كفاك يا قدري

بارت ٩

صباح الخير احبتي ❤️
بقلم Reem ali

دخلت عليهم وكتله جدي من رخصتك مسك الي ماتصير الغيري اني ابن عمها وناهي عليها ..

الجد ...تفاجئه بتصرف حسام وخجلني كدام الشيخ علي وصحت عليه بصوت عالي ..حسام..

حسام ..اي جدي اني نهيت عليها ..عفتهم ورحت شغلت السياره وطلعت ..

كرار ..اخذت عمامي وشيخ عشيرتنه ورحنه ع بيت جد مسك وستقبلونه وطلع شيخنا يصير صديق جدها لمسك وفرحت كلش وكال كبع واخذ

بس لاخر لحضه اجه ابن عمها وكال اني ناهي عليها اني هناء مادري شلون لزمت اعصابي

وماكمت كتلته عصبت حيل وطلعنه اني وعمامي والشيخ وجدهاا ضل يتاسف من اللي صار ..

الجد..عذروني ع الي صار وخلوها عليه اني احلها ان شاءالله ..

مسك ..سمعت صياح حسام وجدي بس مفهمت شكو ..

باوعت وره شوي من شباك المطبخ طلع حسام معصب وشغل السياره وراح ..

وره اشوي ضليت انتضر اريد اشوف منو جوه جان اشوف كرار ..وياه زلم كبار بلعمر ...

بس كرار مبين معصب حيل اني من الخوف احس جسمي ثلج اريد اعرف شنو الي صار طب جدي لصاله ..

الجد ..مسك تعالي يمي

مسك ..نعم جدي ..رحت ودخلنه للصاله وسد الباب

الجد ..بنيتي اجو الناس الي هلج الله يرحمهم اجو بيوم الي توفو وانطوني خبر عنهم نفسه الولد الي اسمه كرار متقدملج وطلع شيخ علي صديقي حيل واعتبره مثل اخوي ..

وافقت انطيج اله لان امبين الولد شاريج لان هاي المره الثانيه يتقدم ..

بس الي صار اجه حسام وكال اني ناهي عليها وفشلني كدام الناس وكسر كلمتي..

مسك ..اول ماجدي كال وافقت وطلع شيخهم صديقي كلش فرحت بداخلي طرت من الفرح بس الى ان وصل وكلي حسام نهى عليج ..

ماعرف شنو صار كمت مااركز شنو يحجي جدي حسيت بردت حيل وصارت رجفه بجسمي ..

وكمت اسال نفسي هم راح اخسر كرار مثل ما خسرت اهلي حسام ليش نهى عليه معقوله يحبني مثل ماكال كرار..
حسيت ع صوت جدي وهو يكولي

الجد ..مسك بيج شي ..

مسك ..ها لا جدي بس شوي تعبانه ..

الجد ..مسك روحي ارتاحي ومحلوله ان شاء الله ..اني اعرف مسك تحب هذا الولد وهو يحبها لان ام مسك الله يرحمها اني اعزها حيل...