كفاك يا قدري

بارت ١٦

يسعد صباحكم احبتي ..
بقلم Reem ali .😘😘
فديت قرائي 💋💋

غصون ..وصلنه لنهايه فرعنه وكف كرار وحسيت انفتح الباب وصعد واحد وكعد وره يمي فتحت عيوني ع وسعهن 😳واني اشوف سيف يمي ..

سيف ..صباح الخير..

غصون ..بارتباك صباح النور ..

سيف ..شلونج مرت اخوي ..

مسك ..الحمدالله بخير ..

سيف ..احجي واني اباوع ع غصون يبوو فديت الخجلان حتى مارفعت راسهااا ابد طول الطريق وهيه منزله راسهاااا ضلعي متكولي ماشايف ارضيه السياره اضاهر عجبتك .غمزت لكرار 😉
كرار..اي حيل عجبتني 😂😂😂

غصون ..من صعد سيف ويانه اني احس بتوتر كلش قوي واحس كلبي صار طبل وضعي تخربط كلش وانوب عطره الي ترس ريتي وشعره الاسود اليلمع ولحيته الي بارزه بياضه ونوب لابس كيمونه سمائي ومبينه تقاسم جسمه وشلون امعضل ..

اويلي هاي اهواي عليه احس راح اموت يالله اني ديصير بيه ...

سيف ..هاي تلفوني كرار وحط هذي الاغنيه ..

كرار ..نطيني ..

غصون ..من يتحرك يمي اريد اخرب عبالك ويه كل حركه يسويهااا وبحجه التلفون ينطي لكرار حسيته اتقرب اشوي ..

شغل كرار التلفون وطلعت اغنيه (يارا .مابعرف كيف بنضره بتعمل هيك )ياويلي اريد اجرء وشيل راسي واباوع عليه مكدرت ..معقوله اني غصون ام لسان هيج يصير بيه ..

سيف ..اباوع عليها شلون ناسكه باشكلها وبملابسهاا حتى عطرهااا يختلف عن باقي البنات الي عرفتهم ..

كلش عجبتني ودخلت لكلبي بساع بساع هيج اني سيف الي مدوخ البنات ويركض وراي ويتوسل اعشق بنيه من اول نضره اويلي ع الحب ..

علي ..كعدت من النوم واني بالي يم حسام كمت شفته نايم بعده رحت سويتله كهوه حتى يصحى ..ورحت كعدته يله حسومي كوم ..حسومي ..

حسام ..همممم ..عوفني انام تعبان

علي ..كوم اشرب هاي الكهوه حتى تصحى كوم ياخوي لخاطري ..
حسام ..جنت نايم وحسيت علاوي كعدني ..حسيت جسمي مكسر وتعبان بشكل ..ومعتي توجعني حاولت اكوم مكدرت اخخ ..

علاوي ..حسومي بيك شي.

حسام ..اي راسي ماكدر اكوم ..

علاوي ...كوم اشرب هاي الكهوه حتى تصحه متكولي شجاك انته اول تالي تشرب ليش هيج حسام ..