اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت اركض واحس نفسي اني جسد بدون روح شلون عبالك اضربت طلقه بكلبي ويحركني بكانها ويوجعني حيل اشكد ماوصف ماوصل لوجعي وشعوري هذيج للحظه ..اسمع كرار يصيح عليه ماحسيت غير واني وكعت من الدرج .. كرار ..ماجنت اتوقع انو مسك تجي وتشوفني بهاذي الحاله شكلهاا ميروح من بالي لمن شافتنه وعيونهااا كنما تحاجيني وتتوسل بيه كنما ماتريد تصدك الي شافته هيه لحظات بس عبالك صار سنه لبست وشفتها ركضت صحت عليها وشفتها كدامي شلون وكعت من الدرج نزلت اركض ورهااا باوعت دم جاي يطلع من راسهاا وفاقده بسرعه طلعت دشغل السياره وتلكيت بسام جاي يطب لبيتنه كمت اعيط لك بسام الحكني طب وياي وشاف اخته فاقده والدم طالع من راسها ضل صافن عليها اصيح لك بسام تعال وياي رحت عليه ولزمته من ملابسه لك بسام لك راح نضيع مسك من يدينه نزلت دموعه وعه ع نفسها وشلتها واخذنها للمستشفى .. حسام ..ريام جانت يمنه والعائله كلها ملتمه جاي انسولف ونضحك حسيت فجاء گلبي وجعني خليت ايدي ع كلبي الكل انتبه عليه .. ريام ..حسام شبيك ... حسام ...مابيه شي بس وجعني كلبي يمكن تشنج صار عندي .. الجد ..اوليدي كوم ارتاح اخاف تعبانه .. حسام ..لا جدي مابيه شي ..حاولت اغير الجو ورجعو يسولفون ويضحكون بس اني ماعرف شبيه احس مخنوك وكلبي يوجعني بس سكتت ماريدهم ينتبهون عليه اريد اشوف الفرح بعيونهم لان تعبتهم اهواي اني ..وهم ماصدكين راح اتزوج ..وريام خلتهم يحبوها بهتماهمها وحبها الهم .. بسام ..مسك طلبت مني اوديها لبيت اعيالهاا تجيب اغراض وكالت ماطول عليك نزلت وطولت نزلت دشوف وين صارت ولكيت كرار بلطرمه وجان يصيح عليه لك الحكني طبيت وياه واشوف مسك بلكاع فاقده والدم اهواي يم راسهااا حسيت جسمي برد وثكل احس عبالك جسمي مربوط ماكدر اتحرك وماصدك هذي مسك مرت طفولتي اني وياهاا وشقانه وعرايكنه وابوي وامي حسيت ع كرار جاي يعيط بوجهي بجيت ماصدك الي صار اخذنها وطلعنه للمستشفى ..واني بلطريق واتصلت بحسام ..طووووط طووووط حسام ..مصطفى حاي يصنف ويضحك ويسوي حركات وقلد علينه وع جديتي وجدي دك تلفون باوعت بسام ..رديت الووو .. بسام ..لك حسام الحكلي .. حسام ..من كلي الحكلي ويبجي كمت وكفت لحيلي لك بسام شبيك .. بسام ..لك حسام مسك .. حسام ..من كال. مسك كلبي وجعني اكثر احس النفس ثكل بصدري كلي انته وين .. بسام ..بلطريق للمستشفى .. حسام ..سديته وجدي ضل يكولي شكو ..جدي ماعرف بس بسام يكول مسك ورايحين للمستشفى اخذت السويج وسمعت ريام صاحت عليه .. ريام ..اجي وياك حسام ..ضليت صافن عليها ..حسيت اريد ابجي بس لزمت نفسي يله بسرعه اصعدي .. الجد ..مصطفى حضر السياره وامشينه نروح للمستشفى .. مصطفى ..يله جدي .. كرار ..الطريق كله احجي ويه مسك ..ماكو اي ردت فعل منها ودم ترس حضني كلش تاذيت وضليت ابجي لج مسوكه فدوه لاتعوفيني والله اذا صار بيج شي اموت .. بسام ..اباوع ع كرار شلون يحجي وياها حسيت راح افقد مسك ضليت اضرب بلستيرن لا ياربي لا تاخذها وتخليني يارب ساعدني لج مسك لاتخليني وحدي وصلنه للمستشفى وخذوهااا من عدنه باوع الكرار وملابسه متروسه دم كعدت بلكاع ابجي وادعي كون مايصير بيها شي .. حسام ..وصلنه للمستشفى باوعت ع كرار ملابسه متروسه دم كلبي عصرني حيل ودخت شفت بسام كاعد بلكاع ويبحي ويدعي حسيت عبالك بجسمي جاي يرتخي كعدت واني صافن ماكدر احجي حسيت ع ريام جاي تحجي وياي .. ريام ..حسام بيك شي لاتخوفني عليك هسه راح اطب للعمليات واطمنك لاتخاف ان شاءالله مابيها شي .. حسام ..هزيت براسي بس احس لساني ثكل ماكدر احجي ..باوعت ع بسام كام ع كرار ويكله شبيها اختي سويتلها .. بسام ..كمت ع كرار اريد اعرف شبيها اختي لزمته من ملابسه لك كلي اشبيها اختي حسيت حسام جاي يفك بينه كرار بس يبجي .. كرار..وكعت من الدرج واني السبب وكمت ادك ع صدري لك اني السبب اني .. بسام ..من كال اني السبب نمت عليه ودك بوكسات .. كرار..موتي اضرب بعد اني اريد اموت وابجي بكل حركه كلب اني سويت بيها دمرتها ليش شنو اجاني .. بسام ..حسام جاي يبعدني عنه واجو الحرص كامو يحجون لزمنه الصمت .. اجه جدي ومصطفى وعمامي ..وضلو يهدون بيه حيدر ..لك خويه شبيها مسك وحضني .. كرار ..حيدر مسوكه راح تروح من يدي لك اني موتها بيدي كله مني واعيط ودك ع كلبي هذا الحبها ماصانهاا .. حسام ..صافن وباوع عليهم عبالك حلم واريد اصحه منه طلعت ريام من غرفه العمليات ومبين عليها جانت تبجي رحت عليها ..رفعت راسها ونزلت دمعتهاا اخذت نفس ولتمينه عليها كلنه لزمت يدها لا ريام لاتكولين مسك نزلت دموعي احس جنت مخنوك بيهن وعطت احجي ريام .. ريام ..مسك الضربه بارسها وكلش متاذيه والمسكينه انوبه حامل ٣ اشهور والطفل بس مابي شي كرار..من كالت الدكتوره الضربه براسها وكلش متاذايه حامل حسيت عبالك واحد ظربني بخنجر بكلبي بعدها ماحسيت ع شي .. حسام ..تحجي ريام واني احس النفس انكطع لزمت صدري حسيت ريام لزمت يدي حيل .. ريام ..حسام ان شاءالله تكوم بسلامه بس لازم تعدي مرحله الخطر ادعيلها ربي يشافها .. حسام ..جاي تحجي ريام حسينه واحد وكع لتفتت وشفت كرار متخربط ولتمو عليها وشالو وريام وياهم بعدها طلعو مسك للعنايه ..اول يوم ماخلونه نطب عليهااا بس ثاني يوم سمحو النه عن طريق ريام طبعاااصار يومين فاقده ماكو اي ردت فعل عدها طلبت من ريام اول واحد اشوفها اني .. دخلت وشفتها نايمه اخخ ياكلبي مو كافي اتعذبت اهواي وبعدك نفس لهفتك عبالك اول مره تشوفها ونفس دكاتك ماتغيرت نفس الرجفه مال حب نفسها لزمت يدهااا وخليت راسي عليها ابوس بيها لج اخ ياحلمي انتي اشكد تمنيتج الي صبرت وتحملت الالم المهم اشوفج سعيده باوعت عليها ذبلانه ولا عبالك هاي مسك الحلوه الجنها ملاك من الجمال بس تبقين بعيني اجمل واحلا وحده ومانساج صحيح ابتعد بس مرات احس كلبي يدك بس دكته مختلفه عن الدكات هاي الدكات بس من اكون يمج وقريب عليج احس بيهن اخ حبيتج اكثر من روحي ربي يشافيج وكومج بسلامه ونشوف جهالك اكيد حيطلعون حلوين مثلج ..مسك انسي كلشي لان انتي حصيرين ام واني راح اتزوج ريام بس حبج مراح انسى للموت اسف مسك اخاف فد يوم جرحتج او اذيتج ..اخذت نفس ومسحت دموعي لزمت يدها بستها وطلعت لكيت ريام وعيونها مورمه من البجي حضنتني وكمت ابجي وخليت راسي ع صدرها ريام تعبت والله تعبت كلما اكول راح انسه يصير شي وننجمع مره ثانيه وارجع اتاذه اكثر من كبل ساعدني فدوه ريام .. ريام ..حسام يحجي واني ويه كل كلمه احس كلبي جاي ينمرد اخ ياحسام كلما اكول راح تتغير وبحبي انسيك كلشي بس طلعت غلطانه محد يكدر يمحي حب الاول كمت اشهك وابجي وياه.. بسام ..طبيت ع مسك ..كمت ابجي بحركه يا عمري يله كومي والله اخذج يمي ماخلي احد ياذيج كومي يروحي كمت بعدتها شوي وصعدت يمها ع الجربايه وخليت راسي يم راسهاا كومي مسوكه بداعتي شلون ترضين تعوفيني وحدي لا تروحين مثل امي وابوي راحو وتخلني وحدي تدرين شلون صعبه واحد يعيش يتيم بليه اب ولا ام محد يخاف علينه مثلهم محد يكولك جوعان بردان ماكو مثل حنيه الاب والام كومي يا بنت امي وابويه كومي لخاطر هلطفل الي بطنج شنو ذنبه ادري بيج قويه وحتكومين النه كمت وغطتها همست يم اذنها ياعمري لا تعوفي بستها وطلعت . كرار..حلمت بمسك حيل حلوه وشعرها مفتوح خاله ايدها ع بطنها وبطنها جبيره بس احس اني مقيد ماكدر اوصلها ضليت احجي وياها وكولها سامحيني بس ماردت عليه كعدت باوعت خليلي مغذي وحيدر وامي يمي اذكرت كلشي صار كمت اصيح مسك وينها حيدر ..اهدء كرار مسك زينه بس بعدها ماصحت كرار ..اجت امي تمسد براسي وتبجي يا يمه اني اذيتها وخنتها يمه مسك حامل انتظرنه كل هاي السنه ماصار عدها شي طلعت حامل يمه و شافتني شلون اخونها يمه شافتني باسوء وضع يمه اكول مجاي تطيقني طلعت حامل يمه .. ام كرار ..اباوع ع ابني شلون منهار ودك ع صدره شلون النسوان ..شك كلبي شك كرار ..لازم اشوفها ملصت الكانونه امي وحيدر يصيحون عليه ضلت ايدي تنزف ورحت يم العنايه ضليت اصيح اريد افوت لازم اشوفهاا مقبلو اجت ريام بلكوه دخلتني ..دخلت وباوعت عليها ايالله اني شكد حقير ونذل اكو واحد عنده هيج ملاك وخونهاا كعدت يمهاا وضليت اشم بشعرها باوعت ع بطنها. صاير عدها بطن صغيرونه خليت ايدي ع بطنها مسوكه سامحيني فدوه ادري اني حقير بس كعدي شتريدين اسوي الج بس لاتعوفيني كومي مسك نربي ابنه سوه بداعت حبنا منو ينام بحضني يوميه من يشم بيه وكولي احبك منو يكولي ابو جهالي منو اشم من بعدج مسوكه اكعدي ادري اذيتج شنو تريدين اسوي بس كومي واشوف طولج الحلوو كومي تحقق حلمج وحتصير ام لزمت شعرهااا شميته اريد ترد الروح بيه ضليت اوزع بوسات ع وجهااا ونزلت شميت ركبتهااا شمه قويه ضيعتج بيدي خليت راسي ع بطها وزادت بلبجي بست بطنها كومي يروحي ابنا يريدج تكعدين حتى يجي لدنيه ونشوفه لزمت ايدهاا فدوه سامحيني مسوكه حسيت بايدهااا عصرت يدي حيل عصره كلش قويه ودمعت عيونها وبعدهاا رتخت ايدهااا وسمعت الجهاز صوفر مسك مسك ضليت اعيط اجو الدكاتره وضلو يفحصون بيها حسام ..كرار جان جوه وسمت عياط يصيح ع الدكاتره كلبي وجعني حيل طبينه نركض اني وريام وبسام وشفت كرار يبجي بهستريه وشفت الاطباء يفحصون بيها ريام راحت وياهم بس وجها مخطوف وباوعت عليه ونزلت دمعتهااا وكفو الاطباء لا ريام لاتكولين ماتت لا رحت عليها كومي مسك كومي لاتخليني وتروحين كافي عليه عفتيني ونزوجتي غيري انوب تردين تعوفيني لابد كمت اعيط لج مسسسسسسك بسام ..من الدكتوره كامت تبجي وشفت حسام يبجي ويكولها كومي رحت عليه وشلت راسها بحضني لج مسك كتلج لاتعوفي ليش رحتي ليش منو الي من بعدج كومي ياريحت هلي كرار .. حسام وبسام بيجون يمهاا رحت بعدتهم وخر مسك ماماتت هيه لزمت يدي حيل كعدت وراح نربي ابنه سوه وهيه وعدتني ماتعوفني ابد محد ياخدها مني شلتها وخلتها بحضني ولج كومي ياملاكي شلون يطيج كلبج وتعوفيني شلون هيج هانت عليج سنين حبنه كومي ولج تعبنه اني وياج يله اخذتج ضليت اشم بيها كومي يروحي كومي يا ام جهالي حسام لزمني وشالوهاا مني كمت اعيط لاتاخذوها شلون تاخذون روحي لك حسام انته مو تحبها شلون تخليهم ياخذوهاا حاجيهم ابوس يدك كلهم لياخذوها والله اموت اني موتتها بيدي اني ماحفظت عليها حسام كلهم ولك اخذوهاا رجعوها الي رجعوهااا..
بعد وفاه مسك كرار بعد الي صار وخسر مسك صارت بي الحاله نفسيه وتعقد.وصار عصبي ويشرب لانو يعتبر نفسه هوالي موتهااا وهيه واطفلها ويتمنى الموت وعاش ع ذكرهااا وبعد وفاتها بسنه هاجر ... اما بسام كلش اتالم ع فراق اخته وضل بسام وحيد لا اب ولا ام ولا اخت بس زهراء حاولت تطالعه من الحزن الي هو بي جابت اله ٢ ولد توم وسماهم ضاري وضرار .. اما غصون وسيف ..كلش اتاثر بوفاه صديقتها واختهااا وانصدمت وضلت فتره تتعالج ورجعت بمساعده سيف الها دائما تذكرهااا بكلشي وصار عدها ولد وعايشين حيات حلوه هيه وسيف .. اما مروه فانقلب السحر ع الساحر بعد الي صار وخسرت كلشي حتى كرار حاولت تحرك روحها حتى تموت وتخلص لان ضميريها جاي يذيها لان بسببها ماتت مسك بس مامتت تشوهت فقط وصار شكلها كلش يخوف وضلت تعاني لحد هذا اليوم دائما الي يفرك اثنين او يهجم بيت عائله والي يمشي بطريق السحر والشعوذه عقابه راح يكون بلدنيه وبلاخره..والله يردهاا اله لو بعد سنين وتطلع بي حوبت كل مضلموم وكل حركه كلب وكل دمعه لان انهجم بيته وفاركوه عن احبابه حسبي الله ع كل ظالم .... اما رقيه..تاثرت حيل بموت مسك وشافت حاله اخوها شلون تغير وصار قاسي ويصرف بدون وعي ضلت تلموم بنفسهاا حتى حب عمرهاا ستار اتقدملها ورفضته لان تحس انو بسبب حبها ضيعت حيات اخوهااا .. اما حسام لحد هذااا اليوم لمن يحط راسه ع المخده قبل لا ينام وتغمض عيونه يذكر مسك ..كلش تذيت بعد وفاه مسك وضليت يوميه اروح لقبرها لحد ماطلعت السنه وبعدها بمساعده ريام خلتني اطلع من الكأبه الي اني بيهاا وتزوجنه وصار عندي بنوته حلووه شعرهاا اسود وعيونهااا رصاصي فاتح مثل حلات مسك بلظبط وسميتها مسك وضلت مسك ذكره حلووه بكلبي وبيوم الي انسهاا اذكرهاا بشوفت بنتي مسوكه.....
النهايه .. ان شاءالله تعجبكم وانتظروني بقصه جديده ماجنت ناويه اختمها بهلسرعه بس تمرضت وما حبيت اخليكم تنتظرون اهواي ... مع السلامه احبتي راح اشتاقلكم ..ريمه بقلم الكاتبه Reem Ali
