت حجابي ونزلت

ابو مسك :شطالعه رويحتي ربي يحفظج الي

بسام :هاي شنو مطلعه شعرج من الحجاب امشي سوي زين

مسك :مو بلسياره راح نروح 🤨

بسام :واذا بلسياره امشي اصعدي وسوي حجابج زين احسن 😡

مسك : اهووو صعدت رتبته ونزلت ولكيت اهلي ينتضروني بلسياره وبسام واكف يم الباب حتى

يقفل طلعت وعيون بسام عليه ويحجي بهمس اني اعلمج خلي نرجع 😡وورحت صعدت وسويت نفسي مسمعته 😁

بسام :العمر ٢٠ سنه يدرس سادس علمي وجاي يشتغل ويه بابا احنه رويسيه اني وياه ويحب بنت عمتي زهراء وهيه هم تحبه من يتخرج يخطبهاا

مسك وصلنه لبيت جدي ولكينه الكل هناك ابوي عنده ٢خوان واخت وحده اسمهان محمد واحمد محمد عنده ٢ ولد مصطفى وحسام والبنات هبه

وهند اما احمد عنده ٥ بنات ريام ومرام وايه وطيبه وملاك اما عمتي اسمهان عدها بس زهراء لان ماتصير عدها اطفال بس زهراء

سلمت ع جدو وبيبي (جدي سلمان وبيبي صفيه )

الجد :حليانه ولج وصايره عروس
مسك :😊

بيبي :دومها حلوه غير طالعه عليه فدووه لطولج هاي الغاليه بنت الغالي 😘

مسك :نضرات حسام الي خوفتني لان اشوكت مااباوع عليه الكيه صافن عليه ياربي شبي هذا

تعشينه وسولفنه اني وبنات عمي احمد وغسلنه المواعين واني فرحانه لا ن كرار اعترفلي  بحبه وهمين شفت بنات عمي بس حسام ابد ماشال عينه عني

بسام :مسك جدي سلمان يريدج

مسك: رحت لكيت الكل موجود يم جدي  اهلي وعمامي خير ياربي

الجد سلمان :مسوكه حبيبتي اني اريد اطلب منج طلب

مسك :تفضل جدي كول ..

للحكايه البقيه .....

التصويت حبايبي لاتنسون 😍