كفاك يا قدري

بارت ٢٠

يسعد صباحكم احبتي 😍😍
بقلم Reem Ali فديت قرائي

حسام ..ضليت اسمع كلام ريام وانقهرت عليها كلش حسيت بيها لان نفس وجعي بلحب من طرف واحد يوجع حيل حسيت اثنينه نفس الوجع وجاي نتعذب نفس العذب هو عذاب الحب ..وهيه كلش حلووه وذكيه وكلبها طيب وشفت هتمامها بيه ومن اتوجع تحاول تواسيني ..حركت يدي حتى تعرف اني كاعد همست ريام...
ريام ..حجيت گلشي مضموم بكلبي حتى ارتاح بس فزيت ع حركت يده صوته وهو يصيح باسمي ..مسحت دموعي ورفعت راسي ..نعم اسفه اجيت اطمن عليك ..
حسام ...اني سمعت كل كلمه حجيتهاااا بس يابنت الناس اني كلبي مجروح بعده ماطيب واني حاس بيج وبكل كلمه كلتيهااا وقاطعتني بلكلام ..
ريام ..اني انسيك كلشي واحاول اسعدك بس انطيني فرصه واتعرف عليه حتلو متحبني اني راضيه كمت ابجي خجلانه منه لان اعترفت بحبي اله واخاف اخسره وماشوفه بعد...
حس علينه علي وكعد مسحت دموعي وحاولت اطلع قبل لا اكوم حسيت انسحبت من ايدي باوعت حسام ..
حسام ...وين رايحه بعدني ماخلص كلامي ..
ريام ..باوعت ع علي هو فهمني ..
حسام ..من شفت ريام شلون تبجي بحركه حسيت بيها وكل كلمه تحجيها طالعه من كل كلبها لان هذا الشي اني حاس بي وشبهته (بلموت) وماكدرت اجرحها ...علي حضر كلشي باجر المشيه مال ضلعك ..
ريام ..شنو 😳
علي ..فهمني حسام شنو السالفه ..
حسام ..باجر امشي ع الدكتوره ريام ..
ريام..من سمعت حسام يكول علي باجر المشيه احس جسمي كله يرجف واحس وجهي صار نار من الفرحه ..بسرعه طلعت من اغرفه ورحت للبراد غسلت وجهي مي بارد اريد احس انو هاي حقيقه مو حلم الحمدالله ياربي من الفرحه مادري شنو اسوي اروح واجي اريد اخبر الكل واكلهم راح يتزوجني حسام ..
علي ..حسام انته واعي جاي تسوي لاتضلم الابنيه وياك تره ساعدتنه وماعفته كل هذي الايام فهمني شنو ناوي ..
حسام ..سولفت لعلي من اول يوم شفتها ومن صحيت ولكيتها نايمه ع جف يدي لحد هذا اليوم اني جنت اشوف اهتمامها بس جنت اتجاهلهاا لان ماريد اضلمها بس من سمعتها شلون تبجي ماكدر اكسر بيها لان هذا الشي اني حاس بي..
علي ..بيها الخير انشاءالله وانته همين لازم تنسه مسك وتفتح صفحه جديده لان ريام ماتستاهل غير كل خير ..
حسام ..هزيت براسي واني احس صار حمل جبير ع كلبي واني اسال روحي يا ترى  راح اتاقلم وياهاا راح تتعلم عليه راح تكدر تدخل لكلبي اووف اشوكت انسه وارتاح ..
مسك ..كافي كرار وخر عني تره جاي اختنك لاتلمسلني وخر يدك عني ..بعد عني كرار وكام معصب ..
كرار ..مسك تره هاذي مو حاله كلما اتقربلج تبعديني عنج شبيج ..
مسك ..كمت ابجي ..كعد يبوس بيدي كمت ابجي اكثر بعد عني فدووه وخر عني ماريدك ..
كرار ..غير اعرف شنو بيج لو بس فالحه بلبجي حسره ماحجي وياج تبجين ولو مخنوكه ولو تعبانه وجوه كاعده وكلشي مابيج ..
مسك ..كرار كافي لخاطر الله يوميه هذا الحجي تره تعبت ماتحمل ..
كرار..اني هم بعد ماتحمل وصلت حدها تره عفتها نزلت ..
مسك ..طول هذي الفتره اني تعبانه مخنوكه من اجت مروه يمنه لان عطله تقضيها يم رقيه من اطب للغرفه احس اختنك اكثر..طلعت كعدت بلصاله واخذت نفس محتاجه اشم هوه عبالك شلون الي جنت اغرك بلبحر من اطلع محتاجه هوه يرد بيه النفس ..نزلت لكيت عمتي كاعده كعدت يمها كالت شبيج بنيتي ..كبل بجيت ..
ام كرار ..تعالي بنيتي نامي ع رجلي ..كولي شبيج ليش كرار طلع زهكان متعاركين ..
مسك ..رحت نمت ولضلت تمسد بشعري لا والله عمه بس اني صار فتره من يتقربلي كرار اختنك احس شي خانكني من ركبتي وجاي اموت واتحمل بلكوه علمود مازعله وكمت ماتحمل خاصته هليومين ..من اطب للغرفه احس اكو ضباب اسود عبالك بيها من انام احس عبالك شي نايم ع صدري والله عمه جاي اموت وساكته ماحجي ..
ام كرار ..يايمه اسم الله عليج نامي بنيتي رتاحي حسبي الله ونعم الوكيل ..ضليت اقره ايات نامت هلمسكينه ..ع رجلي اجه كرار وهمستله يمه افرشلها يمي فرش وشالهاا وكمت غطيتها تعال يمه اكعد يمي عدي حجي وياك ..
كرار ..كعدت يمي من كالت الي جاي يصير بمسك تخبلت ماعرف شنو اسوي ..
ام كرار..يمه هلبنيه مسويلها عمل لازم نوديها لشيخ ليروح يصير بيها شي وهلبنيه يتيمه يايمه عينك عليهااا ..
كرار..انقهرت كلش ع مسك اشكد حقير اني جاي اذيهااا فرشت بصفها ونمت ضليت صافن عليها وحاير شنو اسوي ..
حسام ..ها ريام  يله اني باب المستشفى انتضرج ..
ريام ..ماشي حبيبي نازله
حسام ..بعد ماخطبت ريام طلبت مني انو الخطبه تكون طويله ونتعرف واحد ع الثاني واني ارتاحيت هلشي ماريد اظلمها وياي اخاف ماكدر احبهااا ..من تمرضت امي جان يحتاج احد يكون يمهااا وساعدهاا لانو بسببي ومن خوفها عليه من سمعت سويت حادث ضربهاا جلطه بلدماغ وانشل  نص جسمهااا والدكتور كال حاله الولده وصلت للموت وربك نجهاا بس اكو شي هو تذكر  بس الماضي بس الشي الي صاير بلحاضر ماتذكره بس  تذكر الحادث من صار تعرفكم بس وحجيها ثكيل ..كلش اتذيت من طلعت من المستشفى بس بوكفت ريام ويه امي وياي خلتني اطلع من حزني خلت البيت كله يحبهاا حتى كامت تجي وتبات يم  امي من تشوفها تعبانه ..حسيت اشوي كمت افقدها من ماشوفها لان تعلمنه عليهااا ..
ريام ..اليوم خاله تعبانه وخابرتني تريدني ابات يمها ...
حسام ..اي اني من تكول باسمج اعرفهاا تريدح يمهاا رجعنه للبيت وتعشينه وضلينه نسولف ويه امي وعشتها ريام باوعت عليها هلبنيه تعبت ويانه وكل هذا لان تحبني ..
ريام ...غسلت لخاله بعد ماعشيتها حسام تعال شوي ساعدني نسند خاله ..
حسام ..كمت لان احنه متفقين من اني موجود اني اساعدهاا بامي بس هيه متقبل بلكوه قنعت ..خليت امي ع الجربايه وصعدت ريام غطتها من جاي تنزل نرفع دشداشتها وطلعت رجلهاا وهيه مامنتبها حسيت رجف كلبي صار فتره مخطوبين بس ابد مابايسها ولا حاضنها ..بس لزمت الايد انوب نزلت شالت الصنيه طلع شوي صدرها كمت اني وعصبت ريام هاي دشداشتج بعد متلبسيها من تجينه البسي شي مستور وعريض وعفتها وطلعت للحديقه ضليت افكر بيهاا كافي حسام شتاني ليش ماتعترف لنفسك انته حبيتها انسه مسك خلص اصحى كدامك بنيه تحبك حرام تظلمها كل هذا الي جاي تسوي الك ولمك وماتحبهااا ليش تخاف تضعف كدامها هاي مرتك حلالك وخطيه كلشي تحملت لان تحبك ..شفت ضوه المطبخ طفه عرفت نامت ضليت افكر .تعبت وره اشوي طبيت للمطبخ فتحت الباب ع كيف وشفتها كاعده بلمطبخ ع الكرسي وخاله راسهاا ع ميز الطعام ..
ريام ..كلش انقهرت من حسام صيح عليه اتحملت كل عصبيته وصبرت كل هذي الايام بس مبدر منه شي شفته عصب وطلع كل ظني هو فوك غسلت المواعين وطفيت الاضويه وكعدت ابجي تعبت لوين اظل  اعاني ..
حسام ..كلبي وجعني عليهاا رحت عليه ومديت يدي ع راسها رفعت راسها باوعت عليه ورجعته تبجي سحبت كرسي وقربته يمهااا رفعت راسها بيدي وكتلها ..اني اسف شفتها شلون تبجي وجها وخشمها صايرات حمر قربت وجهي ع وجهاا باوعت ع شفايفها ترجف ..

وللحكايه البقيه ..
بقلم Reem ali تحياتي لكم وان شاءالله تعجبكم شنو رائيكم ...