رغبه ختت التلفون وقالت شكلو فعلاً بدأ يغيظني وانا كمان ح اغيظو وأبقى شريرة زيو هاشم صحى ومشى الشركة لقى رنا ومحمد بشربو في الشاي سلم عليهم وقعد يشرب معاهم الشاي سأل محمد قال ليهو أفضل جامعة في مجال الهندسة الطبية من الجامعات الخاصة أي جامعة محمد قال ليهو عايز تقرأ تاني ولا شنو قال ليهو لا عايز أقدم لرغبه محمد قال ليهو يادي رغبه الم راضيه تطلع من أفكارك هاشم قال ليهو سألتك سؤال جاوب على قدر السؤال ولا اسكت قال ليهو سكته رنا قالت ليهم رغبه دي منو وقصته شنو هاشم قام قال ليها خلي محمد يحكي ليك قصته لانو ح يحكيها ليك احسن مني إضافة المؤثرات تبعو الخاصة ومشى خلاهم رنا قالت ليهو محمد رغبه دي محمد قال ليها وحده من الشارع لقاها وقعده مع خالتو في البيت في حاجة تاني قالت ليهو كيف يعني قام قال
وهو ماشي على مكتبو قال ليها م عارف واساسا انا م شفتها بعيني اسالي هاشم قالت ليهم انتو عبطه صاح أي واحد فيكم بقول لي اسالي التاني حيرتوني قال ليها سلام ومشى وقعدت تفكر وتقول ياربي رغبه دي منو كمان الطلعت لي دي هاشم في مكتبو كان بسال عن الجامعات الخاصة لقى الجامعة واستفسر وعرف المطلوب شنو رغبه في البيت كانت بتحاول تعرف تستخدم التلفون كيف لما جاته رسالة في الماسنجر من هاشم قال ليها شايفك قاعده في الفيس ردت ليهو قالت ليهو بحاول اعرف استخدمو كيف قال ليها تمام يلا انا عندي شغل لحد بعدين قالت ليهو يلا سلام جواها كانت في حاجة بتقول ليها هاشم ليه مهتمي بي كدا معقول يكون اهتمام أخ ب اختو ولا حاجة تانية قطعت تفكيره إشراقة لما قالت ليها يلا نفطر عدا اليوم وكان ك العادة رغبه في البيت تلفزيون ومسلسلات وهاشم شغل وتعب جا هاشم راجع البيت لقى رغبه واشراقة يشربو في شاي المغربية ك العادة سلم عليهم وقعد يشرب معاهم الشاي قال لي رغبه انا لقيت ليك جامعه خاصه ونفس المجال الانتي حاباهو هندسة طبية بس محتاجين لاوراق عشان القبول قالت ليهو قلته شنو انت اكيد م جادي قال ليها جادي والله العظيم قامت تبكي إشراقة قالت ليها لي البكى هاشم قال ليها انتي على طول بتبكي انا م عايزك تبكي انا عايزك تكوني زي عايزك تكوني قوية تتخطي كل ايامك السيئة وتنجحي وتبني مستقبلك وتعيشي حياتك زي م بتتمنيها قالت ليهو شكراً ليك ياهاشم قال ليها بمناسبة اول يوم تنطقي اسمي مفروض نحتفل وثانياً ماف حاجة إسمها شكراً انا وعدتك قلته ليك ح اقيف معاك لأخر يوم في عمري إلا يجي يوم وتقولي لي شكراً م عايزاك تقيف معي بعد كدا قالت ليهو م ح يجي اليوم دا إشراقة قالت ليهو أن شاءالله ربنا يوفقكم مكان م تقبلو رغبه قالت ليها أمين وم اتحرم منك هاشم قال ليها غلط م نتحرم منها انحنا الاتنين وبعدها ضحكو هاشم قال ليها محتاجين نطلع ليك أوراق عشان التقديم قالت ليهو كل أوراقي في شنطتي شلتهم قبل م اطلع من البيت وختيتهم في شنطة اليد قال ليها كدا م عندنا مشكلة من بكرا نبدأ إجراءات في أثناء م بتكلم معاها تلفونو ضرب لقى رقم غريب ردا لقاها هتان سلم عليها قالت ليهو اتصلته عشان أسلم عليك قال ليها انا كمان كنتا متذكر أمر عليك بس كنتا مشغول لكن بكرا ح أمر عليك ودعه وقفل بعدها استاذن وقال لي رغبه اجهزي بكرا ح اجي اسوقك زي 9 عشان نبدأ إجراءات قالت ليهو حاضر هاشم مشى ورغبه كانت فرحته م قادره توصفه م كانت قادره تنوم من الفرح وقالت وأخيراً حلمي ح يتحقق وأخيراً جا الصباح رغبه قامت بدري اختارت لبسه تلبسه اختارت ليها اسكيرت رمادي مع قميص اسود وطرحة ملونه وشنطة سودا واسبورت جهزت وختت في عيونه كحل وعلى شفايفة روج هاشم جا اول م طلعت كان بيعاين ليها كانو م مصدق دي نفسها رغبه في حين انو هي جميلة بس الحجات دي كلها خلته أجمل قال ليها شايفك بقيتي بت جامعة خلاص قالت ليهو اكيد سلم على إشراقة وطلعو مشو الجامعة خلصو إجراءات القبول ودفع القروش وطلعو رغبه كانت ح تموت من الفرحة م صدقت أنها ح تقرأ الجامعة خلاص هاشم قال ليها مبروك عليك قالت ليهو لو م انت م كنتا ح اقرأ قال ليها قلنا شنو سكتت قال ليها تعالي اخدك معي الشركة عندي شوية أوراق اخلصة وبعدها اطلع اغديك برا واوديك البيت لأنك من يوم جيتي محبوسة افسحك شوية بدل ملل البيت قالت ليهو موافقة
يتبع.....
