كفاك يا قدري

بارت٢١

صباح الخير حبايبي ❤️❤️
بقلم Reem ali

حسام ..كلبي وجعني عليهاا رحت عليه ومديت يدي ع راسها رفعت راسها باوعت عليه ورجعته تبجي سحبت كرسي وقربته يمهااا رفعت راسها بيدي وكتلها ..اني اسف شفتها شلون تبجي وجها وخشمها صايرات حمر قربت وجهي ع وجهاا باوعت ع شفايفها ترجف حسيت شي جذبني الها قربت شفتي ع شفتها  رجفت بين ايديه و ذابلت عيونهاا
ريام ..من كلي اسف حسام وتقرب مني وكام يبوس بيه ويوزع بوسات ع شفتي وركبتي وجتفي  عبالك رحت بغير عالم وبس اني وياه موجودين اسمع صوت انفاسه ودگات كلبه بس وشمني حيل من كل كلبه مبين مال واحد مشتاق ومتلهف سمعنه طكطه فزينه اثنينه وبتعدنه عن بعض لزمن يدي وباسهاا بس وجهه صاير احمر هو وعيونه ..يله روحي نامي تره راح ..وسكت ابتسمت وكتله تصبح ع خير حبيبي ورحت بغرفه خاله واني فرحانه لان اليوم اتاكد. انو حسام بده يحبني ..
حسام ..من شفتها شلون ذبلت بيدي وجاوبت وياي اووف ع ترافتج ترافه ورد اذا اني احبها ليش ماعترف بحبي الهااا طلعت التلفون ودزيت مسج احبج ياترفه اموت عليج وع ترافتج ..
ريام ..جنت اتگلب ماكدر انام كلسع يجي بالي الي صار وفرحانه وصلني مسج من حسام ماصدكت الي جاي اشوفه كمت وطلعت لكيته بعده بلمطبخ واكف ومرتجي ع الكاونتر وظلمه بس ضوء خفيف جاي من الصاله رحت يمه جان يفتح ايده بمعنى تعالي بخضني ورحت عليه وغركت بحضنه وعصرني واني بحضني نزلت دموعي وفرحانه مامصدكه رفع راسي وطبع بوسه ع كصتي..
حسام ..اي اني احبج ابتسمت وغمرت راسهاا بصدري همست شنو متخافين مني تره اني انكلب وحش بليل 😉
ريام ..😳
حسام ..ضحكت بصوت لج خبله ماكو واحد يخاف عليج بكدي يله امشي نطلع بلحديقه نكعد طلعنه وكعدت بلمرجوحه واني مددت وخليت راسي بحضنهاا وحسيت بحنانها وبطيبت كلبها وضلينه نسولف ...واني اتمعن بشكلها ..
مسك ..كعدت الفجر ولكيت كرار ماكو طلعت من الغرفه وكفت يم الدرج ترددت اريد اصعد واذكر الخنكه صعدت اريد اشوف كرارمشتاقتله  قبل لا اوصل الغرفه شفت مروه طلعت وسحاب الدشداشه مفتوح وطالع صدرهاا وجاي تعدل بشعرهاا كتلهاا جاي تسوين جوه بغرفتي ..
مروه ..مو كرار صاحلي لان جان ضايج والليل كله مكدر ينام ..
مسك ..ضليت صافنه عليها ضحكت بمكر ونزلت رحت بسرعه طبيت للغرفه شفت كرار بس بملابسه الداخلي ونايم ع بطنه تخبلت صحت كرار  ..
كرار..هممممم ..
مسك ..مروه جانت تسوي يمك
كرار ..مروه شنو تسوي شبيج مسك ماتشوفيني نايم يامروه جابها يمي ..
مسك ..كرار هسه شفتها طلعت من الغرفه كتلها جنتي تسوي كالت كرار صاحلي لان الليل كله ضايج ومكدر ينام ..
كرار ..مسك شبيج تخبلتي اني الليل كله نايم يمج قبل ساعه صعدت لان مكدرت انام جوه وشفتي بعينج هستوني كعدت ..
مسك ..ضليت ابجي ماعرف شنو جاي يصير اصدكه لو احذبه لكرار ...
مروه ..لج رقيه كعدي ..
رقيه ..هممم كاعده ..
مروه ..هسه اني سويت كلشي مثل ماكالت المره والملابس الدخليه مال مسك صارن يمي وهسه سوت شغله شفتها كعدت صعدت قبلها وشفتها متردده تصعد سمعت خطوتها ع الدرج طلعت من غرفتهم وسويت نفسي اعدل بروحي ههههه الا اخبلهاا خلي بس تصبر عليه ماخليج تتهنين يامسك كرار الي ..
مسك ..كعدت ابدل لان اليوم العرس مال غصون وسيف ..يله كرار اني جهزت ماضل وكت وديني لصالون ..كبل لان خابرتني غصون وكالت وصلنه سيف لصالون تعالي كبل عليه ..
كرار ..يله انزلي واني جاي وراج ..
مسك ..اجيت انزل ولزمتني دوخي اجيت اوكع ولزمت الباب ..
كرار ..مسك بيج شي
مسك ..لا يله اني نازله ..
وصلني لصالون وخلصنه وطلعت  غصون تخبل  واني لبست ثوب اسود ردان ومقسم ع الجسم وشعري خليته مفتوح بس سرحته وسويت الكذله بڤ ومكياجي جان هادء وضليت انتضر كرار ما اجه ورجعنه ويه سيف وصلنه للفندق جان الفندق فوك والقاعه جوه واتونسنه حيل بس احس اكو غصه بصدري ماعرف شبيه .
مروه ..رقيه هذا العصير لازم يشربه حتى يصير رابع مره نشربه من يكعد تنطي هو اليوم كالت المره راح يمشي الشغل ..راح اصعد اكعد كرار وانتي حضري الاكل ..
كرار ..اني نايم حسيت ايد انمد عليه وتمسد بشعري وتطبع بوسات ع خدي كل ضني مسك وجاوبت وياهااا واني مغمض صار فتره اني مبتعد عن مسك لان هيه تعبانه وبس مشاكل مجاي تتقبلني فتحت عيوني واشوف مروه بين ايديه فزيت وكمت انتي جابج هناء ..
مروه ..كمت عليه وضليت احضن بي اني احبك كرار واموت عليك شنو. تريد اسويلك بس فدوه لا تعوفني ضليت اتوسل بي وابجي ..
كرار ..باوعت شلون تتوسل بيه وتبجي وكعدت بلكاع وطلعت رجلهاا نصهن وهيه مامنتبه وصدرهاا مبين ضليت صافن عليه بعدها اجت بالي مسك عفتها وطلعت نزلت ولكيت رقيه محضره الاكل كعدت اكل باوعت ماضل وكت شربت العصير ورحت بدلت وطلعت وضلت بالي ..مروه
رقيه ..شفت اخوي شلون وجهه مخطوف واجيت اني انطيته العصير ردت امنعه بس اذكرت ستار وحجي مروه الي هيه مروه حلووه وبيضه صح رشيقه بس معالم جسمهاا بارزات وتغري اني اعرفهاا شلون تتمسكن وتخلي الواحد يحبهااا ..
حسام ..ريام عمري حضري نفسج الخميس ان شاءالله عرسنه ..
ريام ..يروحي حضنته فرحانه ان شاءالله ..
حسام ..يله باجر نروح نكمل تجهيزات العرس ..
ريام ..ماشي حبيبي..
حسام ..طبعاا اني مانسيت مسك طول هاي الفتره ابتعدت كلش حتى ماشوفها وارجع احن الها واحاول انساهااا حبيت ريام صح بس تبقى مسك حبي الاول وذكرى متروح من گلبي بس ريام حاولت وياي وخلتني احبها  وحبيت كلشي بيهااا..وتحملت وياي الحلوه والمره وريام شلون الجوهره الله دزلي ياهاا..عوضتني بيها عن كلشي ..
مسك ..دخلو الزلم يزفون سيف ودخل وياهم كرار بس ماباوع عليه ولا كال شطالعه ولا شي ولا عبرني زفيناهم  للفندق وصعدت وياه بلسياره ساكت محجه شي كتله شبيك كرار ..
كرار..من دخلت للقاعه وشفت مسك عصبت وحسيت نفسي اختنكت من شفتها ماعرف ليش من تصير قريبه عليه اضوج واختنك كتلها شبيه يعني مابيه شي لا ع كلشي وتحطين انه ..
مسك ..كرار تره اني بس سالتك وكلتك اشبيك اشو هذا عصب وظل يضرب بلستيرن كافي تره تعبت لخاطر الله كافي  وضل يصيح وسب اني شفته هيج مطايقني نزلت دموعي وكتله كرار وديني لهلي هسه ..
كرار ..احس ماطيقها ماعرف ليش بس كلتلي وديني لهلي ..اي تدللين لفت السياره بكل سرعتي ردنه ننكلب ضلينه ساكتين اثنين محجينه وصلتها نزلت وشخطت السياره وطلعت ..
مسك ..نزلت ابجي وتلكتني زهراء وكتلها شنو صار .
زهراء ..اكيد تعبان من الشغل او متعارك ويه احد وضايج ..وضلت تهدي بيه
مسك ..ارتاحيت اشوي ع كلام زهراء رحت سبحت وغفيت حسيت ع مسج وصلت لفوني باوعت ساعه عشره كل ضني كرار فتحه ولكيت وقم غريب مكتوب حبيبيتي زوجج ميحبج ومايريدج واذا ماصدكه تعالي للبيت شوفي بعيونج ..
مروه ..رقيه شوفي اليوم اذا تمت الشغله وتحقق الي بالي من باجر اخلي يجي ستار يخطبج لان مبين كرار اجه معصب وصعد فوك اكيد متعارك ويه الخانم ..
رقيه ..صدك تحجين يعني باجر يجي ستار يخطبني ..
مروه ..اي والله بس اذا تمت الشغله من عين باجر بس اريد منج تاخذين امج وتروحين لبيت خالج  بحجه هو مريض وامج ماتدري كرار اجه واذا شافت سياره كرار كوليله اجه ذبها وطلع ..
رقيه ..ماشي ..رحت اخذت امي ورحنه بيت خالي وحاولت اتاخر هناك واني بالي كلام مروه وفرحانه لان ستار راح يخطبني ..
مروه ..لبست وملابس نوم خفيفه كلش ومبينه كل تفاصيل جسمي وتعطرت وصعدت للغرفه كرار ولكيته نازع ملابسه وجاي يدخن وشاعل الضوه الصفر صعدت شافني ضل فاتح عيوني مامصدك اتقربت عليه وهو صافن عليه ضليت ابوس بي واهمس بذانه حسيته اجاوب وياي ..
كرار..رجعت للبيت واني معصب بس مروه مارحت عن بالي اني شجاني ليش ديصير بيه هيج كعدت ادخن وحسيت انفتح الباب ودخلت عليه مروه ملابس نوم مغريه كلش وضلت تبوس بيه مادري شلون اجاوبت وياهاا واجه بالي اهلي اخاف يحسون علينه
مروه ..لاتخاف ماكو احد كلهم طلعو ..
كرار ..ضلت تحجي وتبوس وتسوي حركات واني ماعرف شلون ضعفت ونسيت مسك ماحسيت غير واني ...باوعت ياالله اني سويت ...بس هيه مدارت بال وضلت بحضني
مروه ..عشت احلا ليله بحياتي بس لازم اخلي مسك تشوف الي صار دزيت مسج لمسك قبل لا اصعد لكرار حتى تشوفنه وتعوفه ويصير الي ضليت نايمه بحضنه واسوي شغلات تغري خليته يتقرب الي مره ثانيه ...اول شي رته يتقرب مني حتى احبل من عنده وغصبن عليه تزوجني وثانيا ردت مسك تشوفه حتى تعوفه ..
مسك ..نزلت ع بسام وكتله اريد شغله من البيت لازم اروح اجيبها وصلنه اني احس جسمي يرجف طول الطريق معقوله الكلام صحيح ..بسام انتظرني  ماطول عليك نزلت ولكيت الباب المطبخ مفتوح طبيت ع كيف وشفت ماكو احد بلبت صعدت الدرج واحس الدرج صار شطوله وصلت باب غرفتي واني اسمع صوت كرار وهو يحجي كلام جريئ كمت ارجف واحس راح اوكع ع طولي اشجعت وفتحت الباب ولكيت كرار ويه مروه وهم بدون ملابس وووووً وو..عبالك شي ضرب براسي هو شافني مامصدك اني كباله ..واني من الصدمه ضليت صافنه عليهم ..طلعت اركض واحس نفسي اني جسد بدون روح شلون عبالك اضربت طلقه بكلبي ويحركني بكانها ويوجعني حيل اشكد ماوصف ماوصل لوجعي وشعوري هذيج للحظه ..اسمع كرار يصيح عليه ماحسيت غير واني وكعت من الدرج ..

وللحكايه البقيه ..بقلم Reem Aliتحياتي الكم حبايبي
وانتظروني باجر بارت الاخير ....