كفاك يا قدري

بارت ١٩

                               يسعد صباحكم ..احبتي  بقلم Reem Ali😘😘😘

اصفن ع العمر خلصتة بس هموم واباوع ع الزمن وشلون جازاني . اثاري بهالوكت ما ينفع الطيب . والطيب يضل كل عمرة وحداني. واليمشي عدل ع النية وي الناس. يضل طول العمر مجروح ويعاني..

ريام ...بعد ماطلعنه من العمليه حسام ماصحه جنه ننتضره يصحه دخلت عليه للعنايه وشفته وجه مورم ولحيته عاليه تقربت عليه ولزمت ايده دمعت عيوني لو تدري اشكد جنت اتمنى اشوفك مره ثانيه بس مو بهاي الطريقه ضليت اتلمس وجهه واني باوع ع الجروح ليش سويت بنفسك هيج تدري اشكد حبيتك من اول مره شفتك حسيت عبالك اعرفك من زمان وحبيت كلشي بيك ملامحك تسريحت شعرك لبسك طريقتك  بلكلام

الشكل المقرب لجمال حسام ...

ضليت احجي وياه ماحسيت ع شي بعد ..
حسام ..فتحت عيوني ماكدر اشوف شي غمضت وبعدها فتحت وضحت عندي الصوره اريد اذكر اني وين ضليت صافن بعدهاا اذكرت اخر شي حادث السياره ردت اتحرك حسيت وجع باوعت صفح لكيت بنيه نايمه هيه وكاعده ع الكرسي وخاله راسها ع جف ايدي ضليت صافن هاي وين شايفهاا بعدين اذكرتهااا الدكتوره ريام حاولت اتحرك مكدرت عطت صحت ...
ريام ...حسيت ع عيطت حسام وفزيت وصحت بصوت ..حسام ..شبيك
حسام ..باوعت عليه فزت وكالت حسام شكلها خايفه عليه ..لا مابيه بس ردت اتحرك وحسيت بالم برجلي ..
ريام ..اي اكيد لانو رجلك مكسوره واكثر  شي متاذي بيك هو راسك وسوينه الازم والحمدالله بس اهم شي دير بالك ع نفسك ..
حسام ..هزيت براسي وراها اذكرت الي صار اجت مسك حسيت بالم فضيع براسي ضليت اصرخ من الوجع ..
ريام ...شنو يوجعك ..
حسام ..راسي الم قوي ماتحمل لك علي صيحيلي علي ..
ريام ..دقيقه بس اخلي انطيك ابره مال مسكن نطيته ابره بلكانونه  وطلعت صحت اله صديقه علي ..ودخل
علي..الحمدالله ع سلامتك خويه ..
حسام ..لك ليش ساعدتني ليش ماخليتي اموت واخلص ..
ريام ..من سمعت كلامه طلعت وره البرده ودموعي تسابق وحده ويه الثانيه ..
علي ..استغفر ربك حسام مو كافي انسه لك انته الي عفتها بيدك نسيت من وصلت للموت كافي عوفهااا ..
حسام ..ياريتني متت ياربي ولا اشوفها شلون تنزفك لغيري ..الم راسي موتني واجت بالي مسك زاد الالم اكثر  صعبه ياربي ماتحمل ماتحمل ساعدني يالله ولكم تعبت ضليت اعيط وابجي بعدها نمت ..
ريام ..من شفته شلون يحجي ويه صديقه ويتمنى الموت ويه كل كلمه ينطقها احسها تضرب گلبي ختنكت حسيت نفسي راح انفجر طلعت بسرعه خارج الغرفه رحت للحمام ظليت ابجي وطلع كل حركه بكلبي ليش ربي خليتني احب واحد گلبه هاوي وحده شلون راح ينسهااا ياربي ساعدني ..
مسك ...بعد ماسبحت وبدلت وخليت مكياج خفيف ولبست كلابيه سمائي وبيهاا تطريز بلصدر ونشفت شعري وكرار سبح وطلع لاف الخاولي ع خصره وشعره ينكط مي وباينه تقاسيم جسمه وهو معضل خجلت ودنكت راسي واجه وكف ورايه كبال المرايه ..وحاوط خصري بيده ..
كرار ..يعني شلون اشوف كل هذا الجمال كبالي ومااكله 😉وعضيت خديها ..
مسك ..كرار امشي ننزل عيب من عمتي ..
كرار ..من اشتعلوً عشيرتي واحد واحد ..
مسك.. نزلنه وصبحت ع عمتي ورقيه وفاطمه هم جايه وعمته وبنتهااا بس هاي بنت عمه ابد ماحبتها كلما تجي عيني بعيونهااا تخزني ..كعدنه نتريك وكرار يسولف ويشاقه ويه خواته وامه واباوع شلون امبين الفرح بعيونه حبيت لمتهم عبالك اعرفهم من زمان ورتاحيت بوسطهم هذا الشي جنت فاقدته من ماتو امي وابوي ..
كرار..همست الهاا ولك حبيبتي اشتاقيتلج كومي نصعد ..
مسك ..كرار ولك خجلتني خلينه كاعدين عيب من امك ..
كرار ..عيب مو دتعالي شلتهااا وهيه تضلت تصرخ من خجل وتخاف ..
ام كرار ..لك كرار شجاك يمه تخبلت ع كيفك ويه الفرخه ..
كرار ..واني اصعد الدرج ..واحجي ويه امي لا يمه لاتخافين ع الفرخه خوفج منهااا عليه ..😁
مسك ..وصلنه للغرفه وذبني ع الجربايه وصار فوكاي وخله راسه بركبتني وضل يشم بيها ويبوس ..
كرار ..اووف شلون ريحه اباوع عليه كلشي بيها حلو من راسها لحد رجليهااا سويتي بيه انتي دتعالي ووووو💏..
مروه ..كافي رقيه انتي يوميه تكولي يحبج وتوهميني بكلام جذب وشفتني انتي شلون يحبها وتزوجهااا بعد شنو تاني اني لحد ميخلفون ..
رقيه ..لج انتي راح تضلين غبيه كتلج اصبري ماخليها تتهنه بحياتها وبعدها  يصفه الجو الج ..
مروه ..كافي يوميه تجذبين عليه زعطوطه اكبالج باعي رقيه تدرين كل الزين ستار اخوي شلون يحبني يعني بكلمه مني اخلي يعوفج وينساج فهمتي لو اوضحلج اكثر ..تره اني جاي اموت الف موته وانتي حضرتج يوميه توعديني وجذبين عليه ..
رقيه ..لا عفيه كلشي ولا ستار ..اني غير جنت انتضرهاا تصير قريبه علينه واني اعرف شنو اسوي باعي كتلج عن صديقتي هيفاء ..
مروه ..اي اذكرهاااا ..
رقيه ..راح اتصل عليهااا بس انتي اريدج تحجين وياهااا وتتفاهمين ..
مروه ..😒اي خلي نشوف هذي اخر فرصه الج تره ..
رقيه ..همست الله ياخذج ان شاءالله واخلص منج حبيت اخوج لو بتليت ع عمري 😢
حسام ..بعد مرور ايام حسيت دكتوره ريام اهتماهها بيه غير عن كل الممرضين من طلعت من العنايه بغرفه خاصه ضلت ويوميه بلمستشفى حتى ماتنزل وعلاوي مصطفى واهلي وجدي معافوني يوميه يسالون عليه بس ميباتون لان علي هو الي يبات وضلت طول هاي الايام تحاول تقوي علاقتها بينه لو تسوي اكل وتجيبه من تشوفني اتوجع تحاول تغير الجو بضحك هيه وعلي لو تجيب شطرنج وتكعد تلعب ويانه تحاول تنسني حزني شوي بس مسك مراحت من بالي ..
اخر يوم الي بلمستشفى جنت نايم لان اني من اتوجع اخذ ابره مسكن وانام ويوميه احس ايد تلامس يدي بس ماكدر افتح عيوني كل ضني حلم وبعدهاا انام بيومها حسيت ع ايد انمدت ع ايدي سمعت صوت مخنوك بلبجي وتحجي حاولت مافتح عيوني حتى اشوف منو اني متقصد اليوم ماخذت ابره المسكن ..
ريام ..چان اخر يوم لحسام بلمستشفى كلش انقهرت لان بدخوله للمستشفى كلش اتعلقت بي وعرفت شنو يحب وشنو يكره حتى للبيت كمت ماانزل دخلت عليهم ادري بي ياخذ ابره مسكن وينام يوميه من الوجع شفت علي نايم رحت كدت ع الكرسي ولزمت ايده دموعي نزلن غصبن عني..وضليت اهمس شلون راح اعوفك تدري اني شلون مرتاحه هلايام من شفتك قريب عليه وضليت كل يوم  ارقبك وتمعن بيك بملامحك وكلشي بيك  تدري شلون تعذبت يله وصلت لرقمك بس خفت اتصل بصفتي شنو ادري بيك تحب بنت عمك وشفت الحب بعيونك بيوم الي جانت بلمستشفى تمنيت تحبني مثل ماتحبهاا اني من اليوم الي شفتك حبيتك وغيرت بيه اهواي اشياء تدري اشكد اتاذه من اشوفك شلون متعذب عليهااا اتمنيت اساعدك وخليك تنساهااا حتلو متحبني الهم اشوفك سعيد ..
حسام ..ضليت اسمع كلام ريام وانقهرت عليها كلش حسيت بيها لان نفس وجعي بلحب من طرف واحد يوجع حيل حسيت اثنينه نفس الوجع وجاي نتعذب نفس العذب هو عذاب الحب ..وهيه كلش حلووه وذكيه وكلبها طيب وشفت هتمامها بيه ومن اتوجع تحاول تواسيني ..حركت يدي حتى تعرف اني كاعد همست ريام ..

للحكايه البقيه ..
تحياتي بقلم Reem ali

الشكل المقرب لدكتوره ريام .....