كفاك يا قدري

بارت ١٠

يسعد صباحكم ...احبتي ❤️❤️
بقلم Reem ali

وره  دقايق دز مسج كاتبلي ..
اني بره اطلعي ..طلعت وجان اشوف بسام اخوي كدامي ...
بسام ..شلونج مسك ..

حسام ..لك انته جابك هناء

مسك ..حسام اهده ..خلي اسمع شنو يريد ..كول بسام ..

بسام ..مسك بالي يمج من يوم الي طلعتي بي من البيت اني ممرتاح ..

حسام ..هاااا يعني من جنت تضربها وتذيهااا ترتاح ..مو..باوع عليه عدل روح منا تره وربك مخلي شي بيك صاحي ..

بسام ..مو زودتها واني ساكت وهاي اختي ولي حق عليها فهمت وانته شدخلك بيناتنه ..ومسك ترجع وياي وغصبن عليك ..

حسام ...هذا الكلام  قبل مو هسه ...اني نهيت ع مسك والي حق عليها واذا لمست شعره منها وكلام الله. موتك ع يدي ..

بسام..انته جاي تحجي بكيفك تصرف ..مسك كولي صدك هذا الحجي الي جاي يكوله حسام ..

نداريت ع مسك شفتها صافنه بس دموعها تجري وسانده نفسها ع السياره ..باوعت ع ايدها جاي ترجف ..رحت عليها بسرعه .مسك ..شبيج

حسام ..جاي نتصايح اني وبسام ونسيت مسك ..
دسالها بسام عن الحجي صدك ..شفتها تعبانه كلش ركضنه عليها اني وبسام وصعدنها
بلسياره ..

وردنه نروح للمستشفى مقبلت اشرت بيدها بمعنى..لا ..اباوع عليها دموعها تجري بس وساكته محجت اي كلمه ..وصلنه للبيت راحت كبل لغرفتها ..ضليت قلق حيل ماعرف شسوي ..

مسك ..من طلعت من دوام ولكيت بسام اتمنيت احضنه حيل لان مشتاقتله هذا ريحه هلي  ..

ونسيت كل الي سوه بيه ..تمنيت يرجع الزمن بيه واشبع من ابوي وامي ..ضلو يصايحون واني

تعبانه كلش وزردمي حيل ديوجعني حاولت احجي مكدرت حسيت لساني ثكل كلش شفت

نفسي ضعفت كلش ..انتبهو عليه بسام وحسام ورادو ياخذوني للمستشفى مقبلت ..رجعنه للبيت

ودخلت للغرفه رحت نمت كبل حتى ملابسي
مابدلتهن طلعت التلفون دزيت مسج لكرار ..

اني محتاجتلك حيل ..عوف المشاكل ارتجاك
لان اني كلش تعبانه ..
رد عليه بسرعه ..
اني الي محتاجج اكثر يروحي بالي يمج واريد اشوفج باجر لان بعد ماصبر ..حيل مشتاقلج ..

اني اكثر ..مشتاقتلك ..كرار فدوه اني كلش تعبانه ومشتاقه حيل لبوي وامي ..

عيون كرار ..اني امج اني ابوج والله اني ماعوفج لو اعرف اموت ..

اسم الله عليك ..يومي قبل يومك لا تعوفني انته همين ..