كفاك يا قدري

بارت ٨

يسعد صباحكم احبتي 💋💋
بقلم ReemAli

واجه عليه ديضربني خليت ايدي ع وجهي وجان احس احد دفعني من يمه ...

رفعت راسي واشوف حسام لازم يد بسام ويريد يضربه ..

حسام ..ولك انته شنو من بشر هاي اختك من لحمك ودمك هيج تاذيها دفعته حيل وكع بلكاع ..

بسام ..لك انته شدخلك بيناتنه ....

حسام ..اجيت اضربه ولزمتني مسك من ضهري ..

مسك ..لا فدوه حسام لخاطري ....

حسام ..ولج باعي شكلج صاير بي بسببه وجاي دافعين اله ..شفت شلون ادافعلك وانته يوميه ضاربها اني الك شوف شنو راح اسوي ...

بسام ..روح شتريد تسوي سوي محد مسؤول عليها غيري  فهمت ...

حسام ..ماشي ونشوف منو المسؤل ...
طلعت من بيت عمي واني معصب كلش شخطت

السياره ورحت ع جدي وسولفتله كل الي صار
وشلون جاي تعيش مسك ..جدي عصب حيل ...

الجد ..حسام شغل السياره وصلني لبيتهم ....

حسام ..ماشي جدي ...
وصلنه لبيت عمي ونزلت فتحت الباب ودخل جدي ....

مسك ..كاعده  بلغرفه واسمع صوت جدي وهو يصيح وينه هذا ..لك بسام ..بسام طلعت وصار جدي كبالي باوع عليه كلي ....

الجد..ليش ساكته وماجيتي كتيلي ..

مسك ..ضليت ساكته بس دموعي تنزل 
نزل بسام ..

بسام ..هلا جدي شلونك ...

الجد ..لا هلا ولا مرحبا. كلي انتي مره ..تكتل اختك الي مالها غيرك ليش هيج مسوي بيها من تشوفها ماتذكر امك ابوك ..عار تمشي وره حجي النسوان ....

بسام ..صحت بصوت عالي ع جدي تنرفزت من كلي انته مره ..جدي اني مو مره ولا عار هيه الي تخلي اصرف وياها هيج ....

مسك ..شفت جدي عصب حيل من رد عليه بسام وجان يضربه راشدي ...بسام تخبل كام يصيح اكثر ..

بسام ..لعد اذا هيج تحبها وخايف عليها وين جنت كل هاي الايام ..هاا ..يله اخذها يمك اذا هيج تهمك..

الجد ..لك انته فد واحد كل.....كلي عليمن طالع ابوك وامك مثقفين ومرباين احسن تربيه واذا اسمع ضارب مسك ما تلوم الا روحك فهمت واني الك يا بسام يله ...حسام امشينه ..

مسك ..من راح جدي طبيت وماباوعت بوجه بسام خفت لا يضربني لان جدي ضربه بسببي ...

حسام ..طلعت من بيت عمي واني شكل مسك ميروح من بالي لمن لزمتني متريدني اضرب اخوها ياربي اشكد كلبها طيب هاي البنيه ..

الجد ..حسام ..

حسام ..نعم جدي ..
..
الجد ..ارجع لبيت عمك هاي بنت عمك كسرت كلبي ..ارجع خلي ناخذها يمنه كم يوم ..