كفاك يا قدري

بارت ٧

يسعد مسائكم 🦋احبتي
بقلم Reem Ali

يا زمن وين الأحباب...و الله مليت العتاب...يمته نشتم التراب

ليش النحبهم نصير ابعاد عنهم...يا زمن و الله كفر تحرمنه منهم

و الله لو تدري اشكثر قلبي يحبهم...تسوه عمري يا زمن شمت تربهم

قلبي ناداهم ابصوت...الفرقة أصعب من الموت

راسي من الهضم شاب...يمته نشتم التراب

مرت الايام واني حالتي جسد بليه روح صغرت الدنيه بعيني وكرهت كلشي حلوو وعرفت اهلي

ماتو بلنفجار بلكراده بمجمع الليث فاجعه لكثير من الناس شباب ونساء واطفال واهواي عوائل

اتيتمت واني منهم رجعت طفله ادور حنان امي وحب ابوي تركت غرفتي كمت انام ابغرفتهم

اغفه ع ريحتهم ومانسيتهم يوميه ابجي مامصدكه الي صار اعتب عليهم شلون عافوني اما بسام

حاير بنفسه ومرته وطبت بشهرها ولا عبالك اخوي الي ربته امي تغير حيل صار بس السلام

بيناته واني جنت محتاجته  يمي لان احس صرت وحيده بس غصون متركتني ابد يوميه تجيني

وتواسيني وتنسيني حزني من تروح ارجع نفس حالتي ويوميه اكعد اشتغل لحد ميجي الليل حتى

اتعب كلش ومافكر بامي وابوي حتى انام بس ماكو فايده افز تالي الليل واحس بخوف وع فراغ

جبير صار بحياتي  اضل ابجي لحد مانام عمامي وجدي دائما يسالون عليه خاصته حسام كل

يومين يجي ويطمن عليه اما كرار معافني ابد يخابرني  ويسال عليه بس اني صغرت الدنيه بعيني

وصار عندي نوع من الكابه معتزله عن العالم الخارجي مالي نفس لاي شي صدك ظلمت الدنيه

بموت امي وابوي احس اخذو روحي وياهم اشكد حاولت ارجع مثل الاول مكدرت ..جنت نايمه

وسمع صوت بسام جاي يحجي بلتلفون كمت باوعت الساعه ٤ طلعت كتله شبيك بسام بيك شي

بسام ..لا بس زهراء راح تجيب ..

مسك ..الله يسهلها يارب ..رغم كل الي سوته بيه كل هاي الايام. الي مرت بس كلبي طيب ودعيت

الها ..وجابت بنوته حلووه وسموها مرام من شفتها فرحت وبجيت اذكرت اهلي

مالحكو يشوفون بنت بسام وشفت الفرح بعيون بسام فرحت اله اكثر مرت الايام وره ماطلعت

السنه مال امي وابوي اجه حسام وسلم عليه وجاب اغراض الي نسوان عمامي دازيهن

ومن جدي مصرف كل شهر جان يوصلني جنت من احتاج شي اصرف منهم

حسام ..مسوكه شخبارج